أسئلة بخصوص ابتعاث الموظفة الإدارية

وعليكم السلام ورحمة الله وبركاته ..

بالنسبه لسؤال الأول ماعندي معلومه فيها ..

اما عن المعهد المتكدس .. نعم لابد ان يكون القبول من معهد غير متكدس ..
والجامعه لابد ان تكون موصى بها .. حيث ان الجامعات "الغير" موصى بها ممنوعه ..
والجهات الحكومية .. تطبق قوانين وزارة التعليم العالي في الإبتعاث ..

اما بالنسبة للمرافق .. فإذا كان المرافق يريد إكمال دراسته فعليه أن يجلب اولاً فيزا F1 .. (أمريكا فقط) ..
بعدها يكمل دراسته مع المبتعثه الاساسية ويتم الحاقه بالبعثه كمرافق مبتعث ..

جزاك الله خير
لكن انا تواصلت مع شخص بالجامعه وقال لي مافيه اي مشكله لو كان المعهد متكدس..
حتى ابتعاث الى بريطانيا متاح لي في حين ان الابتعاث من جهة وزارة التعليم العالي يرفض بريطانيا ..

انتي ماتتبعين انظمة الوزاره في مسألة الابتعاث .. انتي تتبعين انظمة جهة العمل المبتعثه ..

إذا كانت جهة العمل موافقه على انك تروحين بريطانيا .. فمعنى ذلك انه بمقدورك الدراسه في بريطانيا !

ولا اعتقد ان بريطانيا مسموح فيها الابتعاث لانها مقفله من وزارة التعليم العالي !

اما بالنسبه للتكدس .. فنظامياً لايسمح .. لكنه يعتمد على الوقت الذي ستدرسين فيه ..
فإذا كان الوقت هو وقت غير متكدس .. فبالتالي سيسمح لك الإكمال فيه .. أما اذا كان متكدس .. فسيطلب منك تغييره !

وبكل الأحوال .. لابد تراجعين جهة عملك .. والأخذ بشروطهم ومتطلباتهم ..

السلام عليكم اختي الكريم
وجدت موضوعك صدفة
و حبيت اساعدك لان حالتك مثل حالتي تمااااما

انا ايضا موظفة ادارية في احدى الجامعات و عقدو موضوع بعثتي الى ان طفشوني و قررت ادرس على حسابي الخاص ،، الموضوع سهل ان شاء الله بس يحتاج صبر و الان انا انتظر انهم يضموني

بالنسبة لاستفساراتك :
1- هل ابتعاث اللغة يتطلب إرسال اوراق المبتعثه الى وزراة الخدمة المدنية ؟ وكم تأخذ وقت ؟

لا لا يتطلب .
الموضوع و مافيه ، انك اذا تبغي الجامعة تبتعثك فعليك بالصبر و تحاولي معاهم ، و ان شاء الله تتيسر ، اهم شئ موافقة نائبة رئيسة قسمك>>موافقة ريئس القسم >>موافقة وكيلة الكلية >>موافقة العميد >>موافقة عميد شؤون الموظفين >>ثم تخرج للشؤون الادارية >>ثم ادارة الابتعاث >>ثم وزارة التعليم العالي >>و تتبع الاجراءات الرسمية العادية >اهم شئ انها تخرج من كليتك بعد كدة تابعيها و سهل ان .

انا للاسف اتقعدوا لي .. و الحسد في الجامعة شغال
فاضطريت اريح دماغي و اروح على حسابي . و هانت الحمد لله .


2- هل المعهد اذا كان متكدس ممنوع أجيب قبول منه ؟

نعم ممنوع
و اذا كنت ح تروح على حساب الجامعة ، النظام هو هو نفسه حق التعليم العالي ، و احيانا الجامعة ماتبغى كل الموظفين يروحوا لدولة وحدة تحب التنويع مثلا تبتعث ناس لامريكا و ناس لبريطانيا ، حسب التخصص ، مثلا نفرض انه تخصص الحاسب في جامعة أوكسفورد افضل شئ و بشكل عام التكنولوجيا افضل في بريطانيا ، ح تقول لك الجامعة روحي لبريطانيا بحكم انه تخصصك حاسب و ناوية تكملي فيه و بحكم انه بريطانيا الافضل في تخصصات الحاسب هذا مثال ، انا جامعتي كان نظامها كدة .


3- اذا كانت الجامعة غير موصى بها ممنوع اجيب قبول منها ؟

نعم ممنوع تجيبي منها زي ما قلت لك نفس الشروط حقت الجامعات هي هي نفسها حقت التعليم العالي لانه في النهاية مرجع جميع الجامعات تعليم عالي و برضوا انتي ح تعتبري من طالبات التعليم العالي سواء كنتي موظفة مبتعثة او طالبة عادية مبتعثة الجميع مرجعهم واحد .


4- ماهي إجراءات الإبتعاث الخاصة بالمرافق ؟


المرافق اجراءته بسيطة لانه مرافق لا تشيلي هم
اهم شئ في الموضوع اوراقه الرسمية من جواز سفر و الهوية الوطنية و الفيزة ، و طبعا المرافق اذا كان اخ( بالنسبة لي اصعب شوي) تعرفي العيال كيف يطفشوا ، و لازم يدرس لانه ما يقدر يطلع فيزة مرافق لكي (برة عندهم المرافق الزوج والاب و الابن ) اما الاخ لا.. لازم فيزة غير ، و بما انه الوزارة ما تعتمد الفيزة السياحية تضطري تجيبي لمرافقك فيزة طالب (يعني تدخلي في موال تاني من قبول للمرافق و استخراج فيزة طالب )يعني لازم يدرس . (هادا بالنسبة للاخ ).
اما الزوج سهل و الاب سهل انتي تستخرجي الفيزة و يضموه لفيزتك وبس .

و ان شاء الله اكون افدتك ، و اي استفسار انا حاضرة .

جزاكم الله خير ماقصرتو
الله يسهل لي الابتعاث


( تمت المشاركة باستخدام تطبيق مبتعث )