السلام عليكم - استفسار من الزملاء العسكر - لو تكرمتوا

اخوي خليل مساك الله بالخير
نصيحتي لك افصل من الخدمه العسكريه لان نظام خدمه الافراد يسمح لك تعود بعد الفصل الى الخدمه
وطالما انك بتاخذ اجازه ٤ سنوات كانك فاصل من الخدمه لاراتب لا سنوات خدمه ولاشي فا احسن شي افصل على شان تاخذ اخلاء طرف وتغير مهنتك ويمكن هم بعد مده يضمونك انت للبعثه
وكانك طالب
والله يوفقك

ياخ محمد بن سعد لا تفتي للرجال من راسك لا تضيع مستقبل الرجال مالك حق .


1-ياخليل اسمع وانا اخوك لو فصلت احتمال تسافر لامريكا وماتتوفقون لا سمح الله في الدراسة او لاي سبب من الاسباب وترجع للسعودية وقتها خسرت وظيفتك و خسرت الابتعاث .
2- اذا اخذت الاجازة الاستثنائية كأنك فاصل من وظيفتك لكن في حال اي ظرف طارئ رجعت للسعودية ترجع لعملك .
3- بالنسبة للدراسة تقدر تدرس سنة لغة و وثلاث سنوات دراسة جامعية وفي حال انتهت مدة الاجازة الاستثنائية يمكن يصدر امر يسمح بتمديد الاجازة (مافيه شي مستحيل).
4- اذا انتهت الاجازة الاستثنائية ولم تجد اي نظام لبقائك ومواصلة دراستك وقتها فكر في الفصل ومواصلة الدراسة لكن فكر ثم فكر ثم فكر و استخر واستشر لان الفصل موضوع مو سهل لانك اب لعائلة .
5-اعلم بأن بعض الجامعات في السعودية تعادل ساعاتك الدراسية في امريكا تقدر تكمل في السعودية اذا رجعت .


واخيرا فيه شي مهم جدا جدا جدا يجهله الكثير وهو :
بإنتهاء بعثة زوجتك تنتهي بعثتك فلو كانت تدرس ماستر راح تدرس ثلاث سنوات وبعدها تنتهي بعثتها وبعثتك معا إلا اذا اتممت 75% من دراستك الجامعية فيسمح لك بالبقاء كمبتعث حتى تتخرج .

ماراح أزيد على كلام أخوي ..

الإعادة للخدمة ليست بالأمر السهل ..

وكذلك راح تنزل رتبة أو رتبتين .. ولا راتب ولا شيء ولا مستفيد شيء

خل الفصل آخر شيء تفكر فيه حتى لو كنت جندي ..

راح ارد عليك بس قبل ما ارد انا ما افتي من راسي
انا اتكلم من حكم تجربتي واحتكاكي بقرارت الاعاده للخدمه ربما وحدتي متساهله جدا اذا هاذا كلامك انت والاخ رماد الحرف لاني اشوف الاقرارت بعضها لاشخاص ففصلو بسبب تاخرات
الشي الثاني بالنسبه لنظام خدمه الافراد ينص انه يحق للفرد العود للخدمه بعد موافقه قائده المباشر
الشي الثالث يرافق زوجته في فرق لمن يكون عسكري ماخد اجازه استثنائيه او متفرغ انا معكم وكلامكم صح بالنسبه للفصل لا لكن لو كنت مكانه والله لافصل ولاروح بعثه واكمل دراستي
الشي المهم ليه ما تتفاولون بالخير للرجال بدلا من انك تقول احتمال ما تتوفقون بالدراسه والله يقول انا عند ظن عبدي بي
في الاخير القرار راجع لك انا ابديت رائى ولي الحق وانا مقتنع تماما فيه وانت اللي لك الامر فكر وفكر واستخر واستفسر من شوؤن الافراد عندكم وش الافضل واستخير
وعسى الله ييسر لك بعثه موب بس اجازه والا فصل بعثه ويرسلونك
بالتوفيق

أخوي محمد بن سعد ..

الإعادة للخدمة تحكمها وجهة نظر قائد الوحدة .. وفي بعض القوات يحكمها أكثر من قائد .. من قائد سرية لكتيبة للواء

يعني تتفرع ..

وأنت تعرف تصرفات بعض الضباط في معاملات الأفراد ..

والإعادة مو سهلة ..

أنا عملت سبع سنوات كرقيب مكتب أفراد في أحد الألوية .. وكانت تمر علي معاملات إعادة كثيرة ..

أغلبها كان يرفضها القائد .. واللي تقبل غالبا تكون قبلها جاهه وواسطات وحب خشوم ..

