الى خبراء نيوزلندا

السلام عليكم

اولا :اي مدينة تبي تدرس فيها .

ثانيا : بالنسبى للعوائل في اوكلاند صراحة الوضع متأزم جدا فبيكون فيه شويه تعب حتى علي الايجنت اللي بيجيب لك العائله

ثالثا: بالنسبه للمعهدين المذكوره هي في اوكلاند :
ACG : كل الطلاب السعوديين الملحقين علي المكرمة قبولاتهم علي هذا المعهد يعني ما انصحك فيه .
ELA : جاي هالشهر 30 سعودي لهالمعهد تحديدا هذا العدد اللي متاكد منه .

اخوي alone
طيب تنصح بمعهد ela ؟؟ واذا كنت ماتنصح فيه ياليت تقولي وش البدائل المتوفره؟؟ علما بانني ارغب بالدراسه بشهر اكتوبر المقبل
وبالنسبه لشقق empire وش رايك فيها ؟؟
وشاكر لك جهودك ونصائحك

الاخ سعودي

انت قبولك علي ELA والسكن جايك في الامبير .

أعتقد انك من الثلاثين طالب لانه جاني الخبر من الامبير ومن نفس المعهد .

عموما عزيزي العدد الجاي كبير وعموما المعاهد المشهوره راح يكون فيها نفس العدد . ولا اعرف حقيقه ما مدى الاستفادة في حال وجود اعداد كبيره .

واحب اقول للاخوان اللي جاين فقط للدراسة ولا يفكرون في الانظام في البعثه مبدئيا أن اوكلاند فيها اكثر من 30 معد لماذا يكون التكدس في 6 معاهد فقط انا لا اعلم .

عموما اذا كنت يا سعودي دفعت المبلغ فالله المستعان وان لم تدفع فامل منك اعادة النظر فاوكلاند فيها معاهد كثير .

بالنسبة للامبير : فهو سكن طلابي كاي سكن طلابي فيه الشين اكثر من الزين ولكن عموما انا بالنسبه لي اعتقد انه جيد اذا كان الانسان يستطيع معرفة ماله وما عليه اما اذا كان مثل ربعنا اللي اول مره يسافر بالخارج فانصحة ان يبحث عن عائله مضيفه احسن له .
لانه علي ما اعتقد اسعار الاسبوع فيه من 220 الي 240 دولار
بالاضافه الي انه فيه مترتبات ثانيه بالانسة لانه كل الوجبات راح تكون عليك + الغسيل راح يكون عليك .
بالاضافه الي دفع تأمين السكن 400 دولار مسترد
اتمنى لك التوفيق واتمنى اني وضحت الصوره

لاهنت اخوي alone على الجواب الكافي والشافي
ولكن بالنسبه لي صرفت النظر عن معهد ela وعن اوكلاند
وبدأت بالبحث عن معاهد كرايستشيرش
فهل لديك معلومات عن معاهدها وخاصتن معهد ccel
علما ً بانني ارغب بالدرسه لمدة ثلاث شهور وراغب بالسكن بسكن الطلاب
صراحه وضع الهوم ستي مايعجبني
فياليت تقولي رائك وانطباعك وشاكر لك على جهودك الطيبه