الأعضاء الإشتراك و التسجيل

الملتقيات
ADs

الطريقه السليمه للتحويل من اجازة استثنائيه الى ملحق للعسكري

الطريقه السليمه للتحويل من اجازة استثنائيه الى ملحق للعسكري


NOTICE

تنبيه: هذا الموضوع قديم. تم طرحه قبل 1130 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الشاكي8
    الشاكي8

    مبتعث جديد New Member

    الشاكي8 الولايات المتحدة الأمريكية

    الشاكي8 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى إدرة اعمال , بجامعة els
    • els
    • إدرة اعمال
    • ذكر
    • كولومبس, اوهايو
    • السعودية
    • Jun 2012
    المزيدl

    June 3rd, 2012, 09:34 AM

    بسم الله الرحمن الرحيم
    السلام عليكم ورحمة الله وبركاته
    اخواني انا عندي مشكله وان شاء الله انها تكون بسيطه الحين قرار الملك حفظه الله "يجوز للعسكري مرافقة زوجته طول فترة الابتعاث وبحد اقصى 4 سنوات " بيض الله وجهك يا بابا عبدالله بس المشكله ايقاف الراتب !! والشي الثاني اللى عنده قرض و90% من الشعب عليه قروض الا من رحم الله لذالك انا الان خرجت والله الحمد مرافق مع زوجتي وانا عسكري ورتبتي عريف "صف ضابط" وابي الطريقه النظاميه للتحويل من اجازة استثنائيه الى ملحق وارجو من اخواني اللى عنده الطريقه المناسبه او الحل يفيدنا ولا يبخل علينا وبالنسبه .


    ثانياً :بالنسبه لموضوع الحضانه اللى كثرت شائعاته اللى عنده خلفيه عنه يا ليت يبشرنا كسرو ظهورنا هالحضانات <<<<< واضح انه طفران ^_^



    ثالثاً: شي يجهله كثير من اخواني العسكر اللى بيرافقون مع زوجاتهم اللى يبي يدرس وزارة التعليم العالي تعطيك لغة فقط فقط فقط اذا تبي تكمل تشترط عليك تحول مهنتك من عسكري الى طالب واذا مدني من موظف الى طالب يعني بالعربي تفصل من دوامك وانا اشوف 80% من الشباب والبنات ما يعرف النقطه هذي لذالك انا وضحتها لكم .

    واي استفسار بخصوص البعثة او بلد الابتعاث او طريقة اخذ الاجازة الاستثنائيه انا حاضر


  2. على ماعتقد اخوي النقطه الثالثه اخلافك فيها .. فيه كذا شخص خلص لغه وجاب قبول جامعه ونظم للبعثه دون اي شروط ... لكن تكون المشكله في الاجازه الاستثنايه من عملك يعني مثلا لو دخلت جامعه يغالك اقل شي ثلاث سنوات من غير فترة اللغه يعني المجموع خمس سنوات ونصف تقريبا اذا باكلوريا او ماستر يمكن تكون هناك المشكله والاجازه الحد الاعلى اربع سنوات ..

    بنسبه لتحويل صعبه شوي من الاجازه الاستثنائيه الى ملحق ... الامر واضح وصريح ... حتى الاغلبيه اللي كانو قبل سنه ملحق وبغى يجدد الالحاق تم رفضهم وصدر لهم اجازه استثنائيه ... يعني انسى موضوع التحويل ..
    7 "
  3. حبيبي خالد ابن عمي فصل من دوامه عشان يكمل دراسته وانا حالياً مرافق مع زوجتي ولا لي الا لغه فقط اما على ما اعتقد واعتقد خذ الكلام من ارض الحدث ^_^ وبالتوفيق للجميع وانا مازال عندي امل ان اقدر احول من اجازوة استثنائيه الى ملحق بحكم اني عسكري .
    7 "
  4. يعطيك العافية أخوي

    بالنسبة للتحويل من إجازة إستثنائية إلى ملحق .. هذي صعبة إن لم تكن مستحيلة ..

    لأنهم ماحطوا نظام الإجازة الاستثنائية إلا عشان يوقفون الالحاق ..

    وعشان يضايقون العسكريين ويضغطونهم أكثر من الضغط اللي هم فيه ..

    كان أول يستلم راتبه وخدمته ماشية وأقدميته .. بس مايدرس ولا له تأمين طبي ..

    قالوا نخليه يدرس ونعطيه تأمين طبي ومكافاة مرافق بس نوقف خدمته ونوقف راتبه وأقدميته .. عشان اللي تهمه وظيفته وخدمته وأقدميته يقول لزوجته أركدي بلا بعثة بلا كلام ثاني ..

