الدفاع المدني

الله يوفقك انتي و زوجك
انا من رأيي انه يجيب له قبول من احدى الجامعات المعترف فيها من وزارة التعليم العالي
ويبدا باجراءات الفيزا , ولكن لازم تتساعدين معه في الدراسه لأنها ما راح تكون سهلة .
وماخاب من أستخار وماندم من أستشار
أتمنى لكم التوفيق

مرحبا

هو جندي اول

يعني بعد 30 سنه بيتقاعد وبياخذ راتب 3500 ريال ما تسوي شيء

خليه يجيب قبول وياخذ فيزه f1 ويطلع يكمل دراسته على اساس اجازه وياخذ الاستثنائيه ويشوف وش يسير اذا وافقوا يكمل واذا لا يكون مسوي حق احد اخوانه وكاله انهاء خدماته من الدفاع المدني ومراجعة الاحوال المدنيه لتعديل المهنه وبكذا يدرس على حساب الدوله ولازم يحط في باله اذا عنده اجازه خارجيه شهرين ما بيكون فيه مكافئه له ولا يستطيع يدرس فترة الشهرين لحين صدور قرار الاجازه الاستثنائيه وارسال صوره منه للمشرف على بعثتكم غير كذا فترة شهرين ما يدرس بامريكا بتكون فيه عليه مشاكل قانونيه وفيزته f1 فعليه يدرس على حسابه لو شهر فقط





بالتوفيق

دفاع مدني انسى يسافر يمكن عنده اسرار طفايات الحريق ــ كيف اجل لوهو في الاستخبارات

بكل الاحترام والتقدير لاعضاء هذا الموقع الرائع وليس معنى كلامي السخريه من الاخت بل من النظام المطبق بحق العسكريين خاصة
لماذا يتم رفض ابتعاثه وبهذه الطريقه ما فيه شي اسمة مرافق للزوجة وكما ذكر الاخوان 3500 بعد التقاعد علما بأن رجال الدفاع المدني يخرج ويمكن لايعود لبيته لخطورة عمله فهل يستحق هذا المبلغ بعد هذه السنين من الجهاد المتواصل تحياتي واحترامي وتقديري للجميع

الله يعطيك العافيه اخوي

وفعلا الان راح يبدا بالتقديم على الجامعات

وربي يسهل

ابشرك ترقى وصار عريف

قصدك في البداية يحاول انه يجيب البعثه عن طريق عمله ؟ لو كذا من الان اقول انو مستحيل الا بواسطه قوويه


وكيف ما يقدر يدرس الا بعد صدور الاجازة الاستثنائيه؟

لو الملحقيه عرفت انو عسكري عز الله طارت البعثه

من جد كان عندهم حساسيه من العسكري

والله انك صادق وش عند الدفاع المدني لو الجيش يمكن

اي والله ياخوي

حتى مشاكل الارهابين خلو الدفاع يدخل فيها ومخاطره

وفي الاخير ما فيه اي احترام

لو سافرنا برى وما ختم زوجي الجواز من السفاره ينسجن في مقر عمله مدري كم يوم وينقصون من نقاطه او ما يخلونه يترقى

حشى ما صارت تطفية حرايق

اختي مهره
اولاً الله لا يجيب موضوع الفصل ابد ان شاء لله لأن هذي وظيفه والوظيفه هذي الايام مثل الذهب كثير يركضون وراها.
انا الصراحه ما عندي فكره عن وضع ضباط الصف وطريقة مرافقتهم لأزواجهم ..ولكن... تصفحت مواضيع المنتدى وحصلت كم واحد قدرو يحصلون على موافقه لمرافقه ذوريهم للبعثه..
انصحك بالتدقيق في المواضيع المكتوبه وقرائتها بشكل مفصل وان شاء الله تلاقين حل..
خلي زوجك يكلم شئون الافراد في الرياض ويستفسر اكثر وبشكل مباشر منهم بهذا الخصوص..بعض القطاعات تلاقين عندهم اوامر وتعليمات تتكلم عن موضوع المرافق..والبعض الاخر ما عندهم ..المشكلة هنا مشكلة تخبط اداري وتفسير النظام على المزاج..(راعي الحاجه لحوح) خليه يدابك ورا الموضوع ويحرث وراه وان شاء الله بيلاقي مطلبه..
والله يا موضوع بعثتي اني حفرت عليه تحفير غير طبيعي..اللي يشوفني يقول هذا اذا ما طلع لهالدوره ممكن يموت .. بس والله ما خليت احد الا وحفرت وراه ..حتى فيه ناس ما كانو يدرون عن الدورة وصارو يدرون بسببي..لدرجه اني كنت متابع الدورة من يوم ما كانت مجرد فكره حتى ضمنت ان اسمي فيها..المقصد انه لا يترك باب الا ويطقه في سبيل اخذ حقوقه كامله.
الله يوفقكم وادعيلي ان الله ييسر موضوع ابتعاثي ويجيبه على خير.

الله يوفقك وتجيك البعثه

يارب يسر امورنا

راح اقول لزوجي والباقي على رب العباد