العسكرية بعد الجامعة

شوف حبيبي

العسكريه بعد الجامعه ممتازة مرة خصصوا للجامعي مرتبات كويسه وبدلات حلوة
وانتا تخصصك كمبيوتر يعني حلو

بس فيه نقاط انتبه لها اول:
العسكريه ميدان وتعب وجهد وكله لخدمة بلادنا يعني لاتفكر انك جامعي خلاص راح تجلس على كمبيوتر وتتكي يعني ممكن تشتغل ميدان ولا يكون لك اي خص بالمكتب.
انت شوف وش الخيارات بعد الجامعهاذا فيه خيار افضل من العسكرية يعني وظيفه كذا سواء حكومي او خاص يكون وضعها اوكي ومميزاتها حلوة ويكون لك مجال تكمل دراسات وتاخذ دورات كذا بيكون افضل.

بالنسبة للكليات اتوقع بتخصصك بيكون لك قدر تقدم على وزارة الدفاع وكلية الملك فهد الامنيه اما الحرس الوطني مدري كل سنة يطلبون تخصصات معينه.

واذا تبي شوري كلية الملك فهد الامنيه ممتازة خصوصا اذا جيت في قطاع زي مركز المعلومات او في ادراة تمارس فيها تخصصك يسلام.

بس تذكر خشيت العسكرية تصير عسكري خلاص كل شي يتغير وتنسى المدنيه.

الله يوفقك

أخوي نصيحة ابعد عن الشر لا تدخلها إلا مضطر أو ضابط وبس
لأن أغلب اللي يتوظفون حاليا على جندي وإن كانوا جامعيين هذا الكلام على لسان عسكري ..
أنظمتها مشددة ولا يحسبون غالبا حساب شهادة أو خبرة أو اجتهاد
ما يدخل العسكرية إلا ضابط أو مضطر مثل بعض الفنيين ...

صحيح اختي مبتعثه متفوقه
انا تعليقي كله على دخول دورات ضابط جامعيين
ولا اذا الموضوع عشان افراد الا اقوله افضل له يدور بعثه او وظيفه حكوميه الا اذا كان مضطر
انا ضابط جامعي وافضل الدخول اذا حصل له التوفيق دورات ضباط جامعيين

الله يوفق الجميع

ابعد عن الشر وغني له خلك في قطاع حكومي او خاص
(( وجهة نظر ))

والله اذا حصلت لك المباحث او الاستخبارات فيها بدلات وتعوض عن شقاء العسكريه والمدنيه في نظري افضلك اذا لقيت مكان مناسب

نصحتي لك العسكريه

صحيح فيها كرف لاكن صراحت رواتبه وبعدين كونك ضابط كل الافراد يحترمونك حتى اي قطاع من الافراد


وانصحك كلية الملك فهد الامنيه او كلية الملك فيصل الجويه بصراحه هذا القطاع تحس انك ضابط صدق

والله انو صدري ينشرح يوم اسمع انو واحد جاي من الخارج ويبغي عسكرية ... يا شباب ارفعو راس ابو متعب ذيادة عن ماهو مرفوع

الله يوفيق للجميع

وحتى الفرد يحترمه كل الضباط حتى في اي قطاع

أسأل الله لك التوفيق .

أخوي العسكريه جدا ممتازه , إذا وفقك الله وإلتحقت بدورة الضباط الجامعيين وتخرجت , راح يكون عندك فرص ممتازه أنك تمارس

تخصصك وأيضا دورات داخليه وخارجيه في مجال تخصصك , غير الأبتعاث للخارج للماجستير في مجال تخصصك .

أستخر رب العالمين , والله يكتب اللي فيه الخير . بالتوفيق .