قراري بشؤون الافراد بالقوات البريه بالرياض

بالتوفيق
وان شاء الله الاعضاء يفيدونك

انا ما ابغى أحطمك لكن للمعلومية انا في نفس قطاعك ومعاملتي من شهر 12 وهي نازله طالعة من السلاح اللي انا فيه الى هيئة الادارة البرية للمسلحة للتزكية بعدين لهيئة الادارة البرية بعدين استخبا....البرية بعدين استخبا... المسلحة بعدين شؤون الملحقين بعدين لهيئة لادارة بالبرية
يعني لها اربع شهور وهي في الطالع والنازل وعلى فكرة التزكية تاخذ لها من شهر الى شهرين يعني اذا ما قد سوو لك التزكية وموعد الدراسة خلال 3 شهور شوري عليك أنك تطلب تأجيل من مكتب القبول اللي جابلكم القبولات عشان ما تتوهق وأنا الآن في المراحل الاخيرة وأهمممممممممممممممممممممممممم شيء أنك تشوفلك واحد يعقب على معاملتك الله يعينك يبيلك واحد تعرفه في كل قرنه .... تحياتي

السلام عليكم
اولا لازم تاخذ اجازه لمدة 75 يوم 45 خارجية وتمددها 15 يوم داخلية ثم 15 يوم بصلاحيات الوزير طبعا مو ضروري ترجع ثم تاخذ اجازة 4 شهور بدون راتب وفي اثناء الاجازة الاستثنائيه بدون راتب قسم النقل والالحاق يرسل لك تزكية امنية وما تخلص الاربعة شهور الا وهو صادر لك قرار الحاق لمدة سنة بدون صفة دبلوماسيه بالنسبة للراتب تستلمه كامل ما عدا علاوة الاستخبارات او الشرطة او الحاسب الالي العلاوت الغير ثابته اما علاوة التخصص فتستلمها كامله

الاخوان يجب التقديم على الاجازات عن طريق الملحق العسكري في البلد الذي انت فيه مع زوجتك وحتى لو تاخرت الاجازة ما صدر القرار فانهم يحسبو الاجازة من تاريخ انتهاء الاجازة السابقة يعني لو انا اجازتي تنتهي في 30 / 1/1431 هـ والامر من الوزير تاخر ولم ياتي الا في 10 /2/1431هـ فالقرار يصدر اعتبار من تاريخ انتها الاجازه السابقة من 1/2/1431هـ يعني اجازاتك تكون متواصله وما يحسبوك غياب اهم شي ترفع الاوراق من الملحق العسكري عند رفع طلب الالحاق يصدر لك قرار بالاجرات التي يجب ان تعملها وهي اخذ الاجازات الاعتيادية والاستثانية يعني لا احد يروح قبل ان ياتي القرار الاول الي فيه التعليمات وبعدين يكمل الاجراءت حسب القرار المرسل وما فيه مشاكل اذا تاخر صدور الاجازات لانها تحسب متصلت مع بعض حتى لو تاخرت

امين وياك

تكفى والله اني محطم خلقة طيب اخوي كيف قرار الابتعاث مابقي له غير شهر وتخلص مدته
والله يااخوي بالنسبة للواسطة الكل قال ابشر يوم جاء الجد ماعاد احد يرد على جواله لكن الله كريم

وعليكم السلام اخوي العمران كلامك مطمن بصراحة
طيب انا الان اوراقي بالرياض والمعاملة هي الحاق فرد لمرافقة زوجته للدراسة
والخبر الحلو ان الراتب ينزل كامل الله يبشرك بالخير
طيب اخوي هل يحق لنا الدراسة على حساب المحلقية
والعلاج والتذاكر


طيب وش تقترح علي تكفى محتاج نصيحة موعد السفر نهاية الشهر ولا عاد اقدر أاجل لقرب انتهاذء قرار الابتعاث
وعندي اجازة اعتيادية رصيد شهر
هل تقترح علي اخذ الشهر واسافر ومن هناك ارسل اطلب اجازة استثنائية
طيب كذا مايأثر على معاملتي الي بالرياض الي هي الالحاق؟
وهل تطول المدة حتى يعطوك اجازة استثنائية او بسهولة تحصل عليها
والله اني بهم عظيم وخاصة اني مضطر ابيع اثاث بيتي وسيارتي يعني اخاف اجلس على الحديدة واتورط
انتظرك

اخوي ابو احمد اولا هل قدمت على طلب الحاق او لا اذا نعم هل صدر لك قرار بماذا يجب ان تفعل يعني وافقوا على الحاقك بعد تنفيذ الخطوات وهي الاجازات اذا وافقوا وما عندك رصيد في اجازاتك سوى شهر تاخذ الشهر فقط ومن ثم تاخذ الاجازة الاستثنائيه اربعة شهور اذا لم يصدر لك اي قرار الى الان فانصحك بالتريث قليل حتى صدور القرار لانك ما تدري يوافقوا او لا بالنسبة انصحك لا تخبر الملحقية انك موظف اخبرهم انك بدون عمل حتى تصبح انت مرافق مع زوجتك ويزيد مبلغ البعثة وطبعاء يصرف بعثة لااربعة ابناء وباقي الابناء لهم علاج فقط وانصحك انك تطلع كرت عائلة جديد عشان ما يبين فيه انك عسكري بالنسبة اذا انت ما صدر لك قرار وحاب تاخذ اجازة اطلب اجازة 30 يوم وقبل نهاية الاجازة بي 15 يوم ارسل طلب اجازة استثنائيه وتراء ما تتاخر نفس الاجازة السنوية بس الصلاحيات تتغير ولازم تقدمها عن طريق الملحق العسكري اضمن لك

اخي العزيز انا طلبت الحاق والمعامله الان بشؤون الافراد يالقوات البريه ما ادري عنها بشي مدري هم وافقو ولالا المعامله عندهم من يوم 17/3 /1431هـ وادقم عليهم ولا فيه احد يرد على ولم احصل منهم على خيرعن المعامله بأي شي وموعد السفر في يوم 28/4/1431هـ
والواسطات كلن يقول ازهلها بس اعطني رقم المعامله ويوم اعطيتهم والله ولا واحد رد على جواله وانا الان في موقف لا احسد عليه كان الله بالعون علما بأنه ارسلت برقيه للامير سلطان قبل حوالي شهر ولم اطلع بنتيجه او اثر لها ولان انا انتظر الفرج من عند الله المعامله ورقمها وتاريخها عندي لكن لا احد يرد علي بأي نتيجه

الله يكون بعونك اولا سوف ترجع معاملتك من الامير سلطان الى هيئة الاركان ومن ثم الى مرجعك ورايح يرفعوا فيك تخطي مراجع وسجن 7 ايام اذا كانت اول مره انصحك انك تروح للرياض بنفسك فما حك جلدك غير ضفرك وبالنسبة للمعامله اذا ما حد مشاء فيها رايح تطول تعرف كيف الشباب عندنا يلطعوها في كل مكتب شوي

العمران السلام عليكم ورحمة الله وبركاته

عندي استفسار انا قدمت معاملة عن طريق مرجعي لاكمال الماجستير وطلبت الابتعاث خارج الممكلة

هل توقعك يسمحوا لي ابي اعرف الاجراءات انتظر ردك على احر من الجمر