الله يحرم يدينة النار اللي عنده معلومه تفيدني بخصوص المرافق

وعليكم السلام ورحمة الله وبركاته

اولا يا اختي مو لازم يقدم زوجك فصل والافضل لا يقدم فصل لانه يحق لكل عسكري اجازة مرافقة للمبتعثة لمدة 4 سنوات يستطيع خلالها ان يدرس اللغه لمدة سنة على حساب الملحقية
انتي ابدائي اجراءاتك طبيعي وضعي اسم زوجك كمرافق وهذا لن يؤثر عليه بشئ
اذا صدر قرار قبولك ياخذه زوجك ويقدم طلب اجازة مرافقة لعمله ويسافر معاك
اذا استطاع ان يجتاز اللغة خلال سنة وحس انه لدية الرغبة لاكمال الماجستير هنا يقدم فصله من العمل ويدرس اول ترم على حسابة وينظم بعدها للبعثة (ممكن ينظم قبل على حسب البلد والملحقية)

بالتوفيق

هنا مربط الفرس يعني مايدؤسونه جامعه على حسابهم؟

انا ابيه يدرس لغه مع انه شاطر بس عشان التوفل وعلى طول ابيه يدرس الماستر مو و سالفه ومرمطه اذا من الاساس مابيعطونه يدرس عشانه موظف يفصل ويكمل الى الماستر

اذا اخذ اجازه استثنائيه وكان مرافق معك ... يقدر يكمل دراسته الجامعيه بعد الانتهاء من اللغه او الحصول على درجة التوفل .. وياتي بقبول من الجامعه ويقدر يفصل عن بعثتك ويكون بدل مايكون مرافق يكون مبتعث .. شرط تكون الفيزا F1 ....

البعض يقول فيه ناس حاول ينظمو وهم عسكر ورفضو .. صح اول قبل يطبق قرار الاجازه الاستثنائيه .. اول كان الحاق وعلى كذا من الصعب اخذ قبول من الملحقيه ... الان وبعد توقيف الراتب والخدمه وارتباطه بالملحقيه يحق له اكمال الدراسه الجامعيه بواسطة قرار الاجازه الاستثنايه ... طبعا القرار لحد الان ماكمل سنه من تاريخ اصداره ... لكن الان الملحقيه تعطيك مكافاءه وتامين طبي ودفع تكاليف الدراسه من اللغه ومثلك مثل المبتعث برضوا تعطيك اكمال الدراسه ... لكن فيه مشكله ثانيه وهي اذا عسكري وانتهت الاجازه الاستثنايه وهو لازال يدرس بالجامعه اتوقع لابد الفصل من العسكريه وكمال الدراسه او الدراسه عن بعد من السعوديه ... المشكله في دراسة البكالوريوس اربع سنوات اضافه الى اللغه تكون خمس سنوات وزياده .. اما الماستر عادي يقدر ينهي الدراسه بسنتين اضافه الى اللغه تكون ثلاث سنوات ...

هذا اللي اعرفه ..

السلام عليكم ورحمة الله وبركاته

أختي بالنسبة لكـ .. تقدمي بطلب البعثة والله يوفقكـ .. وسجلي إسم زوجك كمرافق ...

وفي حالة قبولكـ وصدور قرار إبتعاثك .. يأخذه زوجكـ ويقدم على طلب إجازة إستثنائية من عمله ..

ولما توصلون لبلد البعثة يبدأ يدرس لغة وإذا إجتاز مرحلة اللغة بنجاح وحب إنه يكمل ماجستير ..

وقتها له حل من اثنين ..

الأول يقدم على وحدته إنه يبغى يدرس ماجستير .. ووقتها تتوقف إجازته ويصير مبتعث من جهة عمله ..

الثاني إنه يقدم فصل ويدرس ويكمل ماجستير ويصير مبتعث مثلك .. بدون مايدرس على حسابه ..

لكن لما يكون مرافق لك ومعاه إجازة إستثنائية .. مايحق له يدرس إلا سنة اللغة فقط لا غير .. مايحق له يدرس في الجامعة إلا إذا بيدرس على حسابه ..

وأي إستفسار تحت أمرك

يعطيك العافيه اخوي رماد الحرف...... لكن انا اختلف معك بنقطة اكمال الدراسة الجامعيه يحق للمرافق اكمال الدراسه الجامعيه ولا لهد دخل في عمله اذا هو ماخذ اجازه استثنائيه انتهاء كل شي الان مرتبط بالملحق الثقافي ... كلامك ينطبق على اللي كان ملحق .. القرار مثل ماذكرت ماطبق الا من سنه اللي هو الاجازه الاستثنائيه .. ممكن تكون هناك طلب وممكن تجاوزه اللي هو طلب من العمل تعريف بكمال الدراسه لكن كيف يعطيك العمل وانت ليس على راس العمل ... عموما الاجازه تكفي وتكمل بها الدراسه ...

الله يجزاكم الجنه يارب طيب سؤال اخير الحين انا بقدم ماجستير حلو اذا الله راد واخذت الماستر اقدر اكمل دكتوراه من هناك على حساب الملحقيه او الملحقيه بتقولي ارجعي وقدمي من جديد .؟

تطلبين تمديد بعثة عادي اذا كان معدل حسب الشروط ( الشروط هذي تجدينها في موقع الملحقية في امريكا )

اهم شي المعدل .. وتقدمين قبل نهاية البعثة بستة اشهر .. على العموم راجعي موقع الملحقية الثقافية بيجاوب على استفساراتك بشكل اوضح وبالغة العربية