مرافق موظف بوزارة الصحة

اهلين يويو

انا موظف بوزارة الصحة وان شاء الله بيقدر وانا ابكتب لك الشرح على شكل خطوات

1- ابحثي انتي وياه على جامعة فيها تخصصك وتخصص زوجك او مدينه تجدون فيها تخصصاتكم
فيه معلومه ماني متاكد منها ( انه في حالة عدم وجود قبول او وجود تخصص للمرافق لا يمكنه الانتقال الى ولايه اخرى )

لذلك انا اباخذ احتياطي واختار جامعه فيها تخصصي وتخصص زوجتي

2- اذا طلع لك قبول لغة يتوجه لنفس المكتب اللي طلع لك قبول ويطلب منه قبول لغة من نفس معهدك
بالنسبه لقبول الجامعه لزوجك انا قرات ان القبولات الطبيه ما يقدر يجيبها الا في بلد الابتعاث وساتاكد من ذلك من احد مكاتب القبول


3- بعد ما يصدر قرار ابتعاثك يطلب زوجك من وزارة التعليم العالي ورقة تعريف الى عمله تثبت انه مرافقك
ويرفق معها طلب اجازة استثنائية لمرافقة زوجتي ويرفعها رسمي من مقر عمله


4- بعد ما تصدر الموافقه على الاجازه الاستثنائية يصورها كم صوره ويخليها معاه لانه مهمه عند التقديم للالحاق في الملحقية
لان من ضمن شروط الالحاق للموظف وجود اجازة استثنائية


5- وهذي مهمه جدا لكي يحصل على اجازة استثنائية لابد ان يكون رصيد اجازاتة صفر
لذلك اذا كان عنده رصيد اجازات يحاول يخلصها قبل موعد رفع طلب الاجازه الاستثنائية


6- في الفتره يوفر كل متطلبات القبول من ترجمة شهادات وتوصيات وترجمة سجل اكاديمي وكل نسخه يصورها ويختمها طبق الاصل على الاقل 5 نسخ



7- بعد ما تسافروا باذن الله وتجيبوا القبولات يقدم على الملحقية طلب الحاق بالبعثة وهو وحظه سمعت ان فيه ناس اثناء اللغة

وفيه ناس تاخروا لان اذا وافقوا على الحاقه بالبعثة يتغير شي كثير

راح يفصلوه عنكي ويكون مبتعث مثلك لانه قبل ما يضم هو مرافق يستلم مكافاة مرافق (بامريكا حوالي 950 دولار) وتنزل مع مكافاتك

يعني انتي تصرفين عليه خخخخخخخخخخخ

واذا ضم للابتعاث راح تكون له مكافاه مبتعث (في امريكا حوالي 1800 دولار )

8- في موضوع اذا اتنهت دراستك قبل ما تنتهي دراسة زوجك بصراحه لها شروط تتعلق في المده المتبقيه للمرافق اعتقد يجب عليه انهاء 75% من دراسته قبل انتهاء دراسة زوجته

لست متاكد من هذا الموضوع جيدا وقد سالت الاخ احمد خياط في موضوعه في ملتقى امريكا ذكر لي انه يعرف اشخاصا انتهت دراسة المبتعثة والمرافق لم ينتهي فوافقو على اكمال دراستهم فاصبحت المبتعثة مرافقه

@@@ اخر نقطة صعبة شوي وتتاخر اللي هي كيف نكون انا وزوجك من مبتعثين وزارة التعليم العالي الى مبتعثي وزارة الصحة

لانها تفرق كثير

مبتعث وزارة الصحة يستلم نصف راتب اساسي ( نصف الراتب الاساسي تقسيم 2 مضروبا في 18 % خصم التقاعد)

مثال راتبه الاساسي 6000 تقسيم 2 = 3000 مضروب ب 18 % = 540 يخصم للتقاعد يبقى من نصف الراتب 2460 ريال

اما مبتعث وزارة التعليم العالي بدون راتب

وكذلك سنوات الخدمه اثناء الدراسة تحسب لمبتعث وزراة الصحة ولا تحسب لمبتعث وزارة التعليم العالي

المهم النقطه هذي بعد ما تسافرون يقدم طلب على وزارة الصحة عن طريق الملحقية بتحويل بعثته الى وزارة الصحة يس اغلب الناس تقول انها صعبة وتتاخر الموافقه

وانا الان ابحث في موضوع تحويل البعثة الى وزارة الصحة عند صدور قرار ابتعاث زوجتي واي شي جديد ابلغك فيه

اتمنى اني وصلت لك المعلومه الصحيحه لان كما تعلمين المعلومه ممكن تكون صح وممكن تكون خطاء

واي استفسار انا بالخدمة