طلب مساعدة ضروري الله يرضى عليكم يا اخوان
انا جاي نيوزيلاندا خلال اسبوعين وش رايكم بهالمعاهد وش تنصحوني فيه رجاء لاتبخلو على اخوكم ترى ضروري اسمع رايكم والله يجزاكم عني كل خير
معهد ويلنغتون لتعليم اللغة nzle
او معهد acg
او معهد ويكاتوا wie
او معهد fern school of english
وفيه معهد اسمه مدرسة اللغة الانجليزية في وسط اوكلاند
كثيرة المعاهد صح بس والله اني اتمنى تساعدوني مع مراعاة جودة التعليم والسعر ( يعني كل ما كان ارخص شوي مع تعليم كويس يكون افضل اخوكم جاي على حسابه وعلى قد حاله :( والله اني لن انساكم من الدعاءءءءءءءءءءءءء وشششششششششششششششششكرا مقدما
رد: طلب مساعدة ضروري الله يرضى عليكم يا اخوان
السلام عليكم
اخي الكريم
الله يوفقك وويسر امورك وتصل بالسلامة
واي خدمة احنا حاضرين
اذا جاي هاملتون
.........
بالنسبة للمعاهد والله صحيح كثيرة
لكن من وجهة نظري لو اخترت المعهد الممتاز افضل وان قصرت المدة عشان يكفيك المصروف
وافضل شي انك تتجه للمعاهد التابعة للجامعات بغض النظر اين توجد
لانها غالبا عندها برنامج ممتاز وعد له ورتب
وتحس انك في دراسة حقيقية
اما المعاهد الخارجية فقط سبيكنق وغيرها ما فيه !!
بالمناسبة احد الشباب سالني قبل شهر وقلت له هذا الكلام لكنه مرتب مع معهد من السعودية
والله بعد شهر الان يفكر يغير المعهد تفكير جااد
عموما
اذا هاملتون السكن مع عائلة تقريبا 210 دولار اسبوعيا
والحياة فيها هادئة ومناسبة
وتكلفة المعهد لمدة فصل كامل تقريبا 4000 دولار ثلاثة اشهر
لا تنس الاستخارة يالغالي
واي خدمة انا في الخدمة
هذا حسب خبرتي
اذا فيه جديد او تعارض راح يفيدونك الشباب
رد: طلب مساعدة ضروري الله يرضى عليكم يا اخوان
اخوي اولا الله يجزاك كل خير انك شرفتني ورديت علي
ثانيا بناء على نصيحتك اخي الكريم خشيت ولقيت هالموقع ما ادري هو الي تقصده ياغالي
http://www.waikato.ac.nz/pathways/pr...sfees.shtml#ge
ثالثا انا ابي ادرس من المستوى الاول ولمدة ستة شهور كم تتوقع التكلفة علي رسوم معهد وسكن وبسالك هل يحتاج فيزا والا اجي المطار وخلاص ولك مني كل الشكر والله يوفقك وسامحني بتعبك معاي
رد: طلب مساعدة ضروري الله يرضى عليكم يا اخوان
والله اخوي انا انصحك بـ ACG بس مشكلته غالي تقريبا بالاسبوع 360 دولآ آو أكثر شوي
بس معهد اكاديمي ومعترف به ~
وبالنسبه للفيزا تعال بفيزة ( سائح ) ولادخلت المعهد كلم الاداره يغيرونها لفيزة طآلب ~
واتمنى اني افدتك ..
واي شي لايردك الا الخاص
رد: طلب مساعدة ضروري الله يرضى عليكم يا اخوان
شكرا لمرورك الكريم اخي الفاضل مبتعث باذن الله بس معهد acg مره غالي الاسبوع 420 دولار وانا بستخير وربك ييسرها وانا اخوك ، بس عالفيزة يعني مايحتاج اخذ اي موافقة قبل اجي ، اخذ التذاكر واطلع على طول واذا وصلت المطار اقولهم سياحه والا ابي ادرس لغة ،
رد: طلب مساعدة ضروري الله يرضى عليكم يا اخوان
وعلى سالفة الخاص ترى يقولي ماتقدر ترسل الا اذا وصلت مشاركاتك 26 مره يعني بشد حيلي هنا وربكم يفرجها
المهم فيه معهد اسمه auckland edinburgh college تنصحوني فيه تكفون ترى هذا اخر شئ بعد الدوخه والبحث اسبوع مواصل والمراسلة
رد: طلب مساعدة ضروري الله يرضى عليكم يا اخوان
اقتباس:
المشاركة الأصلية كتبت بواسطة m3and
وعلى سالفة الخاص ترى يقولي ماتقدر ترسل الا اذا وصلت مشاركاتك 26 مره يعني بشد حيلي هنا وربكم يفرجها
المهم فيه معهد اسمه auckland edinburgh college تنصحوني فيه تكفون ترى هذا اخر شئ بعد الدوخه والبحث اسبوع مواصل والمراسلة
السلام عليكم
حقيقه المعهد ما اقدر اقول لك ممتاز او لا لكن ما اعرفه ان المعهد مو في نفس اوكلاند لكن في مدينه قريبه حدود 25 كيلو عن اوكلاند في مدينة اسمها موناكو طبعا يصعب السكن في اوكلاند ولكن تجد عائلات قريبه من المنطقه نفسها.بمعني اخر اذا تبي تزور اوكلاند فبالباص في حدود ساعه تقريبا
حقيقة ما يمزة السعر مازال محافظ علي سعره رغم الارتفاعات في المعاهد الثانيه
بحيث ان الاسبوع ب: 340
والعائلة :220
وعموما هالمعهد معروف باسم aec
بالتوفق ان شاء الله
-
رد: طلب مساعدة ضروري الله يرضى عليكم يا اخوان
اخوي ماتقدر تحكم على المعهد الا اذا جربته ~
لاكن انت توكل على الله وتعال وشف المعاهد بنفسك ..
رد: طلب مساعدة ضروري الله يرضى عليكم يا اخوان
الله يجزاكم خير وشكرا لتعاونكم ياشباب واشوفكم بنيوزيلاندا على خير
رد: طلب مساعدة ضروري الله يرضى عليكم يا اخوان