للاخ مجنونها

زوجي ملحق بدون صفة دبلوماسية وبدون مزايا مالية وينزل بالسعودية راتبه الاساسي فقط والملحقية رفضت صرف مكافأة مرافق له وكذلك قالوا لايحق له الدراسة ارجو الرد علي كيف اتصرف وهل هناك شخص من الدفاع الجوي فرد مر بنفس الحالة وكيف تم حلها

احمدوا ربكم وافقوا على الحاقه، الحين الالحاق موقف وغيركم يتمنون يطلعون لو بنص الراتب الاساسي، ومعروف ان الالحاق ما يحق للعسكري الا راتبه الاساسي فقط وما يدرس، يعني لما طلعتوا ما كنتوا تدرون بهذي الشروط؟

المرافق الملحق العسكري ماله من الملحقية الا تذاكر سفر وتامين طبي فقط

للاسف مايعطونه ضمان مالي ولا مكافاه

اخوي قل خيراً والا فاصمت
احنا الحمدلله حامدين الله وشاكرينه لكن ماكنا ندري عن هالشروط هو كان يبغى يطلع معي ومايوقف بطريقي جزاه الله خير لكن انت ماتدري عن ظروف الناس يوم تتفلسف الوضع بأمريكا غالي جداً وهو راتبه الاساسي كما تعرف للعسكر ضعيف مش الراتب العالي وفوق هذا كله يقتطع البنك منه مبلغ قرض عشان كذه انا اسأل تقريباً احنا عايشين باقتصاد وتوفير كثير يعني حارمين نفسنا من كل شيء وعندنا طفل مريض وعندنا طفل جاي بالطريق
الرجاء لك ومن اي شخص الرد دون الحكم والفلسفة الموضوع مو ناقص احنا مجرد نستفسر والرزق بيد الله

يا اختي انا فاهمه وضعكم وعارفه ان الراتب الاساسي ما يكفي حتى اجار السكن، لكن انا استغربت انكم طلعتوا من هنا بدون ما تعرفون هذا الشي، لو زوجك سأل في جهة عمله كانوا بلغوه انه ما يصرف له الا الراتب الاساسي وعلى هالاساس ترتبون اموركم من اختيار الولايه المناسبه وكذا، اسأل الله انه يفرجها عالجميع وترجع الاجازه الاستثنائيه وياخذ الموظف العسكري حقه مثل اي موظف بأي قطاع

الحمدلله على كل حال واعتذر لو اسأت انا اسفة جداً

اختي ماهي الاجراءات اللي اتبعها زوجك واخذ الحاق وهل هو من الافراد ام ضابط

زوجي فرد وليس ضابط والاجراءات سوى تحاليل وعطوه اوراق من عمله يعبيها واخذ صورة من جوازاتنا وقرار الابتعاث وقالوا له بتطول شوي الاجراءات ووقتها كان سفرنا حيل قريب باقي شهرين بس وحسبنا بتكمل بشهرين وبعدها اجلنا سفرنا شهر زيادة وبعدها اخذ اجازة خارجيه اعتيادية لمدة ٤٠ يوم وبعدها مددوا له شهر والقائد تبعه كثر الله خيره قال له خلك مع زوجتك وقرارك بالطريق وفعلاً بعد انتظار حوالي ٥ شهور واسبوع او اسبوعين طبعاً ٣ شهور من الانتظار واحنا بالسعودية ولما وصلنا امريكا تيسرت الامور وطلع قرار الالحاق بعد شهرين وشوي والحمدلله حمداً كثيراً طيباً مباركاً فيه