LinkBack URL
About LinkBacks
حياك الله اخوي،،
بداية تقرير اكثر من رائعة وبإنتظار التفاصيل الاخرى والصور ان امكن،،،
أطيب الامنيات،،،
محمد...
7 " بداية تقرير اكثر من رائعة وبإنتظار التفاصيل الاخرى والصور ان امكن،،،
أطيب الامنيات،،،
محمد...
تفاصيل رحلتي الدراسيه في مدينة اوكلاند 2009-2010
تفاصيل رحلتي الدراسيه في مدينة اوكلاند 2009-2010
تنبيه: هذا الموضوع قديم. تم طرحه قبل 5231 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- السلام عليكم7 "
جميل جدا والله يوفقك ... ورحله موفقه ماشاء الله عليك
مع انني رحلتي في 31 ديسمبر لكن لـ كرايست شيرش وليست اوكلاند عموما اتمنى لك التوفيق
وانا مشكلتي الغة ضعيفه واعتبر ذهابي لنيوزلاند كـ مبتداء انا لدي بعض الكلمات وحافظ بعض الكلمات ولكن لست متقن الغه بشكل كبيره
وان شاء الله نتظر بقية نصايحك
- بالتوفيق اخوي و رحله موفقه بإذن الله اخ كم اعشق نيوزيلاندا ادع لي اني ارجع لها ورببببببي مشتاق لها خصوصا روتروا7 "
بانتظار تقريرك وشكرا - الحمد لله على السلامه7 "
كيف وضع الخطوط الماليزية؟كم ساعه الرحله؟وكم السعر ومده التذكره
كيف الاجواء باوكلاند الان؟
كيف التجربة الاولية في المعهد
انا ان شاء الله ناوي اجى لاوكلاند بعد شهر . - 7 "مرحبا بالجميع
اليوم الاجواء رائعه في النورث شور. علشان كذا قلت نحلي شوي ونكتب كم معلومه على امل ان يستفيد منها البعض
* الخطوط الماليزيه:
اخذت التذاكر من مكتب الطيار فرع التخصصي وكانت سعر التذكره ٤٦٠٠ ريال. التذكره ذهاب وعوده ومدتها سنه كامله. خط سير الرحله كان جاكرتا ــــــ كوالالمبور ــــــــ اوكلاند
مزيتها انا الترانزيت في كوالالمبور مدته قرابة الساعتين فقط. يعني ما يمديك تدخل المطار وتتفرج عليه وتاخذلك وجبه وتجلس تفنجل او تقهوى الا ومعلنين الصعوط على الرحله المتجهه لاوكلاند. ما لقاها الا اهل الغربيه حقيقه.
* مطار اوكلاند:
خليك رايق ولا تعطي هم لاحد وانبسط واذا حاب تاخذلك كم غرض من المحال قبل ما تمسك سرا على كونتر الجوازات يعني خذ راحتك واعتبر انك جاي سائح الحكي هذا مهم للي جاي سائح وراح يعمل فيزه دراسيه من داخل نيوزيلندا. وعند كونتر الجوازات سولف معاه وابتسم وقله ياخي شكلك مثل الكيوي بس على بياض ههههههه. واهم شي انك تذكر في كرت الدخول جميع المعلومات وتكون صحيحه فقط. اسهل من كذا ما فيه
* السكن:
الافضل تكون عند احدى الاسر النيوزيلنديه وهذا اهم شرط حقيقه على اساس تتعلم اللغه وتقعد تتخاطب معاهم طوال الوقت ومنها تتعرف من خلالهم على البلد صح وتروح وتجي معاهم وقد تحتاج لهم في امور كثيره او يعطوك اجابه على اية استفسار ممكن يخطر في بالك. وحاول انك ما تكثر عليهم الشروط يعني على سبيل المثال اذا عندك ١٠ شروط حاول تشوف الشروط الي مالها داعي او تعجيزيه او تكون ثقيله عليهم بحكم عاداتهم وتقاليدهم وتكتفي مثلا بوضع ٣ او ٤ شروط ترا انها الاهم في وجهة نظرك والباقي قد ياتي مع الوقت. والغالب فيهم انهم متعاونين ومتفهمين وايضا متحضرين في معاملتهم.
