الأعضاء الإشتراك و التسجيل

الملتقيات
ADs

حوار افصل من وظيفتي واطلع ولا لا ؟

حوار افصل من وظيفتي واطلع ولا لا ؟


NOTICE

تنبيه: هذا الموضوع قديم. تم طرحه قبل 4758 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Joseph999
    Joseph999

    مبتعث مستجد Freshman Member

    Joseph999 الولايات المتحدة الأمريكية

    Joseph999 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Computer Engineering , بجامعة ..
    • ..
    • Computer Engineering
    • ذكر
    • .., Pennsylvania
    • السعودية
    • Mar 2011
    المزيدl

    March 20th, 2011, 01:36 AM

    السلام عليكم ورحمة الله وبراكاته

    اخواني انا رجال موظف في ارامكو وظيفتي مشغل

    ودي افصل وادرس برى مع العلم انو هذا كان حلمي من تخرجت من الثانويه لكن الله ما اراد

    انا كـ مشغل احس انوو هذا مب مكاني اقدر اني اسوي اكبر من كذا

    امنيتي اكون مهندس مب مشغل

    غير كذا انا رجال توي جديد ماصار لي الا كم شهر ، مدري هو اني متسرع بقراري ذا ولا انا غلطان ولا وش النظام

    لاني صراحه كاره تخصصي كـ مشغل

    اللي ابيه منكم نصيحه لي ، اترك وظيفتي واطلع برى ولا اربض مكاني

    مع اني ياشباب والله يومياً افكر بالابتعاث حتى يوم كنت ادرس بـ ارامكو

    لكن ضروفي ماكنت تسمح لي بالابتعاث

    بس هالحين شفت وضعي كيف وعلى قولتهم شفت الواقع

    اذا كنتم تنصحوني ابتعث برايكم اروح كندا ولا امريكا مع اني متخوف بعض الشي من امريكا او اروح المملكة المتحده

    مع العلم انو نسبتي بالثانويه علمي 82%
    والقدرات 72
    متخرج قبل 3 سنين وعليها من الثانويه


    وسلامتكم
    وصح لساني
  2. الله يوفقك
    خذ ورقه وقلم وسجل امكانياتك واحسبها صح
    رح مكتب قبولات وابحث عن معهد وولايه تتناسب مع ميزانيتك .
    وطالما انت طموح فانت تستطيع .

    وعشان اكون صادق معاك مافي احد يتفهم وضعك مثلك . ومافي احد في الوزارة ممكن يضمن لك بعثه المسئله هي بتوفيق الله ثم بجاهزيتك الماديه والنفسيه .
    اوصيك الاستخاره ومشاورة ذوي الخبره والدعاء
    7 "
  3. بصراحه تفكيرك سليم
    انك تطلع وتدرس وتكون مخطط لشي معين
    لان لو قعدت مشغل حتقعد طول عمرك مشغل ومافي اي تطور في مجال عملك
    انا معك في قرارك بس لاتتسرع وتفصل من الشركه وانت ماضمنت الابتعاث
    انت قدم اوراقك وسوي كل الى عليك
    واذا قبلوك الابتعاث وسنعت كل امورك
    رح للشركه قولهم تعطوني تفريغ ولا ومع السلامه
    7 "
  4. خالد البشري وشعوول

    يعطيكم الف عافيه

    بس انا جديد وتوي ماوقعت عقد معهم باقي لي شهرين بالضبط واوقع كـ موظف

    انا ودي ابتعث من زمان

    لكن لو طلعت ومعي 50 الف يمدي التحق ولا كيف

    والله مشتت ذهني

    بس اني مانيب راضي اني مشغل وابي اطلع

    يعني راكبه راسي الشغله

    الا اذا في احد من موظفين ارامكو عنده نصايح لي ياريت

    شكرا لكم

    وياليت احد يرد يالربع
    7 "
  5. اخوي من واقع تجربه حبيت نزل ردي لك
    انا موظف في شركة للي خمس سنوات خبرتي بالشركه
    والحين قررت بتشيجع من الاهل ربي يحفظهم والوالده بالاخص
    اني كمل دراستي البالكوريس الدبلوم ماويكل عيس
    خمس سنوات راتبي ماوصل 4000 ريال وش تسوي بالله
    قررت كمل دراستي وتعلم اللغه الانجليزيه
    مع العلم للغتي قويه وحلوه بحكم عملي بالشركه والتخاطب مع الاداره كلها الاجانب ستفد كثير بالخمس سنوات
    بس انا وظيفتي الامين صندوق عندي فلوس وحسابات ولافي اي تطوير وظيفي بالشركه عشان كذا قررت توكل على وجهز الاوراقي
    وبالفعل الاوراقي كلها جهزت وسفرتي بشهر 6 جون بعد شهرين من الان
    راح طلع درس على حسابي وان شاء الله نظم للبعثه وتمنى حقق الاحلامي وماروح ورجع على الفاضي
    نزلت ردي لاني حسيت بكلامك وربي يوفق الجميع يارب
    7 "
  6. المشاركة الأصلية كتبت بواسطة بونواف
    ماعتقد ان في احد طموحه مشغل وهي من اسوء وظائف ارامكو

    في ارامكو يسمون المشغلين ب (العمال) وانك تطلع قريد يبيلها اقل شي 7 سنين اذا كنت مجتهد

