سؤال عن القبول المشروط ؟؟؟؟

الاخ ابو محمد
الجامعة لاتعطيك اي توني فقط خطاب القبول المشروط بس اتاكد انه مكتوب فيه بدء الدراسة يعني الفصل الدراسي والسنة واذا ماكان مكتوب لك ذلك نصا ارجع راسلهم واطلب الخطة الدراسية وارفق الاثنين مع بعض للخدمة المدنية مترجم ..انا عملت كذا والحمدلله مشيت ووافقولي
بخصوص المعهد اذا كان تابع للجامعة يعطيمك اي توني 12 شهر ويوصلك كل الاشياء مع بعض يعني قبول المعهد+الاي توني+قبول الجامعة المشروط
اذا كان معهد منفصل
قبول المعهد+ الاي توني يوصلك مع بعض
الاي توني ماترفقه للخدمة ولالهم دخل فيه هذا يخص السفارة ولا ترسله لهم ولا يسئلو عنه انت ترفق للخدمة المدنية مايلي
1-قبول المعهد مترجم (انتبه بخصوص التواريخ تكون بعيدة جدا يعني اقل شي حاول بعد 4 اشهر من ارساله للخدمة يكون بدء الدراسة
2-قبول الجامعة +الخطة الدراسية مترجم
طبعا وكلاهما مصدق من ملحقية امريكا

هلا اختي rosah ,,,
وشكراً على ردك السريع وان شاء الله في ميزان اعمالك ,,,
بس تحمليني في بعض الاسئلة ,,,
انا المعهد حقي els يعني منفصل هل الحين اطلب من الجامعة تكتب بس بداية الدراسة فقط ولا بداية ونهاية الدراسة ومدة الدراسة مع العلم انا قبولي في Summer 2011 وراح اليوم اراسل المعهد .
يعني الحين احتياطاً اطلب من الجامعة الخطة الدراسية , والبنسبة للمعهد شلون يكون التاريخ بعيد ممكن توضحيلي هل النقطة.
وشكراً على تعاونك ,,,

طيب ممتاز انت الان قبولك من معهد منفصل راح يرسلك الاي توني والقبول ترفق القبول مترجم للخدمة + القبول المشروط للجامعة
انت تقصد قبول المعهد في صيف 2011 ؟ طيب كذا يكون ممتاز لان انت الان في نوفمبر والى الان ماررفعت اوراقك للخدمة وحط بباللك شهرين بعد دخولها للخدمة وبعدها اجراءات الفيزة + امر الاركاب وقرار التفرغ من ادراتك ونقول كمان شهر ولازم تطلع قبل بدء الدراسة على الاقل ب10 ايام توقف بواشنطن يومين وتكمل لولايتك وتجهز حالك خاصة اذا معاك عايلة ..ولا تنسى انه مايحق لك دخول امريكا بعد تاريخ الاي توني يعني لازم تكون حريص في اختيار الوقت ...اعطي نفسك فرصة كافية 6 اشهر وهذا جيد بالنسبة لتاريخ بدء الدراسة بخصوص اللغة
طبعا الماستر اعطي نفسك بعد قبول اللغة كمان سنة او حدودها حسب الفصل الدراسي المتوفر وحسب مستواك في اللغة
عموما تاجيل اللغة مرة سهل مجرد تدفع قيمة فيديكس لاصدار الاي توني الجديد في حالة التاجيل ..معليش ترى انا تخصصي رياضيات يعني نقاقة كثير واحب ارتب الامور ومعاي عايلة وكل الامور هذي احب احطها باعتباري ...وكمان احب احضر من البداية يعني ماابدا اللغة بوسط الليفل يكونو باديين لهم اسبوعين وانا ادخل عرض مااحب كذا ....احب ابدا مع الطلاب ....
بخصوص الماستر ...مطلوب منك خطاب قبول الجامعة المشروط وراسلهم للحصول على الخطة الدراسية طبعا هما راح يكتبون لك خطة دراسية تقريبية مثلا هذا الطالب لديه قبول في تخصص كذا وعدد الساعات مثلا 36 ساعة راح تكون مقسمة على مايلي الفصل الاول ربيع 2011 ب 9 ساعات على الاقل والثاني خريف 2011 ووووو....الى ان ينتهي تقريبا في فصل ربيع 2013 ...مثلا...
هذا ماحدث معي لان قبولي كان فقط مبين تاريخ البداية ..ارفقتهم معا مصدقين من طارق شيخ ومترجمين والحمدلله وافقو علي....

