هل تم تنفيذ الامر الملكي للاجازة الاستثنائية ؟؟؟

الى الان اخوي ما وزعوه على القطاعات العسكرية هذا بالنسبة وزارة الدفاع والاخرى مادري بس ان شاء الله اول ما يجي ارد لك
بالتوفيق

كنت بسأل نفس سؤالك الصراحه القرار غامض وما اتضحت آليته أتمنى انهم مايتأخروا في تطبيقه لأني من طالبات المرحلة السادسة وتعطلت بمافيه الكفاية .

السلام عليكم

ابشرك تم تنفيذة ووخلال اسبوع القادم سوف تصدر اول القرارات وانا واحد منهم

أخوي متأكد؟؟ معقوله بهالسرعه تصدر الموافقة؟؟؟ طيب ممكن تقول لنا ايش هي الاجراءات والأوراق المطلوبة؟؟

الله يسعدك لا تتأخر بالرد علينا الوزارة أعطتنا آخر مهلة يوم 15 شوال

إن شاء الله مايتأخر. ايه ياخوي لا تنسانا اول قرار يصدر بلغنا الله يوفقك

الكل ينتظر تنفيذ الامر الملكي لانهم من مبتعثات ومرافقي المرحلة السادسة . ولان مصير المبتعثات و مرافقيهم مرتبط بسرعة تنفيذ الأمر الملكي واصدار قرار الاجازة للعسكريين لمرافقت من يعولون شرعا .

بُشِرت بالجنة اخوي و بالتوفيق

طيب ما تعرف بيكون فيه راتب نص راتب او بدون راتب ,,,
و اللي راتبه اصلا مديون اش بيسوي؟؟

و وهل مازال موجود نظام الالحاق او انلغى خلاص؟؟

الإجازة الاستثنائية في نظام خدمة الأفراد و الضباط بدون راتب و الخدمة أثناء الإجازة ماهي محسوبه لكن بالنسبة للإجازة هذي ماندري الى الان عنها .
وبالنسبة للراتب لو تم صرف الراتب للمجاز ماراح يقدر يدرس هناك لان الملحقية الثقافية تشترط اجازة استثنائية بدون راتب حتى تضاف ماليا ويتم الصرف عليك من قبل المحلقية الثقافية .

الظاهر ان الالحاق على الملحقيات راح يتوقف والله اعلم لانه ماكان فيه نظام يسمح بمرافقت المبتعثه الا الالحاق لكن الان فيه الاجازة الاستثنائية (كلامي هذا سواليف مو اكيد)

اما بالنسبة للقروض فمشكلتها مشكلة كيف راح نسوي معها ؟؟؟؟؟ يعني لو سافرنا مباشرة راح تحطنا البنوك في البلاك ليس ويكون الحساب بالسالب وكل شهر تزيد المديونيه علينا بالسالب يعني اذا رجعنا ناخذ لنا سنتين او ثلاث مانستلم ماناخذ رواتبنا ؟؟؟؟ :@ اي راتب ينزل يسحبه البنك حتى يستوفي حقه ؟؟؟؟؟؟؟ وش الحل ياناس ؟؟؟

الله يفرجها علينا

اخوي بندر انت تتكلم عن تاريخ 13/9/1432هـ و انا اقولك اليوم التاريخ 21/9/1432 هـ وماصار شي وزارة الدفاع والطيران تم ايقاف اصدار قرارات الالحاق و لم يقوموا بنتفيذ الامر الملكي يعني لا اصدروا قرارات الالحاق ولا اصدروا قرارات الاجازة الاستثنائية والله وحده هو العالم متى راح يفرج عنا ويتم تنفيذ الامر الملكي