    بيني وبينك الشغله تبن .... تراني مشغل زيك كاره الشغله
    والله صادق

    انا محبط جدا جدا جدا

    ودي اسحب عليهم اليوم قبل بكره

    لكن انا ابي نصايح ياناس ابي احد يشجعني اكثر تراني متخوف وعندي ناس يقولون لي لاتطلع يحاسبوني اني مرتاح وفالها وجالس اخبص

    يعطيك الف عافيه اخوي
    7 "
  7. المشاركة الأصلية كتبت بواسطة شخصيه مستهدفه
    اخوي من واقع تجربه حبيت نزل ردي لك
    انا موظف في شركة للي خمس سنوات خبرتي بالشركه
    والحين قررت بتشيجع من الاهل ربي يحفظهم والوالده بالاخص
    اني كمل دراستي البالكوريس الدبلوم ماويكل عيس
    خمس سنوات راتبي ماوصل 4000 ريال وش تسوي بالله
    قررت كمل دراستي وتعلم اللغه الانجليزيه
    مع العلم للغتي قويه وحلوه بحكم عملي بالشركه والتخاطب مع الاداره كلها الاجانب ستفد كثير بالخمس سنوات
    بس انا وظيفتي الامين صندوق عندي فلوس وحسابات ولافي اي تطوير وظيفي بالشركه عشان كذا قررت توكل على وجهز الاوراقي
    وبالفعل الاوراقي كلها جهزت وسفرتي بشهر 6 جون بعد شهرين من الان
    راح طلع درس على حسابي وان شاء الله نظم للبعثه وتمنى حقق الاحلامي وماروح ورجع على الفاضي
    نزلت ردي لاني حسيت بكلامك وربي يوفق الجميع يارب
    الله يوفقك ياخوووي وعقبال ماترجع ومعك احلى شهاده يارب

    لكن احسبها صح

    انا تراي صغير وتوي ماوقعت عقد للان

    يعني ترى تفرق انا من وجهة نظري
    7 "
  8. ذكريات مشغل سابق ههههه
    انا كنت مشغل في سابك في الجبيل

    شوف يا صاحبي

    ميزة سابك وارمكو

    انت مشغل وانت عامل وانت ولا شي برة الشركه

    لكنك كل شي برة الشركه

    علاج احسسسسسن علاج

    سكن احسسسسسن سكن

    اولادك في احسسسسن مدراس طبعا مدارس الجبيل وينبع كانك في مدارس من المريخ لما تقارنها بالمدارس العاديه

    لكن انت في الشركه ولا شي وهذا شي سيئ

    لذا انا انصحك قبل لا توقع معاهم استخير واستشير اولا

    ثانيا لا توقع الا وانت مقتع لانه قدام لما تبي ترجع راح يسالوك هل فلت من عندنا قبل كذا والاسباب

    ثالثا انا اقترح عليك ما اقترحه على نفسي روح جامعه ترسل عليها ارامكو سواء في كندا او امريكا

    وخش لغه اونضم للبعثه وبعد ما تخش الجامعه حول على ارامكو وارجع مهندس هذي الحركه تضمن لك مكان بس فين المكان ما ندري في شيبه ولا في حرض ولا فين هذا عيب البعثه حقت ارامكو فقط لا غير

    والضم ترا سهل من امريكا ارامكو تشيل بالهبل بس اهم شي الجامعه تكون معتمده والتخصص يكون معتمد وخلاص

    سالفه ٥٠ تكفيك ولا لا هذي في علم الغيب لانه انت وحظك ممكن تنظم في يوم ممكن في شهر ممكن في سنه

    انا اعرف واحد من اصحابي انضم وهو في الطريق في الطيارة جاه الضم سبحان الله

    طلع من هنا واستقال وقال رايح على حسابي
    وهو في الطيارة ينزل قرار ملكي بضم جميع الدارسين على حسابهم الخاص وراح اول ما نزل كمل اوراقه وفتح ملفه وانضم فهي ارزاق

    بس دامك صغير انصحك بان تدرسها اول شي ولا تحسب البعثه فله ترا غربه ودراسه وضغوطات كثير واذا انت حاسس انك قدها ان شاء الله اطلع بس اهم شي كل شي مدروس وله خطط رجعه او خطط بديله وهكذا

    ابا اروح هذي الجامعه لو ما قبلتني خلاص لحول هذي الجامعه

    ابغا اقدم ضم على الملحقيه طولت الحكايه اسوي كذا ما طولت اسوي كذا يعني خلي مخك مخ مهندسين كل شي له بدايل وكل شي محسوب

    ترا في جامعات في امريكا ارخص من جامعات السعوديه بكثييييييير اقصد الي بيخش خاص هنا يروح هناك اصرف له واحد من اصحابي كان يدرس اخوه السنه في السي بي ايه ب ٦٠ الف ريال

    ارسله امريكا حق الجامعه ٤٠ الف ريال شوف الفرق حق سنه كامله في جامعه حكوميه

    هناك فرق يا صاحبي واستخير بس انا اشوف ان الوقت شويه ما بيساعدك

    باقي لك شهرين على التوقيع وتحتاج تختار بلد وتحتاج تزبط امور الفيزا ويحتاج لك قبول ويحتاج لك معهد

    الهدف من حكايه تحتاج وتحتاج مو تحبيط لا ابدا بس لا تتسرع وتندم بعدين ياليتني ما اخترت هذي البلد يا ليتني ما اخترت هذا المعهد لا تتسرررع تانى التاني مطلوب جدااااااا زي ما قلت لك خلك في المضمون المدروس

    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.