تمديد الأجازة الأستثنائية

تمديد الاجازة الاستثنائية لمدة سنة اخرى من صلاحية وزارة الخدمة المدنية اذا وافقت وزارتك ترسل المعاملة الى وزارة الخدمة المدنية ويكون القرار لهم بس في الغالب يوافقون الاهم جهة عملك

سؤال اخ Sultan
اخوك مبتعث -يعني ملتحق بالبعثات؟ او لسه يبي يدرس...؟ او يدرس على حسابه الخاص , مش عن طريق الصحه؟
لأنو انا كمان موظفه بصحه الشرقيه ومقدمه استثنائي وخايفه مايقبلون التحاقي -بإيطاليا
ومابي استقيل الحين.. اروح واشوف شنو راح يصير معاي ولو خلصت اجازتي الإستثنائيه راح امدد او استقيل..كله يعتمد ع شروط الالتحاق..
يعطيك العافيه والله يوفقك انت و أخوك انشالله آمييين

شكراً أخي وسام البدر على التوضيح وياليت الي عنده تفصيل أكثر يعطينا خبر.

أخوي طلع بأجازة أستثنائية لمدة سنة, ووقت ماوصل كندا ألحقوا في البعثة مع مكرمة الملك خلال ثلاث شهور وشوي (طبعاً هذا الكلام قبل حوالي ستة أشهر). وفي التعهدات ماذكر لهم أنهوا موظف وأعتقد انه وقع على تعهد ينص على شيء من هالقبيل.

فقط ملاحظة لك, لماذا ايطاليا؟ الألحاق اسرع شيء في كندا و أمريكا.


موفقة أختي,

مشكور اخ Sultan الله يجزاك عني الف خير..
يبي لي اكلم الملحقيه اسنفسر اكثر ( المشكله اذا شيكوا من وراك وعرفوا انك بالاحوال موظف حكومي) الواحد لازم ياخذ حذره بكل شي..

ليه ايطاليا؟
صراحه انا احبها وتعلمت لغتها عشان اروحها يوم ما..وتخصصاتها الطبيه مره كويسه وشامله, غير ان النظام الجامعي فيها سلس ومش مكلف: مافي فرق بين الإيطالين والاجانب بالمعامله ..الماجستير سنه الى سنتين- لو رايحه ع حسابي وماضمنت الالتحاق- وكمان قريبه للبلد لو اهلي حابين يجو عندي والا انزل لهم.
بالإضافه انها بلد جدا حلو طبيعه وحضاره وتاريخ.. واهم شي مافي تكدس والطلاب السعوديين محدودين جدا -ينعدوا ع الاصابع- يعني فرصه الإلحاق انشالله اكبر واسهل.

انشالله الله يسهل امور اخوك آمين.. وتراها مش صعبه تمديد الإجازة . يعنمد على رئيس القسم ومديره هناك بالمستشفى اللي يشتغل فيه ( جهة العمل) اذا وافقوا و وقعوا له خلاص اموره بخير انشالله

الله يوفقش يارب. بالنسبة الى انهم يشيكوا في الألحاق في الأحوال/الخدمة المدنية, فهذا الكلام غير صحيح وأنا أعرف أكثر من أربعة أشخاص ملحقين بالبعثة وهم موظفين حكوميين.

يااااااااااااارب يسمع منك ياأخ Sultan
هذا اكثر شي مقلقني ومخوفني.. خلاص باحاول افتح ملف بالملحقيه اول ماوصل ايطاليا..وانشالله تتسهل اموري وما يوقفوا التحاقي لأن اوراقي كلها جاهزه وشروطي مستوفيه حتى الدرجات ممتازة..
طمنتني الله يطمنك..ولو انقبلت بعثه راح ادعيلك بالتوفيق والخير ..مشكور وجزاك ع الله

انت ذكررت ان اخوك انظم للبعثة وهو موظف حكومي...انا سمعت الموظف الحكومي لما ينظم للبعثة ان يرفع لجهة الابتعاث في جهة عمله وتتم معاملته مثل الموظف المبتعث...!!!

يا أخوي في فرق بين الابتعاث على برنامج خادم الحرمين والالتحاق بالبعثة من بلد الدراسة
إذا على برنامج خادم الحرمين لازم تكون مو موظف حكومي .
إذا عن طريق الالتحاق بالبعثات فما في مشكلة نهائيا لأنها برنامج مختلف تماما عن برنامج خادم الحرمين بأمر ملكي من عام 1421هـ وما عندهم مشكلة إذا كنت موظف حكومي نهائيا .
أما بالنسبة للإجازة الاستثنائية فالسنة الأولى مثل ما تعرفوا جميعا عن طريق العمل حقك أما إن أردت تمديد الإجازة فهو من تخصص ديوان الخدمة المدنية ولكنها روتينية إذا وافقت جهة عملك إنت ، ترفع خطاب لعملك بتمديد الإجازة الاستثنائية بسبب إكمال الدراسة وتتم الموافقة عليها من قبل عملك ويتم تحويل المعاملة لديوان الخدمة المدنية لإكمال الإجراءات الروتينية فقط .
هذا على حد علمي ، والله أعلم .