تقرير الحمدلله وبنعمة من الله تم صدور قرار

الله يوفقك ان شاء الله

ع البركة يالزميل

ولاهنت لو تكرم وتعطينا تفاصيل اكثر

الاوراق الي طلبوها هل فيه نموذج والا معروض مثل العادة
مدة الرفع كم وقت اخذت
هل تذهب للمديريه المعاملة ام من عند المنطقه يبت بها
اذا كنت بتدرس اخذت خطاب منهم لامانع لديهم من اكمال دراستك للملحقية
اي شي تحب تضيفة

واتمنى لكم التوفيق

طبعا انا رفعت معروض كل العاده في العسكرية طبعا بعد مامليت من السؤال الضباط وكل واحد يقولك مافيه نظام بس سالت واحد من الشباب قالي ارفع 1- طلب اجازه استثنائية لمرافقة زوجتي وجاني خطاب فيه تعهد انه الاجازه بدون راتب ولا خدمه ولاتحسب في المفاضلة لترقية ووقعتة عليه واهم شي تصدق التعهد من قائد القطاع مو مثل حالي مع الشباب ارفعوه بدون تصديق ورجع لتصديق مره اخرى وترفق معه قرار الابتعاث وصوره من كرة العائلة وترفع وسلامتة عمرك بس حاول ترفع بدري افضل ولازم تروح المنطقة والمديرية و وزارة الداخلية تجلس اسبوع هناك واهم شي تابعها بنفسك وان شاء الله ماتطول شهر وهي عندك
بالنسبه حق الخطاب حق اكمال الدراسه والله ماعندي فكره عنه بس بما انك اجازة استثنائية وبدون راتب ولا خدمه اتوقع تقدر تدرس والله اعلم والي سمعته انه ماراح يصرف لك من الملحقة الى بقرار الاجازه الاستثنائية

توضيح جميل ارجوا ان يتسع صدرك لاستفساراتي

انت من المرحلة السادسة توك تطلع ...عسى المانع خير لايكون منهم

زميلك من السابعة باقى ع القرار شوي

عندي خطاب من وزارة التعليم العالي يفيد بأني مرافق لزوجتي وش رايك ارفعه تمشي الامور والا يردونها بداعي النقص

في خدمتك طال عمرك والجميع يارب . لا ماينفع خطاب لازم قرار الابتعاث موضح فيه اسم المرافق وفترة الابتعاث وصوره من كرت العائلة(هذا الي طلب مني مع التوقيع على التعهد)
بالنسبه التاخير كنت رافع معامله عن طريق الديوان الملكي الى وزارة الداخلية طبعا باسم زوجتي تخبر العسكرية على طول تعتبر تعدي مراجع وجاني طال عمرك بستنفاذ جميع الاجازات الاعتيادية من رصيدي والاستثنائية 6 شهور في حال رغبتي وانا طبعا طلبت استنفاذ جميع الاجازات وجاني الرد بانه لايمكن منحي الى اجازه شهرين في السنه شوف التناقض والحمد لله فترة زمان وجاء الامر السامي من خادم الحرمين الشريفين الله يحفظه ويرعاه ورفعت معامله باسمي عن طريق مرجعي والحمدلله وصدر القرار من وزارة الداخلية وان شاء الله السفر فجر يوم الثلاثاء الموافق 13 ديسمبر وسلامتك عمرك والله يوفق الجميع يارب

اذا كنت بتدرس اخذت خطاب منهم لامانع لديهم من اكمال دراستك للملحقية
القرار موضحه فيه بان تعامل بالمادة 62 وتاريخ 10/3/1421 والي فهمت منها انك تقدر تواصل الدراسه على حساب وزارة التعليم العالي

الحمد لله ان امورك تيسرت

استفسار سقط سهوا

بالنسبة لنموذج السفارة عبيت لك واحد ولزوجتك واحد لحال وش نوع فيزتك

وبالنسبة لسؤالهم ان كنت موظف او لا

وش كتبت وهل احضرت لهم مشهد من العمل اذا كانت اجابتك بعسكري

وتروح وترجع بالسلامة يالزمميل

مبروك وعقبال ان شاء الله الرجوع بالسلامه باعلى الشهادات

بالنسية لنموذج كل شخص له نموذج خاص فيه . وخل معلومات صحيحه في النموذج واذكر الوضيفه والتخصص .
بالنسبة للمشهد على راس العمل انا احضرت تعريف بالراتب ومذكور فيه الراتب والمشهد سوا.
بانسبة للفيزا انا اخترت اف 2 لانها اختياري في الدراسه تقدر تدرس ولا ماتدرس واف 1 اجباري الدراسه على ماسمعت وتقدر تغيرها هناك اذا حبيت تدرس.
طبعا اذا طبعت النموذج مذكور فيه الاوراق المطلوبة للمقابله.
الله يسلمك والجميع يارب ويوفقا وياك والجميع يارب