استفسار هل تقبل شهادة الكلية ( بكاليوريوس علوم بحرية وعسكرية) في التعليم العالي ؟؟

هلابك مارينز
أبي أعرف انت طالع مرافق؟ والا مبتعث؟ يعني فيزتك f1أوf2

نعم مقبوله شهادة البكالوريوس العسكريه في بعض الجامعات والبعض الاخر يعطيك قبول مشروط لكمال ساعات معينه لديهم وتختلف الشروط من دوله واخري

السلام عليكم ورحمة الله وبركاته

مارينز أنا نفس الحكايه مرافق لزوجتي لأمريكا وتاريخ الدراسه 28/3/2011م

وناوي أدرس مع زوجتي المبتعثه لدراسه الماجستير وجاني قبول لدراسة اللغه بنفس المعهد الذي بتدرس فيه زوجتي

في ولاية كاليفورنيا

ولكن هل بالأمكان أدرس بعد اللغه ماجستير؟لأني حاصل على شهادة البكالوريس البحريه والعسكريه من كلية الملك فهد

البحريه....ارجوا إفادتي بأسرع وقت للي عنده معلومات بخصوص ذلك؟

ويسرني يا مارينز التواصل معك على الإيميل حتى تفيدني بأشياء كثيره منها طريقة الإستيداع؟وكم الوقت حتى جاء

قرارك من لجنة الضباط العليا؟وماهي المزايا الماليه للاستيداع؟ وش الأفضل الإستيداع أو الإلحاق؟

نأمل منك إفادتي لأني محتار مرة وموعد الدراسه قريب وبيض الله وجهك والله يجعلها في موازين حسناتك يارب,,,

تكفى ا مارينز ولا عليك أمر طال عمرك أرجوا الرد عليه بأسرع وقت

لأني توي رفعت لقيادة القوات البحريه قبل أسبوع بطلب الإلحاق

وتقبل تحياتي وأشواقي وإن شاء الله إني ما ثقلت عليك

اهلن فيك اخي العزيز المغترب بنسبة لفيزتي f2 مرافق

اخي المغترب بنسبة لسؤال اكمال الدراسة نعم يمكنك اكمال الدراسة بموجب شهادة بكالوريوس العلوم البحرية والعسكرية بعض الجامعات تقبل شهادة الكلية الي تسويه الان
1- مر الكليه وارفع معروض لركن التعليم او قائد الكليه واطلب فيه السجل الاكاديمي مترجم الى اللغه الانجليزية وراعي ان الاسم يكون نفس اسمك في الجواز
2- ترجم وثيقة التخرج (الشهادة) من مكتب معتمد والمكاتب كثيرة وتلقاها قدام جوازات الدمام

بنسبة للألحاق شبه مستحيل الا بواسطة قوية جداً بلعربي امر من وزير الدفاع والطيران انا جبت واسطات البحرية من الى ما قدرو على الحاقي وقالو نحولك لنظام الاسيتيداع طبعاً الاستيداع الحل الوحيد وهو متفرغ بنص الراتب الفعلي مو الاساسي يعني نص الي ينزل بحسابك الان بس يسحب من راتبك بدل النائي وبدل الارهاب اذا كنت تستلمها النظام حلو للي بيدرس وفي المنتدى بتلقاء ضباط كثير يدرسون ماجستير ومرتاحين في نظام الاستيداع طريقة الرفع معروض لقائدك المباشر ومنها الى القيادات العليا مثل رفعك لطلب الالحاق . ونصيحة اذا ما عندك واسطه قوية ا ارفع طلب استيداع .
بنسبة لقرار الستيداع للحين ماجاني بس يحق لضابط في السنه 3 شهور اجازات وانا الان عندي اجازة خارجيه 45 يوم ومتابع للاستيداع الان في التزكيه الامنيه انشالله الاستيداع مافيه مشاكل يجي يعني ما يرفضونه بالعادة وبطلع واذا ما جاء الاستيداع خلال الفترة بمدد 45 يوم ثانيه الزبده انت اطلب استيداع اذا ماعندك واسطة واطلب اجازه خارجيه 45 يوم واشرح في معروض الاجازة ظرفك .
واذا بغيت شي ياطويل العمر هذا ايميلي
work.1981على الهوت ميل

شكراً على المعلومة بيض الله وجهك واتمنى لك التوفيق

مشكور يا مارينر والله يعطيك العافيه كفيت ووفيت وبيض الله وجهك

ولكن كتبت بمعروضي ارغب بالالحاق ورفعته قبل اسبوعين..هل اغير المعروض واكتب فيه أستيداع؟ او أخلي المعروض الأول يمشي وهم بيتصرفون؟

وصراحه سهلت عليه أموري كثيره

وأتشرف بمعرفتك طال عمرك وهذا الأيميل على الهوتميل
Abooodi8005
وشاكرين ومقدرين لك طال عمرك

يا طويل العمر انا رفعت طلب الحاق وجلست شهر الين وصلت ادارة شؤون الضباط وقالو ارفع من مرجعك مره ثانيه طلب استيداع وسويت لهم زحمه وقلت ما عندي وقت دراستنا في 7 مارس ما يمدي ونشبت لهم لين وافق مدير الادارة وقال حولوها استيداع بس خلوني اكتب معروض لمدير ادارة شؤون الضباط تفادياً للي صار لي انت اكتب في معروضك نأمل التوجية لمن يلزم بإحالتي لنظام الاستيداع او حسب ما يقتضيه النظام لمرافقة زوجتي حيث اني المرافق الوحيد لها . كلمة حسب ما يقتضية النظام تفتح لك كذا مجال من ناحية الحاق او استيداع الله يوفقك وزي ما قلت لك اذا ما عندك واسطه قوية قوية ريح راسك وارفع استيداع .
اتمنى لكم التوفيق انشالله