    وعشان يقللون أعداد الملحقين العسكريين اللي صاروا كثير ولا دوام ولا غيره ويأخذون رواتب وهم في بيوتهم لا دراسة ولا غيره ..

    أنا ملحق عسكري حاليا .. ولما رفعت طلب تمديد إلحاق .. رفض قائد الوحدة يقول إجازة إستثنائية .. قلنا الشكوى لله ..

    فيه قادة وحدة يقبلون تمديد الإلحاق .. وأنا سألت ناس في الملحقية العسكرية .. قالوا كل شيء يعتمد على قيادتك إذا وافقوا على تمديد إلحاقك ماراح ترفض لا الملحقية ولا إدارة الملحقيات ..

    لكن بالنسبة للتحويل من إستثنائية إلى إلحاق .. هذي فيها صعوبة شوي .. لأنك لازم تلغي إجازتك الاستثنائية أول لأن معلوماتك في الحاسب تكون موقفة وقت إجازتك كأنك مفصول .



    أما بالنسبة للدراسة بعد اللغة للي معاه إستثنائية نعم أخوي مثل ماقلت .. مايحق للعسكري اللي مرافق ومعاه إجازة إستثنائية سوى دراسة اللغة فقط أما الجامعة مايقدر يدرس إلا في حالة فصله .. أو موافقة جهة عمله على التحويل من إجازة إستثنائية إلى إجازة دراسية .. أو يحول إلى مبتعث رسمي على حساب وحدته وقيادته ووقتها الملحقية الثقافية مالها شغل في ميزانيته ...

    أما اللي يقول إن فيه ناس درسوا بعد اللغة وهم إجازة استثنائية ..

    أحب أقول له إن الاجازة الاستثنائية ماكملت سنة باقي من أقروها .. يعني مااظن أحد أمداه يخلص اللغة ويدخل الجامعة .. إلاا في حالة إنه كان معاه لغة قوية من قبل يجي لبلد البعثة .. ولو يتاكد منهم يلاقيهم في الأحوال طالب أو متسبب ..

    لأنه ماراح يوافقون له وهو استثنائية وهذا كلام من وزارة التعليم العالي رسميا .. إلا إذا كان له واسطة عن الملحق الثقافي وسمح له يدرس


    واعتذر عن الاطالة
    7 "
  5. من جدكم تتكلمون ان المرافق العسكري او المؤظف مايدرس ؟

    اتمني تعطونا كلام موثوق لان نظام الحاق مرافق بالبعثة واضح حسب موقع الملحقية الثقافية بواشنطن ؟

    شروط إلحاق مرافق بالبعثه
    1- صورة بطاقة الأحوال المدنية للطالب أو صورة دفتر العائلة للطالبة.
    2- صورة آخر مؤهل حصل عليه الطالب أو معادلتها إذا كانت صادرة من خارج السعودية .
    3- ما يفيد بإنهاء مرحلة اللغة.
    4- صورة من قبول أكاديمي صريح (غير مشروط) محدداً فيه الدرجة، التخصص و بدء الدراسة.(إذا درست الفصول السابقة يرجى إرسال الدرجات).
    5- صورة جواز السفر+ فيزا سارية المفعول + آخر I-94 + ختم الدخول(واضح) +i-20 + صورة جواز المبثعت الأساسي .
    6- صورة من قرار (الإيفاد / الإبتعاث) للمبتعث الأساسي .
    7- قرار إجازة المرافقة للموظف.
    8- المدة المتبقية على بعثة المبتعث الأساسي أكثر من 6 أشهر.
    9- يجب أن تكون الدراسة بنفس المكان المتواجد به المبتعث الأساسي.
    10- للموفدين : إفادة من جهة عمل الموفد بأنه على رأس العمل .



    7 "
  6. المرافق العسكري واللى طالع اجازة استثنائيه يدرس بس لغه مثلي انا بالضبط الأن بدرس لغه فقط

    بالنسبه للملحق انا ماعندي فكره عنه بس من اسمه ملحق يعني تلتزم بعملك ملحق تداوم في الملحقيه التابعه لعملك في الخارج

    وبالتوفيق للجميع والله يسهل امور العسكر بخصوص ايقاف الراتب وايقاف الخدمة لأنه ظلم في حق العسكري اللى يمثل امن الدوله واخر شي يطلع ولا يلقى الا لغه وباقي البعثة جالس
    7 "
  7. المشاركة الأصلية كتبت بواسطة abo.dla3
    من جدكم تتكلمون ان المرافق العسكري او المؤظف مايدرس ؟

    اتمني تعطونا كلام موثوق لان نظام الحاق مرافق بالبعثة واضح حسب موقع الملحقية الثقافية بواشنطن ؟

