انا وزوجي خريجين لغة انجليزية ابي شوووركم

حياك اختي انا من رأيي اذا كان معاك بكلريوس انقليزي تاخذي لك كم شهر في اي دوله وراح تضبط لغتك . مع اني افضل تكملي ماجستير حتى لو معدلك نازل عادي
الله يوفقك

الإتكال على رب العباد هذا اول شي

وهذه بعض الحلول اقترحها عليك ياختي :

*قدمي على الماستر هنا حتى لو كان ماستر موازي .

* زوجك يقدم على الابتعاث من جهه عمله وتروحين معه كمرافق .

ما دام انك فاضية بالبيت حاولي تحضرين نفسك وتجيبين سكور عالي بالتوفل لأنه ممكن يعطيك افضلية بالجامعات السعودية والا حتى بالجامعات الاجنبية راح يختصر لك معهد اللغة .

والله ييسر لنا جميع امورنا يا رب

اشكركم من قلبي (ابو ناهي 99 والحمدلله والشكر له) على ردودكم الطيييبه بس مافهمتك يابو ناهي99 آخذ لي كم شهر في شنو؟ رييتك توضح لي اكثرر..

واخوي الحمدلله ان شاءالله بسجل في دورة توفل قريب مثل ماذكرت يسهل علي بالتسجيل بالجامعات لكن زوجي يقدم على ابتعاث هذا شي صعب .. لان على كلامه مدرسين اللغة الانجليزية مطلوبين بالسعويه فشبه مستحيل يطلع ><

آآآآآآآب.. ابي اراء بليييز

اقصد اذا كان معاك بكلريوس انقليزي وتبي تعززي لغتك تشوفي لك معهد خارج المملكه وتدرسي لك كم شهر لان انتي مو مثل اللي لسى يبدا جديد انتي عندك خلفيه وراح تستوعبي اكثر . الا اذا كان نفسك تكملي ماجستير هذا كلام ثاني
الله يوفقك اختي واهم شي الدعاء والاستخاره

انا من رأيي واللي أنصح فيه المتخرجين حديثا إنهم يقدمون على الابتعاث الخارجي لأن الابتعاث عن طريق العمل صعب جدا ويبغى له تعب واستعداد مبكر .

فإذا انتي تنطبق عليك شروط ابتعاث خادم الحرمين وأهمها العمر اقل من 27 أنصح إنك تقدمين عليه ويطلع زوجك مرافق وبكذا تجيه بعثة وهو مرتاح . انا كنت اتمنى إن زوجتي تطلع ابتعاث واطلع معها وأرتاح من انتظار ابتعاثي من العمل اللي تعبني وعطلني .

في كذا حل :
1- تقدمين على بعثات الملك عبدالله واذا باذن الله انقبلتي <~~~~~ اذا اراد زوجك بهذه المرحله انه يدرس بالبدايه على حسابه كم شهم وبعدين ينضم
2- تخلين زوجك يقدم ابتعاث عن طريق وزارة التربية والتعليم وتروحين معه مرافقه وتدرسين بالبداية على حسابك الخاص وبعدين تنضمين للبعثة اذا تقديرك مايسمح تقدمين على بعثات الملك عبدالله
3- اذا باي حال من الاحوال لم تبتعثي سواء لرفض زوجك او عدم التمكن من الابتعاث او لاي ظرف اخر كان
اذا بهذه الحاله انا برأيي تاخذين دبلوم يخدم وزارة التربية والتعليم التي باذن الله ستساعدك بالتعيين مثل:
أ - التربية الخاصه ( جدا مطلوب حتى عدد مقاعد الابتعاث في هذا التخصص من اعلى المقاعد )
ب- دبلوم مصادر تعلم
ج- دبلوم صعوبات تعلم
د- دبلوم توجيه وارشاد
ه- دبلوم حاسب آلي
هذا مايحضرني من دبلومات

واولا واخيرا توكلي على الله و الزمي الاستغفار وايضا الزمي صلاة الاستخاره اذا احترتي باي امر

ابو ناهي99 وابو عبدالله 1430 وجوده


اشكرررركم على نصايحكم عطيتوني دفعة معنويه اني اكمل بس يبي له صبررر وطولة بااال

كنت باخذ كورس التوفل هالاسبوع بس من زين حظي اكتمل العدد وقفلوا للشهر الجاااي .. الله يعين ويسهل اموري واموووركم يااارب