مواعيد إنعقاد لجنة الابتعاث

حسب خبرتي معاهم يقولون انه فيه اجتماع للجنة كل شهر تقريبا حسب التساهيل واعداد المتقدمين ،، ونأمل ان تزيد اللجنة اجتماعاتها بخصوص فرز والاطلاع على اوراق المتقدمين لانه فيه ناس مثلي من الميزانية العام الماضي وغيري كثير اخوان من وزارة التربية والتعليم لا يزالون لم تنتهي معاملتهم ولم يخرج موظف من وزارة التعليم الى بلد الابتعاث سوا واحد فقط ...؟؟؟؟ تخيلوا يا اخوان فقط واحد ،، الله يسهل علينا مثل ما سهل عليه ونروح لاكمال العلم والدارسة ،،

اخي الفارس العنيد اشكر لك مرورك و الله يسهل امورنا انا وانت ونتعدى غرفة الانعاش على قولتك ههههههههههههه

اخوي i_store تحياتي لك ،،

هههه والله من كثر الهم اللي عايشه والانتظار والخوف من انه المعاملة ترجع مره ثانيه يقولك شر البلية ما يضحك ،، وهذا احنا خلينا نمشيها ضحك علشان نتصبر ،، ويارب نلتقي كلنا ومستلمين قرارت الابتعاث حقنا ،، دام انك مقدم على امريكا ممكن اعرف في اي ولاية بالنسبة لي مقدم على ولاية اورغن ،، بالتحيد يوجين ،، لدراسة تقنية المعلومات والحاسب الالي

انا من واقع تجربة اشوف ان مرحلة اللجنة في وزارة الخدمة المدنية اسهل مرحلة والموظفين هناك في غاية المرونة

اذا صارت امورك تمام من امضاءك سنتين في الخدمة والمسمى الوظيفي وتوافقه مع تخصص الدراسة واعتماد الجامعة المصادق عليه من الملحق الثقافي ، والارتباط المالي وتوفر المبالغ للصرف ، انشالله امورك تمام ، توكلوا على الله ، اسهل مرحلة هي وزارة الخدمة المدنية..

هلا اخوي الفارس العنيد والله انك صادق خلينا نمشيها ضحك علشان نتصبر وبالنسبة لي انا مقدم على ولاية كونيتيكت قريبة من نيويورك في جامعة هارتفورد

اخوي العزيز riyal_0
اتمنى انك تكون بصحة جيدة ،، بالنسبة لموضوع وزارة الخدمة المدنية ،، اتمنى انه يكون مثل ما قلت ولاكن اللي جالس اواجه من قبل موظفي وزارة الخدمة المدنية انهم ينقسمون الى قسمين ،، قسم متعاون وقسم يدور عليك الزلة علشان يرجع معاملتك ،، المدارء فيهم محترمين وصغار الموظفين الله يهديهم ويرقق قلبهم علينا ويمشون اوراقنا بدون اي تعقيدات ،، ومثل قلت اذا كانت اوراقك كاملة تكون مطمن ،، لاكن اللي صار وحدث موبس معي مع كل المتقدمين انه وزارة الخدمة المدنية تدقق بشكل غريب ويختلقون لك المشاكل والعراقيل من وين ما ادري ،، الله يفك اسر معاملاتنا فيها ،، وبالتوفيق للجميع ..

i_STORE اخوي
شخبارك انشاء الله امورك طيبه ،،
انا اليوم كنت احاول اتصل واسأل عن المعاملة بوزارة الخدمة المدنية وما رد علي غير مساعد مدير الابتعاث الخارجي وقال لي لو عندي المعاملات افدتك ولاكن عطاني رقم التحويلة وقال كلمهم ولا احد رد علي وسألته عن اذا فيه اجتماع لجنة قريب قال بعد اسبوعين احتمال يكون هناك اجتماع ،، وانا لازم ادق على تحويلة تحويلة موظف موظف رنة رنة زنقة زنقة ،، يااااااااارب تفك زنقتنا

هلا اخوي الفارس العنيد
ان شاء الله تكون في اتم الصحة والعافية
بكره ان شاء الله راح اشغلهم بالاتصالات الين يردو ويعطوني العلم ولو كنت من سكان الرياض كان اشغلتهم بالزيارت يوميا واي شي جديد راح اخبرك اول بأول
تمنياتي للجميع بالتوفيق

الاسبوع الجاي لايوجد لجنة يمكن اللي بعده

الله يعطيك العافية اخوي i_STORE واذا فيه احد من طرفك بيروح الرياض او من سكان الرياض بعد خليه يمر ترى الدق يفك اللحام ،، وانا بعد باتصل عليهم بكره باشوف وش الزبده ،،
اخت ام رنى انا قالوا لي انه بعد اسبوعين احتمال فيه لجنة والله يسهل علينا ،،