يعني الأمر مو سهل وتحكمه وجهات نظر مايحكمه نظام خدمة الأفراد ..

وياليت تتطلع على شروط الإعادة للخدمة في نظام خدمة الأفراد

اللي هذا نصها

المادة 57: أ تجوز إعادة الفرد للخدمة إذا دعت الحاجة إلى ذلك وكان سنه يقل عن سن الإحالة على التقاعد بسنتين على الأقل .
ب : يجب أن تتوافر فى الفرد المعاد للخدمه الشروط الورادة فى المادة ( 4) ما عدا الفقرة ( د)
ج : لا يجوز إعادة من فصل من الخدمة أكثر من مرتين وفقاً لفقرة (و) من المادة ( 56 ).
المادة 58 : أ – إذا اعيد الفرد للخدمة ولم تتجاوز مدة تركه الخدمة سنه يعاد براتبه ورتبته السابقة وتعطى له بدلاتها وعلاواتها فإذا زادت عن سنه ولم تتجاوز ثلاث سنوات يعاد بالرتبة الأدنى من رتبته السابقة ويعطي أول مربوط اما إذا زادت عن ثلاث سنوات ولم تتجاوز خمس سنوات فيعاد برتبة ادنى من رتبته برتبتين ويعطي أول رمبوط اما اذا زادت على ذلك فيعاد برتبة جندي ويعطي أول مربوط لها .
ب – تتم عودة الفرد الفنى للخدمة بعد نجاحه فى اختبار يعقد له فى مجال تخصصه ويمنح العلاوة الفنية المناسبة بموجبه .



يعني ممكن تنزل رتبته لرتبة أو رتبتين ولا يستفيد أقدمية .. ولا يستفيد خدمة ..

أنا أقول من رأيي يحاول في الألحاق واذا ماقدر يجي إلحاق الإجازة الاستثنائية أفضل خيار .. والمهم أنه يحاول يدرس لغة قبل يجي عشان يقدر يكمل البكالريوس هنا أو على الأقل يخلص منه75% وقتها يقدر يفصل وهو متوكل على ربه إنه باقي له قليل ويتخرج .. ويكون شبه أمن مستقبله لو يرجع يكمل في جامعة سعودية أو يكمل الربع الباقي على حسابه هنا..

أتمنى تكون فهمت وجهة نظري أخوي ..

اقتنعت بوجهه نظرك
قدم على الحاق لمده سنه اذا ما قدرت ـ خذ تفرغ للدراسه ـ اذا ما قدرت قدم طلب استيداع -خل اخررر الحلول عندك الاجازه الاستثنائيه
والله يوووفقك يارب

مرحبة
مافي شي اسمه الحاق دلحين الغي بعد الامر الملكي بالاجازة الاستثنائية ولا يوجد للفرد استيداع هذا للضباط مالك الي اجازة استثنائية واذا ماخلصة لاترجع لان حسب الاوامر الجديدة ماتنفصل او مايصدر قرار فصلك الى اذا حضرت عليهم و يعرفو السبب وبعدها يقرر فصلك او استمرارك في الخدمة وهذا من ابو متعب القرارات الجديدة طول الله في عمره
وعلى فكرة تقدر زوجتك تدرس ببلد اوربي مثل زوجتي بتدرس في ايرلندا سنه ماستر و سته شهور لغة و انا طالع معاها ان شاء الله

ولك تحياتي

واظيف لكم معلومة ماركزتو عليها بالنسبة للالحاق لا تضاف ماليا في الملحقية الثقافية في بلد الابتعاث و السبب بختصار لانك تأخذ راتب .
اما الاجازة الاستثنائية يحق لك الدراسة (لغة - جامعة) وتأخذ كل المزايا المالية للمرافق و بعد سنة تفصل بعثتك عن زوجتك وتزيد مكافأتك من 900$ الى 1850$

طلبت مشورتنا و آرائنا وانا انصحك بالاجازة الاستثنائية اذا انت انسان طموح وتبي تدرس اما اذا انت مالك في الدراسة او شهادتك الكفاءة المتوسط فدبر لك واسطة قويييييية واطلب الحاق افضل لك
والله الموفق

ياخي قول الحمدلله اول شئ انه فيه 4 سنوات اجازه خلى الوظيفه وروح انا عسكري زييك وطالع الحين ليه 9 اشهر خدمة ما فيه راتب مافيه بس اقل شئ رقمك موجود متى ماحبيت ترجع ترجع روح وكمل دراسة اربع سنوات ربك يسير امرك افصل واذا ما زبطت الامور وظيفتك موجوده ومنت خسران شئ اتمنى لك التوفيق