* المعهد:
معهد فيدرال موقعه رائع ويسهل على الجميع الوصول اليه من عدة اتجاهات في اوكلاند خاصه وان موقعه على شارع الكوين نفسه من جهة البحر. طبعا ما راح يكون بجودة معاهد الجامعات او الكليات الكبيره. لكن يعتبر خيار مناسب جدا للي لغته ضعيفه والاساتذه جيدين ومتمكنين من ايصال المعلومه بالشكل المطلوب. كما انا مدير المعهد السيد بيتر انسان صاحب خلق رفيع ويهتم بالطلاب جميعهم بلا استثناء ورجل عملي وتستطيع انك تحكي معاه في اي وقت في حال حصل لك اي مشكله لا قدر الله. العيب الوحيد من وجهة نظري الي هوا منهجم في المحادثه يحتاج الى بعض التطوير فقط. اسعارهم للفل تايم ٢٩٠ دولار في الاسبوع يعتبر سعر متوسط ومناسب للكثير.
ـ تنويه بالنسبه للصور
راح تكون بعد كم اسبوع من الان وشكرا
الدروس والمواقف وما انطباعاتي عن الشعب النيوزيلندي وتفاصيل اكثر من رائعه
في الجزء القادم
- 7 "3Ms
اهلين محمد
ابشر راح اذكر جميع التفاصيل وخليك على محطه مبتعث ولا تغير الموجه
الصور في الطريق ما راح نطول ان شاء الله
تحياتي
----------
"عبدالعزيز"
هلا ابو سعود وحيالله اهل كرايست شيرج
التفاصيل جايه في الطريق ولا تشيل هم من ناحيه اللغه الجميع هنا ماشيه امورهم والشعب متعاون بشكل ما تتصور
تحياتي
----------
عاشق روتروا
مراحب والله باهل العشق والمغنى
وما تلام وانت بعيد عن معشوقتك ولكن اتمنى لك عوده لروتروا وتقضي بها اجمل وامتع اللحضات
تحياتي
----------
الهاوس
هلا ومرحبا
الخطوط الماليزيه جدا رائعه ومريحه وطائراتهم حديش وطاقمهم ولا اروع.
من كوالالمبور الى اوكلاند تقريبا ٩ ساعات وشوي.
نعتبر الان في فصل الصيف والاجواء متقلبه وعاده في الصباح الباكر يكون الجو بااارد وبرضو في العصر يعني خلي دائما معاك الجاكيت اذا حسيت بالبرد البسه واذا حر افصخه وهاكذا.
تجربتي في المعهد جدا رائعه وممتعه على الاخر والاجواء مهيئه للدراسه من اول يوم التحقت معاهم في الكلاس
وما نقصنا الا شوفتك يا قمر
تحياتي
- اخوي... ماشاء الله عليك الله يوفقك7 "
بس انا بصراحه جالس ارتب كلام بس مو عارف .. مو عن اني خايف انا مو خايف بس لغتي الانجليزيه باد!!
عندي فقط كلام مطاعم ومفردات بسيطه وحبيت اني احفظ جمل علشان اقولها لهم اذا سألوني ليش جاي نيوزلاند..!؟
فهل لديك اجوبه مثلا او فقط اقولهم سياحه ودراسه؟
ومن ناحية كرت الدخول لازم اكتب كل شي بالانجليزي؟
- الله يوفقك ان شاء الله وجزاك الله خير7 "
- بدايـه موفقـه ياغـااالي استمـر منتظرك على أحر من الجمــر7 "
لان راح اكون متواجد عندكم قريبـاا ان شاء الرحمن .
