موظف واتمنى الإبتعاث.... افيدوني الله يحرم وجوهكم على النار

اخي تمنياتي لك بالتوفيق وارجو من الله ان يسخر لك مديرك المباشر ووكيل الوزاره اتمنى اساعدك بس ماعندي خلفيه ان شاء الله الأخوان مايقصرون

السلام عليكم

احس إنك لا بس نظارة سوداء تشوف فيها حياتك،كل الكلام اللي قلته مر على اكثر الموظفين
ولكن العزيمة والتوكل على الله ، واليقين إن رزقك لن يرده احد عنك، إذا وإذا وفقط سعيت له بالطريقة الصحيحة


ابدأ أولا بالإستخارة وطلب العون من الله سبحانه

ثانياً: قبل ما تبدأ ضع لك خط للرجعة لكي لا تنصدم
يعني حط في بالك كل الامور المتوقعة من القبول أو الرفض

ثالثاُ: أخذ موافقة مديرك المباشر، أو وكيل الوزارة أولاً.
لانه بعدها الباقي اجراءات حتى توصل معاملتك للخدمة المدنية

رابعاً: أكثر الموظفين وأنا منهم لم يقابل طلبهم في البداية إلا بالرفض، والتأجيل، ولكن الإصرار والاستعانة بالله يكسر كل هذه الحواجز.

معاملتي عشان تطلع من إدارتي اخذت قرابة عشرة شهور!!!!!!!
ولكن حافظ على ضغطك، ولا تخربها ، ترفع صوتك ، أو تخليهم يمسكون عليك كلمة غلط، ثم تبلش ، طوووووووول بالك، وكثرة الضرب يفك اللحام، خلك زي قطرة الموية اللي مع الوقت تحفر الحجر،
ولا تطب على وجهك وترفع صوتك وهذا حقي وانتوا ظالميني ، صدقني تتعقد الامور زيادة.
أذا كنت حاط في بالك الموضوع يآخذ معك سنة ، خلها سنتين، اهم شيء العزم لا ينقطع، وإن شاء الله تاصل إلى مرادك


الله يوفقك

ياخي احيي فيك هذا الطوح .. وتاكد تماماً انك لو كنت في اي عمل حكومي او اي قطاع اخر غير الذي انت فية الحين ستجد نفس المشكلة .. ولكن ماعليك من احد .. انت جهز اوراقك بدون ما تقل لاحد ( اسعينوا على قضاء حوائجكم بالكتمان ) وبعد ما تجهز كافة المتطلبات واجههم بدون وراسك مرفوعه .. انا عاشت ذلك عند تقديمي للماجستير والحين اعايشها في التقديم للدكتوراة وتاكد تماماً ان همتك ورغبتك فوق كل اعتبار فمن وضع لة هدف سوف يصلة بأذن الله ..اما عن التقديم للجامعات الخارجية فاذخل على المواقع الخاصة بالمبتعثين في الدول الأوربية وستجد هناك شباب يخدمونك بعيونهم وهم مايعرفونك بس تاكد من ديوان الخدمة المدنية هل يوافقون على ابتعاث من تقديرة مقبول ..
وتقبل خاص تحياتي ..

اخوي حتروف.... ليست المسألة انني البس نظارة سوداء ولكنني اقول هذا الكلام من اناس سبقوني بالتقديم وتم رفض طلباتهم مباشرة

الله يوفقك ويرزقك وييسر امرك قريبي نفس تخصصك هندسة مدنية درس وراح انتدابات وكمل دراسة في اغلب دول اوربا وامريكا والحين توجه لدول اسيا وكله على حساب عمله يعنى طريقك سهل باذن الله توكل على الله وعسى ربي يفرجها عليك .

اخوي
سلمك الله
اول شي استخير الله
ثاني شي وقبل اي خطوه في الأبتعاث اللي مراحله طويله عليك برئيسك المباشر او بالمعنى الأصح كل الأشخاص المقربين من المدير
ثالثاً إذا حسيت في بوادر آمل توكل على الله وابدء راسل الجامعات وخذ التوصيات من جامعتك السابقه وبعدين لاتنسى التوفل من اي جامعه بالمملكه ( يعني هو مو توفل بديل التوفل ) وهو سهل شوي والدرجه المطلوبه 350 . او من معهد الأداره العامه بالرياض ويمكن فيه فروع بس مدري .

والله يكتب لك اللي فيه الخير
وترى لاتئيس إذا ماجاتك البعثه تراها والله تعب تعب ............. بس الحمدلله على كل حال.
وعليك بالدعاء ( ولاإله إلا انت سبحانك اني كنت من الظالمين ) .

ومن قال ومن قراء ومن شاف الله يحرمه على النار
وعسى ربي يوفقك

لا يجي في خاطرك شيء اخوي
بس صدقني اذا كان لك رزق بتأخذه ولو ردو قبلك مئة موظف

الله يوفقك