تقرير تم تنفيذ الامر الملكي بخصوص الاجازه الاستثنائيه

على مستوى وزارة الدفاع ماصار فيه شي و لا تنفذ فكيف تقول في الوحدات وفي الدروج

اخوي ابو سيف اللي قال لك انه توزع من شهر 8
بأي ادارة ابي اروح له واخذ منه القرار .....

اسف طلع اللي توزرع قرار المجلس العسكري وموجود عندي اللي يبي منه نسخه يبشر

السلام عليكم
انا بشرح لكم اللي صار معاي وانتم احكموا
انا رقيب في القوات الجويه وزوجتي مبتعثه على المرحله السادسه طبعن رفعنا الحاق في شهر 3 اللي فات وجا الرد بالرفض و انه الوضع تحت الدراسه
جا امر الملك الله يحفظه بالاجازه الاستثنائه بشهر سبعه
وزي زيكم جالس انتضره يتطبق قابلة ولد عمي رائد في حرس الحدود في اجازة رمضان وقالي ان جتهم معامله بخصوص الاجازه الاستثنائيه وصور لي الامر وراح اكتب لكم وش مكتوب فيه والجهه اللي جاي منها
(قرار رقم 45 وتاريخ 3/8/1432 ان مجلس الخدمه العسكريه وبعد الاطلاع على المعامله الوارده من وزارة الداخليه برقم000000بشان دراسة موضوع المرافقين العسكريين من ظباط وافراد تقرر مايلي
يجوز بقرار من الوزير منح العسكري الذي يرغب في مرافقة زوجته المبتعثه للدراسه في الخارج او احد ممن يعولهم شرعا اجازه استثنائيه بدون راتب وذلك بقدر مدة المرافقه بحد اقصى 4 سنوات
متصله او منفصله طوال الحياه الوظيفيه على الا تحتسب مدة المرافقه لاغراض التقاعد الا اذا دفع العائدات التقاعديه عنها كما لايجوز ترقية العسكري اثنا مدة المرافقه وانما تحتسب المدة التي امضاها في رتبته
قبل تاريخ بدء اجازة المرافقة وبعد عودته الى عمله يكمل المده المتبقيه في رتبته مالم تتم احالته الى التقاعد قبل ذلك وتعامل العسكريه التي ترغب في مرافقة زوجها وفق هذه القواعد)
وعندي صوره من القرار000 اخذت الامر للوحدة اللي اعمل فيها ابي ارفع بالاجازه ورفضوا قالوا لازم الامر يجينا رسمي من هيئة القوات الجويه
رحت لجناح الاداره عندنا بالقاعده ادور على الامر قالوا ماوصل شي
رحت لقيادة القاعده عندنا وقابلت وكيل رقيب قال لي انه جت معامله من شهر 8 بخصوص الموضوع هاذا وريته الامر اللي معاي اللي من ولد عمي قال لا معامله غير اللي معاك هاذي
دورنا عليها ماحصلناها هو يقول قراه ومتاكد واحس انه صادق بصراحه وحقين جناح الاداره يقولون ماجانا شي وضعت بينهم
اعرف واحد بقاعدة الرياض يقول برضه مرت عليه معامله بشهر9 وغير الامر اللي معاي
انا ماراح اسكت لين ما اطلعه واكيد راح ابلغكم بكل جديد واللي يعرف احد بالقياده بالوزاره يساله ويتاكد

السلام عليكم وحمة الله وبركاتة جميعااا بالنسبه لحرس الحدود انا عندي نسخة من القرار من الشؤون العسكرية - شؤون الافراد لحرس الحدود وصلهم في تاريخ 2/9/1433 برقم 8381 بس باقي القطاعات ماوصلهم ليش التاخير الله اعلم والنص هوالقرار (45) وتاريخ 3/8/1432 القاضي بجواز منح العسكري الذي يرغب في مرافقة زوجتة المبتعثة للدراسة في الخارج او احد ممن يعولهم شرعا اجازة استثنائية بدون راتب

صاحب الموضوع اخي وحبيبي تأكد قبل تكتب اي موضوع
الجميع يعلم بأن الامر وصل الى وزارة الداخلية و وزارة الدفاع والطيران (جميع القوات جوية-بحرية-برية-دفاع جوي)
لكن سؤال : هل تم اصدار اي قرار لاي عسكري في وزارة الداخلية او وزارة الدفاع والطيران ؟
الاجابة : لااااااااااااا لم يتم اصدار اي قرار .

والظاهر ان الموضوع مطول يبي له شهوووووووور

الجميع طلبو الاجازة الاستثنائية لكن الى الان لاشيء !!!!!!

لكن كلنا امل في البدء في اصدار القرار ان شاء الله

السلام عليكم ورحمة الله
ياااارب اذا البعثة خير لنااااا ان تيسرهااااا وتسهل امرهاااا
نفس الوضع نمر فية الان زوجي في وزارة الدفاع والطيران ولسة مارفع للاجازة الاستثنائية والمشكلة قرار الابتعاث 3شهور ويلتغي
هل من جديد يااخوان الي الان او هل فية احد منكم تمت الموافقة على اجازتة الاستثنائية وياليت يحدد من اي قطاع عسكري

اخواني الاعزاء / انا عسكري بالامن العام ولي شهر مرافق مع زوجتي في أمريكا والاجازة اللي عطوني هي على النحو التالي /شهرين من رصيد الاجازات يعني إعتيادية وكل منها يطلب على حده يعني تقدم شهر وإذا أنتهى تقدم الشهر اللي بعده وبعدها أربع شهور إستثنائية بدون راتب ومدري بعدها ايش بيسوون فاللي عنده قرار لمدة سنه إستثنائية يفزع لي تكفوووون لأن اليوم كنت بالملحقية رفضو يسجلوني كمرافق لأن الإجازة ماهي إستثنائية هذا هو القرار اللي أنا لحقت عليه وتراه نهاية رمضان يعني الإخوان اللي يقولون وصل قرار الملك نهاية 8 وبداية 9 الكلام هذا غير صحيح وآسف على الإطالة