الضمان المالي

السلام عليكم
بالنسبة للجامعات الامريكية، أكثرهم تقدر تقدم عليها من دون ضمان مالي، ويعطونك ورقة اسمها عرض قبول.
هذه الورقة تقدر تكمل بها جميع اجراءاتك مع جهة العمل والخدمة المدنية، وبعد ما يصدر قرارك تاخذ ضمان مالي وزارة التعليم العالي وترسله للجامعة علشان يعطونك الورقة النهائية اللي اسمها I20. تقدر تطلع بها الفيزا. وهذ اللي صار معي.

بالنسبة للتقديم على جهة عملك ، فهو بصراحة يختلف من جهة إلى جهة .
اللي صار معي
1- كتب خطاب إلى مديري المباشر اوضح فيه رغبتي في إكمال الدراسة، وأرفقت معه صور مؤهلاتي . ولم أحدد في الخطاب الدولة أو الجامعة.
2- مدير المباشر كتب خطاب اثني علي فيه خير، موجه للمدير العام.
3- المدير العام، كتب خطاب بموافقة الإدارة على طلب المذكور . موجه لإدارة التدريب.
4- إدارة التدريب: طلبوا مني قبول من جامعة معترف بها، اختار التوفل أو ما يعادله للعرض على لجنة التدريب في جهة عملي.
5-الحمد لله وافقوا، وتم توجيه خطاب طلب ارتباط مالي إلى وزارة التعليم العالي.
6- بعد كذا راحت المعاملة إلى الخدمة المدنية.
7- الحمد لله صدر القرار بالموافقة.
8- اخذت ضمان مالي من التعليم العالي بناءا على قرار الخدمة المدنية، وارسلته للجامعة واعطوني الورقة اللي اقدر اقدم بها على الفيزا.
9- اخذت قراري من جهة عملي الصادر بناءا على قرار الخدمة المدنية ( وهذه الورقة اللي تطلبها الملحقية إذا وصلتهم بالسلامة إن شاء الله)
والحمد لله على ما يسر ، وإن شاء الله ما نسيت شيء ، والله يوفق الجميع

الله يجزاك الف خير وفيت بالجواب

بس الي انا اعرفة ان الضمان المالي قبل قرار الخدمة المدنية (يعني ما توافق الخدمة المدنية على ابتعاث اي موظف الا بالارتباط المالي الذي يتم بالتنسيق بين وزارة المبتعث ووزارة التعليم العالي )

الإرتباط المالي غير الضمان المالي

بعدما يتم ترشيحك للابتعاث من إدارتك تقدر تاخذ ضمان مالي مبدئي من إدارة الابتعاث في جهة عملك لتقديمة للجامعات .