استفسار الارتباط المالي كم يحتاج؟

الدكتور علي الف الف مبروك
الحمدلله صبرت و نلت
اما سؤالك عن الارتباط المالي في وزارة التعليم العالي
انا كنت عندهم الاسبوع الماضي وقابلت المختص الخاص بوزارتي وكانت ورقة الارتباط معي مناوله
وجلست ادردش معه وافادني بان الارتباط ما يبغى له ولا عشر دقايق (اذا خذته مناوله
وهذا الخيار افضل) لو راح بريد والله يقعد اسبوع حتى يوصل واذا وصل يبغى ثلاثة ايام حتى يوصل الى المختص و اذا وقع و ختم المختص يبغى له يوم و نفس الايام حتى ترجع لمرجعك واما مناولة نص ساعة و انت منتهي
بس اهم شي لا يكون على وزارتك مديونية سابقة زي وزارتي معهم
وحتى الحين ما انحلت الامور بس اسئل الله العظيم ان يسر امري
بما اني رديت عليك وان شاء الله جوابي يرضيك
ابغى من اهل الخبرة في مثل حالتي حتى الحين وزارتي ما سددت المديونية وش رايكم

أنا اخذ من اسبوع
بحجة إن الوزارة التي اعمل بها لم تسدد ما ما عليها من التزامات ماليه للوزارة التعليم العالي
وانتهى الموضوع بالمفاهمة الهاتفية بين إدارة التدريب في جهة عملي وإدارة الميزانية في التعليم العالي

الله يوفقك

اخي ابو طارق الاسترالي ..لدي استفسار بسيط اتمنى اذا كان لديك اجابة ان ترد علية ..
وعندما دار الحديث بينك وبين الموظف المختص في وزارة التعليم العالي ..
ما جاب لك سيرة ان هناك تكدس في بريطانيا وان هناك توقيف لبعض الجامعات ..
وهل قرار التوقيف للتكدس يشمل الموظفين الحكومين ..
(لاي دولة انت مبتعث .. واي جهة حكومية ..اذا ما فية خصوصية اتمنى الأجابة )
وتقبل تحياتي ..

د / على الف مبروك على موافقة وزارتك على ابتعاثك ..
بس ممكن اعرف لاي دولة انت مبتعث
وشكراً

الأخ أبو طارق، الله يبارك فيك و مشكور على المعلومة المبشرة، والله ييسر أمورك و أمور المسلمين جميعا.

الأخ حتروف أشكر مرورك و ردك.

الأخ أبوربى، أنا قبولي على بريطانيا، و بالنسبة لمسئلة التكدس، على حد علمي بالنسبة للموظفين الإبتعاث لا يوقف لبلد معين بسبب التكدس، ولكن الجامعة أو التخصص يوقف بسبب التكدس، يعنى لو قبولك على جامعة و تخصص لايوجد فيه نسبة زائدة من السعوديين ما عندك مشكلة، لكن لو كان التخصص فيه تكدس الملحق راح يرفض يصادق لك على القبول.

تحياتي.
د.علي

د. علي شكراً جزيلاً على تجاوبك .. لله الحمد لدي قبول ومصدق من الملحق الثقافي ..والأسبوع هذا انشاء الله
ترسل معاملتي لوزارة التعليم العالي لانهاء الأرتباط المالي ..
بس ما تضمن شي الأنظمة واللوائح تتغير في ثواني بل وحسب الأهواء .. وممكن يقولوا بريطانيا فيها تكدس رغم تصديق الملحق الثقافي ..انا اعرف اللوائح في لا يمكن ان نتنباء بما قد تصدره العقول ...... ـــــــــــ

الله ييسر امورك يا ابوربى، و عقبال قرار الابتعاث.

تحياتي،
د.علي

اخواني الاعزاء اشكركم على الحوار السابق
اخوي حتروف اشكرك من اعماق قلبي على المعلومة المفيدة
اخوي ابو ربى بالعكس مافية خصوصية انت زي اخوي و اكثر ان شاء الله الارتباط المالي نموذج يرسل من مرجعك الى وزارة التعليم العالي وفيه خيارين الخيار الاول يمكن الارتباط والاخرى لا يمكن الارتباط و يوقع المختص و يختم ولا له دخل في التكدس او غيره اهم شي مرجعك لايصير عليه مديونية
اما بخصوص الدوله انا ان شاء الله رايح لاستراليا واما مرجعي ....... على الخاص
الدكتور علي الله يوفقك واشكرك على طرحك لهذا لموضع

د. علي ..
اتمنى لك التوفيق وان تنهى معاملتك بسرعه الضوء ..
واتمنى ان تبلغنا اذا انتهى الأرتباط المالي .. كي نسعد لسعدك ..
وتقبل تحياتي ..
اخوك / ابو ربى