مرحلة مابعد صدور قرار الأبتعاث من ديوان الخدمة المدنية ؟

أخوي انت شكلك مخربط شوي

ركز معي وانا بحاول أشرح لك وإن شاء الله يكون شرحي واضح

اولا هناك نوعين من القبول الجامعي سواء مرحله بكالريوس أو ماستر

1- قبول مشروط وهذا يكون مشروط بدرجه معينه من التوفل او الايلتس أو اي شرط اخر حسب التخصص والدرجه

2- قبول نهائي وهذا تحصل عليه إذا اجتزت اختبار اللغه يعني بالعربي اجتزت الشرط

فماله دخل الضمان المالي بالقبول النهائي او المشروط

الضمان المالي من أسمه ضمان للجهه التعليمه بان الدوله أو الملحقيه سوف تدفع عنك المستحقات الدراسيه


وأي خدمه لك حنا حاضرين للطيبين

معذرة أخوي فيه قبول نهائي الي يسمونه COE وهذا الي تقدر تستخرج فيه الفيزا الدراسية ولا يتم الحصول عليه إلا بضمان مالي أو دفع الرسوم ..

تنبيه الضمان المالي من الملحقية لاكن فيه خطاب من التعليم العالي شبيه بالضمان تحصل عليه بصورة من القرار يقوم بعمل الضمان المالي الأساسي .. أيضاً الي مستعجل ويبي يخلص فيزته قبل صدور القرار يأخذ من جهة عمله هذا الخطاب الشبيه بالضمان المالي ويذكر فيه بأن الطالب لديه منحة دراسية منهم وسوف يتم الصرف عليه من قبل الملحقية في بلد الدراسة ويعطى مكافأة تكفيه وعائلته وتشمل الدراسة والعلاج والتذاكر ....إلخ

وفق الله الجميع ...

مشكور اخوي على التوضيح ..وماقصرت .. الحين انا ارتحت كنت شايل هم الجامعه ومخاطبتهم وارسال الضمان المالي لهم ..يعني بعدما يصدر قرار الأبتعاث من ديوان الخدمة المدنية ماعد اخاطب الجامعه ا .. اروح لهم على دراسة اللغة مباشرة (قبول معهد اللغة الي حصلت علية تابع للجامعه نفسها )..

تقصد خطاب الارتباط المالي الذي من وزارة التعليم العالي الذي يؤكد وجود مبالغ مادية للصرف على المبتعث .. ممكن يطلعون علية ضمان مالي ..

اذا كان ابتعاثك لاستراليا يلزمك القبول النهائي COE للحصول على الفيزا

لا خطاب الإرتباط ماله علاقة خطاب آخر من وكالة البعثات الي بالمصيف موجه للملحقية وأنا أحاول هالأيام أطلع مثله من إدارة الإبتعاث عندنا وبرسله للجامعة وأخبرك وش بيصير طبعاً هذا لايغني عن خطاب الوكالة لأن الملحقية تطلبه

إذا وصلت عندهم ، هذا إذا بعثتك على استراليا مثل ماوضح أخونا وسام البدر .

تحياتي

شوف يابو ربى
ضمان التعليم العالي ماينفع للجامعه لانه مخصوص لاصدار الفيزا
والضمان المالي الخاص بالجامعه تصدره الملحقيه الثقافيه في بلد الدراسه ومايصدر حتى يصل الطالب بلد الدراسه هذا ماحصل لي حيث اتصلت بالملحقيه عشان يرسلوا ضمان مالي للجامعه لكن رفضوا وسبب رفضهم انه لازم تزودهم بصوره من ختم الدخول للبلد
وشرطهم هذا غبي لحد الجنون يعني (الجامعه ماتعطيك ورقه الفيزا CAS حتى تجيب لهم ضمان والضمان ماتصدره الملحقيه الا بعد دخولك لبلد الدراسه)
اقسم بالله اني اجلت دراسه بسببهم ومددت لغه وانا ماني بحاجه للتمديد كله عشان ما اقعد انتظر للسميستر الجاي ودخلت البلد على اساس اني جاي للمعهد وجيت الملحقيه وصدرت الضمان المالي للجامعه ودرست لغه وانا مقهور من ضياع سته اشهر من عمر الدراسه بدون داعي

لازلنا نعاني من نظامنا العقيم الغبي

لا انسى ان اقولك ان الضمان المالي ممكن يصدر للجامعه وانت هنا بالسعوديه هذا لو سويت خطاب للملحق الثقافي وبالواسطه يمشي وهذا من تجارب واقعيه لانه مجرد يأشر الملحق او نائبه بلا مانع يقوم المشرف المختص بوزارة الصحه باستخراج الضمان وارساله للجامعه وبكذا يصلك الCAS وانت هنا


بالتوفيق