استفسار موجة للمعلمين او الموظفين في وزارة التربية والتعليم او من لدية الخبرة

اتمنى ان تكون اتضحت الرؤيا

مشكووور وماقصرت يعطك العافية فعلا اجابة اوضحت كثير من الامور

وانا فهمت من كلامك ان طالب الاجازة الدراسية بدون راتب لا يعتبر مبتعث من جهة العمل


شكرا لك واذا في فهي اشكالية وضح لي اكثر

نعم اخي الكريم كما ذكرت الاجارزة الدراسية لا تعتبر بعثة ولكن هي الافضل لعدة امور وهي:

تسجيل مؤهل لدى الخدمة المدنية
احتساب سنوات الدراسة ضمن سنوات الخدمة
تكون مدتها مدة الدارسة

اشكرك كثيررر على متابعتك لموضوعي وتفاعلك معي

ومشكووور وماقصرررت فعلا لابد من الاجازة الدراسية هلي الانسب حل والافضل

الله يوفقك لما يحب ويرضى وبارك الله لك في علمك ونفعك اياه

مرحبا ابومشاري ...,

الله يوفقك ويسهل امرك .

يجب اولا ان تحصل على اجازة دراسيه من التعليم حتى يعترف بشهادتك .
طريقة الاجازة الدراسية ؟
تحضر قبول جامعي ومصدق من الملحقية ببلد الدراسه وبعدين تقدمه لادارة التعليم ثم بعد ذلك باذن الله تصدر لك الاجازة الدراسيه على حسب مدة دراستك .

والاجازة الدراسيه ضروريه جدا لك وان انصحك ان تحصل عليها باي طريقه ومن مميزاتها انك تستطيع العودة لعملك متى شئت حتى لو لم تكمل دراستك .
وايضا لكي تنضم للبعثه يجب عليك احضار اجازة دراسيه .

يبدوا ياابو مشاري انا وياك متقاربين بالوضع .
حيث انا معلم رياضيات انتظر قبول جامعي لاقدم على الاجازة الدراسيه .

اتمنى ان يكون بيننا تواصل لنسفيد .

تقبل مروري .

انا موضف مدني بالمرتبة 6 في وزارة الدفاع والطيران وقد حصلت على قرار اجازه درسيه من مرجعي وطبع لي من الوزارة وانا ما عندي الا قبول لغه فقط
بس للمعلوميه من شان الاجازه الدراسية :-
21- هي كا الاستثنائية بدون راتب ولكنها تدخل في الخدمه
- اذا ما جبت الموهل الي من شانه اعطيت الاجازه فراح يحولونها استثنائية وما تحسب في الخدمه
3- اما اذا جبت المؤهل فلابد ان تخدم في الوزارة الي عطتك الاجازه قد المدة الي اخذت فيها الاجازه
4- بعد العوده راح يصدر لك قرار(لسنوات الدراسة)استقطاع 9% للمده الي درستها علشان تنظم في الخدمه
5- لو قطعت الاجازه بدون ان تاخذ الموهل تحسب لك استثنائي ويحق لك ان تقطعها وتعود عملك في اي وقت تريد
6- مدتها وخاصه لطلاب الماستر 3 سنوات وبعدها ممكن تمددها كل سنتين سنتين حتى تنتهي بعد موافقة الوزارة

مرحبا والله ابوهيلة يشرفني والله التواصل معك وفعلا تبادل الخبرات شي طيب
وانا قرأت رسالتك لي ولاكن حذفه منها اهم شي للتواصل
انا الان متواجد هنا في بلد الدراسة والحمد لله اسعى الان في القبول الماستر
ومن شروط الاجازة الدراسية أن يكون قبولك الماستر نفس تخصصك البكالوريوس وهذا من اهم الشروط
واذا حصلت على الاجازة تقدر بعدين تغيرر التخصص بس باقي مافهمت طريقة تغير التخصص
اساسا جيت للملحقية ابي افتح ملف طالب يدرس على حسابه الخاص قال لي الموظف المسئول لا نستطيع فتح ملف لك الا بعد حصولك على الاجازة الدراسية او ورقة فصلك من العمل وهذي مستحيل
اما الاجازة سهله بأذن الله وبالاجازة مثل ماقلت اقدر انظم للبعثة
ولنا لقى قريب انتظرك

مرحبا بالاخ هادي القحطاني
أولا : شكرا لك على توضيح امور مهمه للإجازة الدراسية
اذا جبت المؤهل المطلوب في الاجازة الدراسية ليس شرط ان تخدم عدد السنوات في الوزارة
فعلا هذا الشرط موجود ولكن هذا فهمي لهذا القرار واذا انت تشوف غير ذلك وضح لي اكثررر وهذا نص القرار :
أخذ تعهد خطي على الطالب الاجازة بالعودة الا عمله السابق ما لم يوجه إلى عمل أخر حسب ماتراه الادارة او الوزارة

مثال : واحد من اخوياي خذا الماستر وهو معلم واول مارجع على طول حول للجامعه وصار معيد ....بعد موافقة الوزارة
اما الاستقطاع فأول مره يمر علي ومشكور على تبليغنا بذلك لانه كان يجهلني هذا الامر

شكرا لك على ماقدمت والله يوفقك ويوفق الجميع لما يحب ويرضا

ابو مشاري نفس الكلام الي انت كتبته نفس الكلام الي انا قلته
الله يسلمك لما ترجع بالموهل لا بد تخدم قد الدراسه لا وزيدك من الشعر بيت لو تدرس 3 سنوات لابد ان تخدم 3 سنوات ولو تدرس 3 سنوات وسبوع ولا وشهر ولا شهرين ولا الي يكون لا زم تخدم 4 سنوات يعني يكملونها على انها سنه
اما خويك يوم حول فانا اقول بناء على موافقة مرجعك ثم وزارتك تتكسر كل هذي الحواجز بس انا اتكلم عن نظام الخدمة المدنية بشكل عام
اما استقطاع 9% هذي لا بد منها علشان يحسبون لك الخدمه وتدخل في التامينات او معاشات التقاعد وهذي شي بديهي ولابد منه ولا كيف تبي تحسب لك الخدمه وقت التقاعد
بس لما ترجع ومعاك الموهل تقدر تقدم اوراق الترقية في محظر الترقيات اول ما ترجع وتسجل الموهل الجديد في الخدمه المدنية
بس للمعلومية لن تسجل لك الخدمه المدنية الموهل الا بالاجازه الي اخذتها (استثنائية او دراسية او استثنائية مرافقة) فاحفظها زي عيونك لا تروح عليك وتتورط فيها
ارجو اني افدتك