ولك مني التقدير والأحترام

ولك مني التقدير والأحترام

ياسيدي
مين قالك انك لو طلبت السنة القادمة ترفض ؟ انا لي زميلة جايبة قبول اللغة ربيع 2011 وقبول الجامعةربيع 2012 مافيها شي واصلا احتمال كبير مايوافقو يعطوك قبول في سمستر ماستر يبدا في الصيف لان معظم البرامج تبدا في يناير الي هو فصل الربيع او الخريف 31-اغوست لان الترم الصيفي فقط 3 ساعات ...او مادتين كحد اقصى,,,
انا ايضا قبول اللغة حقي خريف 2010 والماستر ربيع 2011 وطبعا لتاخر ارواقي اجلت الاثنين .....
انت ممكن تطلب قبول اللغة يبدا في صيف 2011 والماستر في خريف Fall2011 مع اني ماانصحك لان بعد كذا بعض الجامعات مرة رزيلة في التاجيل علشان كذا اطلب من الاول القبول للغة صيف 2011 والماستر Spring2012
بخصوص ارفاق الاي توني
لاترفق الاي توني ارفق قبول معهد اللغة ...ولو المعهد ارسلك بس الاي توني اطلب منهم اكسبتنس ليترز هي الي تصدقها وترفقها ..اما الاي توني كيف بيتصدق لك ؟
بخصوص الخطة الدراسية ممكن تصدقها وترجمها لوحدها او ترفقها مع القبول ويكون مصدق وترجمها سوى..يعني دبسها مع القبول وترجمها ...انا عني صدقت الثنتين من طارق شيخ بس زميلتي سوت الي قلت لك عليه ومشي حالها صدقت القبول ودبست الخطة وراه وترجمتهم سوى...
الله يوفقك..

الله يعطيك العافية انا الجامعة راح تعطيني في صيف 2011 بشرط معين في اللغة طبعاً راح تشوف مستواي ضعيف في الانجليزي راح تقولي روح المعهد انا الجامعة مرة قلت لها ابي في صيف 2012 قالت راسلنا السنة القادمة هذا الكلام من شهرين , طيب هل ممكن اعرف وشهو اكسبتنس ليترز الي اطلبة من المعهد هل هاذي هي الي تصادق عليها الملحقية ولا الاي توني؟؟؟ , وبعدين هل عادي ممكن يعطوني خطة دراسية وانا مابعد اعدي المعهد ولا بعد ادخل عندهم وهل الخطة لازم تكون بأسمي ولا عادي تكون بشكل عام ,وهل ممكن تعلميني كيف صادقتي على الاوراق مين الي ارسلتي لهم الاوراق وهل عندك معلومات الاتصال معه وكيف اتواصل معه وكم المدة الي تمت وصاقوا لك الاوراق علماً اني برسلها عن طريق اخوي الي بأمريكا .

الملحقية تصادق على الاكسبتنس ليترز يعني خطاب القبول مش الاي توني ..الاي توني اوراق رسميه لدخول امريكا تقدم للسفارة وللمطار فقط ..بعض المعاهد ترسل بس الاي توني ...اطلب منهم خطاب قبول وقولهم ان عملي يطلبه علشان اقدر احصل على البعثة ..هذا الخطاب رسمي يرسل على الايميل او على البريد فيه اسمك كامل وعنوانك واسم المعهد وتاريخ بدء دراستك ...وتفاصيل تخص المعهد ...مثلا انك لازم تجيب تامين واشياء مطلوبة منك ..لازم تحصل عليه لان التعليم العالي كمان يطلبه منك للحصول على الضمان المالي
بخصوص الجامعة ممكن تكون جامعتك لها نظام خاص طيب على الاقل اطلب الماستر يبدا في الخريف 2011 يعني الصيف تبدا لغة والخريف يبدا الماستر الاثنين كلهم بنفس السنة 2011 يعني خلي بينهم كم شهر على الاقل
وبخصوص خطة الماستر عادي تعطى لك وهي اصلا خطة تقريبية وانا بالنسبة لي كانت زي خطاب القبول بالضبط راسلت القسم حقي وارسلوها لي باسمي ايميل على هيئة pdf وفيه ناس عندهم خطة موجودة في تخصصهم في الويب سايت حق التخصص طبعوها وارسلوها لطارق شيخ وصدقها لهم هي فقط تبين عدد الساعات وكم سمسيتر تحتاج..ولو قبولك موضح فيه تاريخ البدء والنهاية تراك ماتحتاجها
بخصوص تصديق اللغة راسل الدكتور منير العتيبي ولازم من الاول تخبره انك موظف والخدمة المدنية تصر على ان يكون القبول مصدق واكتب اسمك ورقم السجل المدني لك وهذا ايميليه بدون اقواس
malotaibi (@)sacm.org
بخصوص الماستر والخطة الدارسية الدكتور طارق شيخ
teltayeb(@)sacm.org
طبعا منير العتيبي يصدق لك حتى قبول الجامعة بس الخطة يحيلك على طارق شيخ
منير العتيبي رائع في نفس اليوم يصدق القبول ويرجعه لك بالايميل اما طارق شيخ فلا يرد عليك الا بعد اسبوع بس برضه مايقصر ..

الله يعطيك الف عافية وماقصرتي وسامحينا على كثرة الاسئلة بسوي الي قلتي علية والله المستعان ان شاء الله تمشي المور