ابي ارتاح ريحوني الله يريحكم ياطلاب مبتعث

الله يكتب لك اللي فيه الخير ... اشوفك تميل للابتعاث اكثر اذا كان طموحك من مجرد موظف وتطمح لشي افضل ولك هدف وماراح يتحقق الا بالابتعاث فاقول لك توكل على الله كمل دراستك وباذن الله راح تلاقي وظيفة احسن براتب احسن حتى لو بالبلدية لكن براتب افضل

اذا كان تقدر تطلع بعثة عن طريق عملك لما لا واذا ما فيه بعثات عن طريق عملك نصيحتي اشبع طموحك وحقق هدفك بالتوفيق لك يارب

مجرد نصيحة والراي الاول والاخير يرجع لك ... الله يوفقك

و عليكم السلام و رحمة الله و بركاته،

حياك الله أخوي عثمان و الله ييسر لك الي فيه الخير، أنت تقول "انا بصراحة كان هدفي من قبل لا ابدا دراستي بالكلية وهو الابتعاث" إذا كان هذا هدفك أستمر عليه، لأن الموضوع في الأول و الأخير رغبه و طموح، فيه ناس ما عندها مانع تجلس على راتب أقل من راتبك مقابل إنها ما تتغرب و فيه ناس حلمها و طموحها أنها تطور نفسها و تدرس فكل واحد راح يعطيك رأي مبني على رغبته و ميوله، لكن الأهم رغبتك و ميولك أنت، أستشير الوالده الله يطول عمرها و يديم عليك رضاها، و أستخير "فإذا عزمت فتوكل على الله".

موفق،،،

اخوى اولا واخيررا استخيرر واسال اهلك وشاورهم
واذا تبغى رأي بصرااحه الاابتعاث فرصه لا تعوض
انا معلمه وجالسه احاول بشتى الطرق انى ابتعث مع انى الحمد لله موظفه وراتبي حلو بس االانسان دائما يطمح للافضل

انصحك بالابتعاث .. خصوصا ان راتبك ليس بالجيد فما عليه حسوفه ..
لذا كمل دراستك افضل .. وان شاء الله تجيلك وظيفه احسن ..

تحياتي ،،

الله يعطيكم الف عافيه يااعضاء منتدى مبتعث واشكركم على جهودكم واهتمامكم في هذا المنتدى ولكن انتم كلامكم كله سليم وانا جزمت الحين اني راح اكمل تعليمي والحمدالله لوتخرجت راح اكون لي الافضلية اني اكون عضوا من اعضاء هيئة التدريس في الكلية ودعواتكم لي بالتوفيق والنجاح وفكرت في قطاع البلديه مايصلح مالها مستقبل ابدأ.

الله يوووفقك ياررب

اللهم امين يافوفو والله يوفقك ويرزقك البعثة والتخصص الطيب.

السلام عليكم اخوي عثمان ..،
اولا اذا انت موظف رسمي في وظيفه حكومية كما تقول .. فنصيحتي لك ان تحاول ان تبتعث عن طريق جهة عملك
بان تذهب الى ادارة التطوير الاداري وتحاول فيهم اذا كان فيه املفالافضل ان تبتعث وانت على رأس وظيفة تاخذ نصف راتبك من وظيفتك وتاخذ مكافأة مبتعث في بلد الابتعاث
واذا حصلت على الماجستير ان شاء الله فانه يحق لك تعديل وظيفتك من المرتبة الرابعة الى المرتبة السادسة او السابعة على حسب تخصصك

اما اذا لم يتم قبول جهة عملك بالابتعاث .. فاني انصحك ان تأخذ اجازة دراسيه من دون راتب .. وتلتحق في البعثة
حتى اذا انهيت دراستك تستطيع الرجوع الى وظيفتك وان ترقى الى المرتبه السادسة او السابعة كما قلت لك سابقاً

حيث كما تعلم ان الوظايف الفترة هذي قليلة ومو اي احد يحصل وظيفة بالساهل
فيه كذا طالب متخرج ماجستير للحين ماحصلو على وظايف ،، وانت وقتها اذا رجعت على وظيفتك يكون عندك وقت تبحث عن وظيفة ثانيه .. ولديك كذلك خبرة
اسئل واستشر واستخر وتوكل على الله

متمنيا لك التوفيق

الله يعطيك العافيه اخوي الوجيه اتت كلامك كله سليم وانا ودي اني اطلع على حساب عملي بس المشكله امورهم معقده وانا اخوك وانا متخرج من الكلية وراح ابتعث عن طريق الكلية واذا تخرجت انشاءلله اني راح اكون عضوا من اعضاء هيئة التدريس لدى الكلية ويفرق معي الراتب دبل وشوي وش وجهة نظرك والله يعطيك العافيه على مشاركتك ونصيحتك لي.