December 21st, 2009, 07:06 AM
اسعد الله اوقاتكم بكل خير
اشكر هذا المنتدى على الكم الهائل من المعلومات الي استفدت منها حقيقه
واخص بالشكر مشرفنا القدير الماسي والعضو نيوزلندي الاصل وباقي الاعضاء الكرام
كانت الرحلة على الخطوط الماليزيه وصراحة طائراتهم وخدماتهم جدا رائعة ومتعاونين جدا. لدرجه اني طلبت حليب لبنتي وراحت المضيفه وجابتلي كيسة كاملة ومعاها كم علبه مثل المربى لكن مخصوصه للاطفال
صراحه تفاجئت لما وجدت العلب وبودرة الحليب في الفوود تاون وباسعار مرتفعه جدا يعني معطيني
الاغراض هذي كلها مجانا.
اول ما وصلنا مطار اوكلاند اتجهة مباشره الى كونتر الجوازات وسلمته جميع الاوراق وسالني انت جاي انها اجازه فقلت نعم وسالني كم راح تجلس في نيوزيلندا قلت مكتوب عندك في الكرت..قال اوووه يب يب
قالي بالنسبه لحجز العوده في التذكره مبين بعد ٣ شهور وانت كاتب انك بتجلس ١٤ يوم. قلت بالنسبه للعوده راح اعدل الحجز ولا تشيل هم يا حلووو ترى كلها حلم ليل. قال حقا كككككككككككك...وختم لنا وقال اتمنى لك اجازه سعيده. بالنسبه لتفتيش الحقائب محد جاب لنا طاري الا ابتسامه جميله من وجهن محياه جميل هههههههه
بعدها اتجهة للستي وسكنت كم ليله في البيست ويسترن على شارع فيكتوريا. وبعدها انتقلت الى اجمل مدن العالم وكانت مدينتي تاكابونا في النورث شور وسكنت عند عجوز كيويه جدا طيبه وجدا رائعه ومنزلها عباره عن غرفتين نوم وصاله ومطبخ متكامل وحديقه رائعه نقضي بها امتع اللحظات. يعيب المنزل حقيقه عدم وجود تكييف حيث انا الجو في المنزل بااارد.
فيما يخص الدراسه كان قبولي على معهد يونيتك لكن شاءت الاقدار انا الالتحاق في كورس اللغه راح يكون في شهر اثنين من عام ٢٠١٠
بعدها اتجهت الى معهد فيدرال الواقع في بداية الكوين ستريت وسجلت عندهم وكان حقيقه معهد رائع والاساتذه جدا متعاونين ويعتمدون على التمارين باستمرار وحفظ الكلمات ولكن يجب على الطالب انه يشد حيله ويسالهم ويناقش معهم ويستفسر عن اي نقطه ماهي واضحه وميزة المعهد لا يوجد به الا سوى ثلاث طلاب سعوديين والباقي منوعين من جنسيات اخرى. حتى انهم قاموا باعاده هيكله الفصول الدراسيه اقصد من ناحيه الطلاب الصينيين لحرصهم على ان يتحدث الجميع اللغه الانجليزيه. وهنا رابط المعهد
http://www.fis.ac.nz/
اي استفسار يخص المعهد او اي شخص يبغي يسجل فيه فقط يكتب لي الي يبغيه وانا حااضر للجميع. فقط احتاج لدعوه ليس في الموضوع او المنتدى انما عن ظهر غيب فقط هذا وحده يكفي
بالنسبه الي جاي ومعاه عائلته وحاب يسكن في النورث شور. انا مستعد اني اخذه واعرفه بالمنطقه ونروح مع بعض لمكاتب وشركات العقار ونشوف له المنزل المناسب وبرضو اعلمه كيف يستخدم الباصات او الفيري من منطقة النورث شور الى الستي والعكس.
الدروس والمواقف وما انطباعاتي عن الشعب النيوزيلندي وتفاصيل اكثر من رائعه
في الجزء القادم