ثالث استفسار ولااحد رد وش المشكلة؟؟؟؟؟

اول شي يسعد الله مساك

كيفك وعساك بخير ان شاء الله


وانا اخوك السبب يعود لعدم وجود استفسارك بالقسم الخاص لأن القسم اللي هنا ما شاء الله الاخوان خلوه قسم مرافقين عسكريين لكن اذا تبي قبول ادخل على قسم الولايات المتحده وادخل القسم الخاص بالولايه اللي تبيها وراح تجد اجابات شافيه للأستفسارك


ثانياُ وش هالقبول اللي ماهو مشروط هل معك اختبار ايلتس او توفل ؟؟؟؟

لأن الجامعات الامريكيه جميعها تعطي قبولين لاثالث لهما اما قبول مشروط (( وهذا يعطى القبول فيها بشرط اتمامك فترة اللغه ومن ثم الدخول للجامعه ))
او قبول غير مشروط كما قلت انت وهو يسمى قبول فوري (( وهذا القبول لايعطى الا للشخص الذي حصل على اللغه سوا بالدرجه المطلوبه بأختبار الايلتس أو التوفل أو مايعادلها من الاختبارات أو اتمام فترة اللغه في المعهد المعتمد من قبل الجامعه ))

في الآخر تقبل تحياتي ....واي استفسار تفضل طال عمرك ....

مشكور اخوي ابوبدر والله يعطيك العافية ويكثر من امثالك. بالنسبة للغتي ضعيفة ووزارة الدفاع طالبين قبول غير مشروط وهل بكالوريوس علوم عسكرية تنفعني في معادلة بعض المواد وهل السنة اللتي درستها في كلية العلوم في الجامعة قبل الحربية تنفعني ايضا.

من ناحية الشهادات اللي ذكرتها هذه تعتمد على الجامعه نفسها وليس على نظام محدد لأن بعض الجامعات لاتعرتف بالمعادله نهائياً بينما البعض الآخر ياخذ الساعات اللي درستها من ضمن البرنامج الخاص فيهم ويسقطون عنك بعض الساعات ولكن لايسقطون المواد كامله ...ولكن انت بوضعك الحالي مايبي لك أي جامعه لأن كثير من الجامعات ماراح تعطي القبول اللي انت تبيه ولكن لازم تدور على جامعات ماشي حالها شوي وليست من جامعات القمه ...وفي الختام اتمنى لك التوفيق

الله يعطيك العافية ابوبدر ويوفقك. طيب تتوقع في جامعات تعطي قبول غيرمشروط ولغتي ضعيفة لكن انشالله مع دراسة اللغة اول سنة انشالله اعدي .بس اتوقع وزارة الدفاع ماقالوا قبول غير مشروط الا مايبونهم يشترطون اختبار التوفل يعني يدرسوني لغة ويقبلوني. وابي استفسر وش رايك بولاية فرجينيا وافضل مدينة فيها وتكون قريبة من واشنطن العاصمة.

اخي الفاضل
ابونواف
القبول الغير مشروط لازم يكون عندك لغة وتحقق شرط التوفل اولالايلتس الى تطلبه الجامعه
لكن النظام يجيز لك الحصول علا لابتعاث اذا كان قبول مشروط باللغة فقط ويحق لك سنة كاملة لغه فلا احد يحاول يصرفك ويقوول جب غير مشرووط
اطلب قبول مشروط باللغة وجب للسنة اللي قبل الماستر قبول لغة يعن جيب قبول اللغة على 2012 والماستر على 2013 والنظام يكفل لك حقك الا اذ كنت حاصل على دورة لغة قبل ذلك
ترا انا اول سووا لي كذا يصرفون لك لقيت ابن حلاال وضح لي الصوورة
اتمنى افدتك

عذراني ابو نواف انا اتكلم عن الدراسات العلياااااا الماجستير والدكتورة
ولكني اعتقد بالنسبة لوضعك ممكن الجامعه تضع سنة اللغة من ضمن سنوات الدراسة ورغم ذلك هذا لايمنع حقك في الحصول على لغة لمدة سنة دراسية كاملة
عموما ارجع للائحة الجدية ترا صار لها مدة صادرة وتتيح الحق لخريجي الكلية بمواصلة الدراسات الجامعية

شكرا اخوي ابو عريب والله يعطيك العافية.

لكن استفسار وين احصل اللائحة الجديدة.