سؤال بخصوص الخدمة المدنية

لا أجزم
لكن
أعتقد أن المعاملة في وزارة الخدمة وأنها لم تصدر منهم بعد

أتمنى أن فهمي صحيح
وأسأل الله تعالى أن يعينك ويوفقك ويسهل أمرك

الاخ أبو يزيد
بارك الله فيك ....انا ايضا اعتقد ذلك ....عموما انا ارسلت شخص الله يجزاه خير للخدمة المدنية يشيك على المعاملة ولعل وعسى....

هذا يعني ان المعاملة وصلت للوزارة خلال ستين يوم او اقل سوف تصدر من عندهم بالموافقة باذن الله

الحمدلله الشخص الي ارسلته للخدمة المدنية بشرني ان معاملتي وصلتهم اخيرا الظاهر كانت رايحه على جمل رغم انه انتهى عصر الجمال بس شكل الخدمة المدنية مفعلة الخدمة علشان مسابقة مزايين الابل
برضه كثر الله خيرهم والله يعنيهم على الملفات يارب وعقبال ماابشركم بالموافقة
الاخ وسام البدر شكرا لك ولبشارتك ....

انا اليوم سافرت الصباح ورحت مباشرة على وزارة الخدمة قبل بداية الدوام
والحقيقة ان اغلب المكاتب ما فيها احد وجلست في مكتب خدمة المراجعين وكنت اسمع التلفون يرن من بدري ولسه الموظفين ما وصلوا وصوت التلفون يكاد يسمع (ازعجتوا الموظفين الله يهديكم )وما فيه امل يجاوبوا احد إلا بوجوده شخصيا
المهم سألت عن معاملتي قالوا وصلتهم في منتصف رمضان واطلع ادارة الابتعاث الخارجي ورحت وما لقيت احد وجانا مديرهم وسألتهم عن معاملتي وقالي خلاص لسه بندققها
قلت ياشيخ انا جايك من مدينة ..... وضارب مشوار واذا فيه نقص قولوا لي قالي بعد شهر راجعنا وعطيته الترجمة ومشيت وانا متحسف على المشوار اللي للأسف كأنها معاملة نوووية
طبعاً استفدت من المشوار في تسجيل المؤهل وبصراحة كانوا الاخوان متعاونين معي وما اخذ وقت
بصورة عامة انطباعي سيئ عن التعامل مع المبتعثين وما هناك شفافية على الرغم من ان الموضوع يخص المبتعث شخصيا ويحاول انجاز وتسريع معاملته وهذولي انواع التعقيد
عموما لا نقول إلا حسبنا الله ونعم الوكيل

الله يهديك بس كان رديت علي وساعدت الاخوان انا كسرت التلفون وانت قاعد ماتسوي شي ......الله يسهل امري وامرك ولو اني رجال اقسم بالله لاداوم عندهم انت متحسف انك بس رحت لهم والله الادارات الحكومية لو ماتجيهم وتسال لايمكن تنجز معاملتك ولاتنسى انهم مايعترفون لا بتلفون ولا بايميل لازم شخصيا لنا زميل من قسم البنين يحلف ان معاملته هو و 7 اخرين من نفس الادارة اخذت اسبوعين وصدر قراره لانه طلع الرياض 3 مرات بهالاسبوعين وصار مداوم معاهم الين ماانتهو من معاملته ودخلوها اللجنة ..متابعة المعاملة عن قرب ماتجبر الموظف على العمل ولكنها تساعد في الانجاز لان الموظف من مصلحته يتخلص ويكمل الملفات ويدخلها على اللجنة وانت بوجودك تكمل النواقص كلها

السلام عليكم

أنا اخذت معاملتي من وزارتي ووديتها بنفسي للخدمة المدنية ووردوها في الاتصالات الإدارية عندهم وأعطانيها الموظف لأني قلت بوديها بنفسي لمكتب أمين لجنة الابتعاث (الجهه الموجه لها المعامله) ووديتها هناك أخذها السكرتير ووقع الأمين على إحالتها لإدارة للإبتعاث الخارجي

خليتها عند سكرتير الأمين اللي قال لي انهم بيودونها لإدارة الابتعاث الخارجي بنفس اليوم

عاد مادري بالضبط كم بتستغرق المعاملة بالضبط في الخدمة المدنية وهل فيها نواقص ومتى بتجتمع اللجنة !

اللي حبيت اقوله أنه فعلاً من الافضل بكثير ان الواحد انه يودي معاملته بنفسه او يتابعها اذا كان يستطيع
والله يوفقنا وياكم قولوا آمين .

اختي روزا .. كيف دخلتي رقم المعاملة

يعني الرقم الي طلعت به من ادارتك .. وتحطيه كامل بالفواصل ؟؟؟

لان يطلع لي تأكد مما ادخلت بيانات المعاملة غير موجودة

لاحبيبتي
مو الرقم الي من ادراتي
هذا اخذته رقم جديد من وزراة الرياض