    شروط إلحاق مرافق بالبعثه
    1- صورة بطاقة الأحوال المدنية للطالب أو صورة دفتر العائلة للطالبة.
    2- صورة آخر مؤهل حصل عليه الطالب أو معادلتها إذا كانت صادرة من خارج السعودية .
    3- ما يفيد بإنهاء مرحلة اللغة.
    4- صورة من قبول أكاديمي صريح (غير مشروط) محدداً فيه الدرجة، التخصص و بدء الدراسة.(إذا درست الفصول السابقة يرجى إرسال الدرجات).
    5- صورة جواز السفر+ فيزا سارية المفعول + آخر I-94 + ختم الدخول(واضح) +i-20 + صورة جواز المبثعت الأساسي .
    6- صورة من قرار (الإيفاد / الإبتعاث) للمبتعث الأساسي .
    7- قرار إجازة المرافقة للموظف.
    8- المدة المتبقية على بعثة المبتعث الأساسي أكثر من 6 أشهر.
    9- يجب أن تكون الدراسة بنفس المكان المتواجد به المبتعث الأساسي.
    10- للموفدين : إفادة من جهة عمل الموفد بأنه على رأس العمل .





    أخوي الكلام هذا مؤكد .. العسكري المرافق ومعاه إجازة إستثنائية مايحق له إلا يدرس لغة فقط ..

    وبإمكانك إرسال رسالة للمشرف الدراسي للمبتعثة وتتأكد ..

    وحتى لو كان مسموح ..

    الإجازة الإستثنائية مدتها أربع سنوات كحد أقصى طوال خدمتك العسكرية ..

    والزوجة بتكون مبتعثة غالبا للماجستير + لغة ..

    لنفرض إنه اللغة أخذت سنة ونص .. والماجستير سنتين ونص هذي الأربع خلصت ..

    وأنت لنفرض درست اللغة في سنة ودخلت جامعة بتدرس ثلاث سنين مستحيل تخلص فيها البكالريوس حتى لو درست أترام صيفية ..

    الموافقة على الدراسة راح تفيد العسكري اللي معاه البكالريوس ويحتاج يكمل ماجستير فقط .. أما اللي بيدرس بكالريوس مستحيل يخلصها في ثلاث سنوات إلا اذا كانت لغته ممتازة قبل يبدأ البعثة ويدخل الجامعة مباشرة ..

    والله يوفق الجميع
    7 "
  8. البكالوريس الي مقدم عليه ٣ سنوات فقط وجامعة موصي فيها من التعليم العالي ولامور تمام ؟

    وسنة لغة ..

    تصير اربع سنوات وحتي لوبقي علي ترم بامكاني اقدم اعتذار

    و ارجع واخذ اجازة خارجية شهرين واطوف عليها شهرين مافي اي مشكلة ؟

    لكن سالفة انهم مايدرسون هذي مشكلة ؟ انا الي اعرفة انه من شروط الحاق بالبعثة ( اجازة استثنائية ) ؟

    والي الان ماجبتوا لي كلام موثوق انا علي من شروط الحاق بالبعثة الموجود في موقع الملحقية ؟

    الا اذا تقولون ان موقع الملحقية ماعندة سالفة هذا شي ِثاني ؟

    سلام
    7 "
  9. المشاركة الأصلية كتبت بواسطة الشاكي8
    المرافق العسكري واللى طالع اجازة استثنائيه يدرس بس لغه مثلي انا بالضبط الأن بدرس لغه فقط

    بالنسبه للملحق انا ماعندي فكره عنه بس من اسمه ملحق يعني تلتزم بعملك ملحق تداوم في الملحقيه التابعه لعملك في الخارج

    وبالتوفيق للجميع والله يسهل امور العسكر بخصوص ايقاف الراتب وايقاف الخدمة لأنه ظلم في حق العسكري اللى يمثل امن الدوله واخر شي يطلع ولا يلقى الا لغه وباقي البعثة جالس
    وش جاب طاري الملحق ؟

    اقول شروط الملحقية في واشنطن بخصوص الحاق مرافق بالبعثة

    الله يعطيك العافيه
    7 "
  10. المشاركة الأصلية كتبت بواسطة abo.dla3
    وش جاب طاري الملحق ؟

    اقول شروط الملحقية في واشنطن بخصوص الحاق مرافق بالبعثة

    الله يعطيك العافيه


    لو ترجع للتعهدات اللي يوقعها المرافق لما يجي يسوي طلب إلحاق مرافق بعضوية البعثة ..

    تلاقي أول شرط

    01 لا أعمل في أي جهة حكومية ولست مبتعثا من أي جهة أخرى .

    أتوقع هذا الشرط يوضح لك هل يسمحون أو لا .
    7 "

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.