كل مايخص المرافق العسكري

بنسبه للاوراق المطلوبه لكي يقوم بطلب الاجازه الاستثنايه ..

1- قرار الابتعاث الصادر من وزارة التعليم ويكون اسمه موجود في اسفل القرار اللي هو المرافق .. طبعا مايصدر القرار الى بعد استخراج الفيزا لكم .
2- استخراج الفيزا ويكون فيزا f1 اذا يبغي يدرس واذا مايبغى b2 مرافق فقط .. لكن افضل شي f1
3- عن طريق عمله يطلب الاجازه حسب الاوامر الملكيه والتي تنص على اعطى الموظف المرافق لزوجته اجازه استثنائه بدون راتب حسب مدة الابتعاث
4- بعدها يرفع الاوراق من ظمنها كرت العايله ومعروض وصورة قرار الابتعاث ويحدد الاجازه حسب قرار الابتعاث والدوله التي مبتعثه فيها ..

طبعا حسب عمله يمكن تاخذ شهر على عشان يصدر قرار له .. واذا صدر قراره ياخذه معه ومطلوب هنا اثناء وصولكم الى امريكا في فتح ملف طالب .. وهذي لها اجراءت ثانيه وبسيطه .. الاهم انها الاجازه .

لكن لاتسون شي حتى ينهي اجازته من عمله ..

بالتوفيق لكم ..

ياخذ إجازه بدون راتب؟ يعني مايمشي له راتب طول فترة الإبتعاث؟

اكيد الاجازة الاستثنائية تكون بدون راتب نعم مايمشي له راتب طول فترة الابتعاث وبدون خدمة ..... ولكن بامريكا يعطونه مكافأة مرافق 900 $ واذا خلص اللغة يضمونه للبعثة ويصير مبتعث ويعطونه مكافاة مبتعث

وانتي مكافاة مبتعثة 1800% تقريبا وبالتوفيق

كل الشكــــــــر لتعاونكم ..
ادري طولت عليكم بالأسئله ,,, معليش
بس بسأل
بعد المعهد ينضم للبعثه بدون شروط؟ لأن هو معه شهادة ثانوي بس,,
وأي قسم يناسب يدرس فيه!
وشكرآ

شباب بعد مايخلص المرافق العسكري او الحكومي فتره اللغه وحصوله ع قبول أكاديمي سواء بكالوريوس او ماستر تتكفل فيه الملحقيه وما يطالب بغير الاجازه الاستثنائيه

الله يوفقك ويتمم لك على خير اختي
اخ مشعل هل تقصد ان المرافق العسكري يقدر يدرس تخصص اكاديمي خلال الاجازة الاستثنائية ؟ هل يحق له ذلك اتمنى تأكدون لي المعلومة

واعتذر من اختي صاحبة الموضوع على السؤال في موضوعك

ااكيد يقدر يدرس اللي يبي
بس هل الاربع سنوات راح تكفي!!!
خصوصا للي يبغى يكمل بكالوريوس
سنة لغه ويبقى بس 3 سنوات!!!

العسكري بإجازة إستثنائية لا يحق له الدراسة في الجامعة بعد فترة اللغة إلا بموافقة جهة عمله .. وتتكفل هي بدراسته ..

أو بحصوله على إجازة دراسية وليست إجازة إستثنائية ..

طوال فترة مرافقته لا يحق له سوى مكافأة المرافق .. ولا يستطيع التغيير والإستقلال ببعثة مستقلة كالمرافق العاطل أو المرافق الطالب ..

معلومة مؤكدة ..

علما بأنه تم تحديد الإجازة الإستثنائية بحد أقصى أربع سنوات .. حتى لا يستطيع العسكري إكمال ابكالريوس حتى لو كان يدرس على حسابه في الجامعة ..

يعني تعقيد من جميع النواحي

هل انت متأكد من كلامك هذا لأن فيه عسكر مرافقين ويدرسون يعني اكيد فيه حاجه غلط