ايش قصة الملحقيه مع الطلاب!! قرارات فى يوم وليله

الحق عمرك وكلم الملحق واشرح له ظروفك

والله ييسر امرك

الحقيقه كلام المشرف الاول هو المتعارف عليه :

بعد سنه وست شهور من دراسة اللغه يتم ايقاف الصرف الدراسي ويستمر الصرف الشخصي (يعني الراتب مايوقف ٦ شهور) بعد ماتكمل ال٦ شهور هذي يتم ايقاف الصرف نهائيا.

انا اعتقد انها حركة من الملحقيه راجع الملحق وتأكد واستغل اللقاء معاه يوم الجمعه



موعد اللقاء
يوم الجمعة الموافق : 09/07/2010

وقت اللقاء :
من الساعة الخامسة والنصف حتى الساعة السابعة والنصف مساءاً

مكان اللقاء:
جامعة A.U.T قاعة WE230


بالتوفيق

الله يجزاكم بالخير..المشكله الحجز يوم الجمعه غالى جدا..والمشكله كمان نزلو مكافأتى ناقصه 900$

بطلع يوم الثلاثاء وان شالله ربنا يفرجها..

مشكورين على الردود

ملحقية حتى الآن فاشلة بمعنى الكلمة وتندمنا على وجودها لأن أمورنا كانت ماشية زي العسل مع ملحقية استراليا

هذولي لا نظام ولا تعامل وتأخير بالمعاملات بالأسابيع , ولا شفت ولا واحد يمدح تعامل المشرفين حتى الآن , هذا غير أنهم لا يردون على ايميلات ولا على تلفونات , يعني حتى السنترال الي وظيفته يرد على المكالمات ما تقدر تصيده !

والله مشكلة , أنا طلبت تغيير تخصص والمعاملة أخذت 4 أسابيع من مماطلة المشرف وكل أسبوع يقول جب لي ورقة غير , وفي الاخير رفضها طال عمره لأن الماستر 3 سنوات و مدة البعثة سنتين , طيب أنا وش ذنبي اذا كانت الوزارة عارفه ان الماستر في نيوزلندا 3 سنوات ويعطون الطالب بعثة مدتها سنتين ؟

وكلمت الملحق وقالي حول , جب لك قبول وحاول تحول من هالدولة لان المده طويلة ! المشكلة بأن الملحقية المفروض يكونون فاهمين طلاب الماجستير في هالدولة ويكون لهم تعامل خاص يختلف عن طلاب الماجستير في أي دولة أخرى نظراً لشروطها ومدتها وتعقيداتها ,

ومصيبة ثانية حتى طلاب اللغة في الجامعة رافضين يدفعون لهم كامل مبلغ البرنامج الاكاديمي , بيدفعون بعضه والباقي على الطالب , والقادم مذهل أكثر

والله ملحقية فاااااشلة انا طالب اقووولهم ان ادرررس ع حساااب الوالدة ابوي ميت ما عندي الا هالورث اصررف منه وجاي قبل القرار وعندي فيزا طالب وكل شي مظبوط وقبل اسبوع رااايح لهم اوكلاند ومعطيهم خطاب انتظام الدراسة الحاليه مسلمها بيد الموظف حسن
والله يا عياال ما اقوول الا الصدق وربي يشهد على كلامي طبعا خويي معطيني جوازه عشان اعطيه حسن الدوسري لان قاله لازم تجييب الجواز عشاااان نتاكد منه المهم
قالي انت وخويك جايين بعد القرار قاطعته انا وقلت هذي جوازاتنا باقي ما اعطيته الجواز ااشرر بيدي ع جيبي ويقووولي خلاص خلاص اشرحها من الاردني نسيت اسمه مدري مين
المهم رحت للاردني شرحتها منه ووقع عليها وقالي انا بعطيها حسن المهم غير كذا ياخي وش هالموضف الي يتكلم من رااااس خشمه والله اشتغل ببداله بنص الراتب الي يستلمه والله اخلي الطلاب يفلووون امها والله ما ابقي طالب الا اضمه لان مو دافع من فلوووس ولا من جيبي شي كله من حق ابو متعب الله يطول لنا بعمره
المهم طلعت من الملحقية ابشر الوالدة وبعده رحت على المطار ورجعت لمدينتي الي ادرس فيها
بعد يومين اشيك على الموقع القى اسمي في النواقص ورقة خطاب الانتظام بالدراااسة انا المشكله معطيها حسن يد بيد
ومن قالت الادب والله ما قالي انشالله حساعدك وانشالله ربي يكتب الي فيه الخير لا قالي خلاص وش عندك ثاني قالت بس قالي يلا توكل على الله
ساعتها حسييييييت اني ملعوووب علي وان الاردني احسسسن من السعودي في الملحقية بالف مرره والله المصري والاردني جالس اسولف واضحك معهم تحت وكني اعرفهم من زماان واول مره اشوفهم ويوم نزل ؟؟؟ مسوووي رسمي وكل شي كوم وبدله رسمية وجزمة ريااضية كوم ثاني المهم ماعلينا
انا بصرااحه مو جاي اتشمت او اقلل ادبي بس بصرااااحة الحق ينقااااال يا اخوان احنا بغربة ليش يوم تدق على اي موظف ما يرد من اول مكالمه او ترسل الايميل عشرين مره ويجيك رد باااايخ على طاري الرد البايخ والله يا شباب كنت مروق في المدرسة وجلس اضحك ومبسووط على الاخر فجأة تلقفت ورحت للكمبيوتر وفتحت ايميلي ولقيت رساله من ؟؟؟ طبعا بعد عشرين الف رساله رد
طيب انا الحين بنسخ لكم الرساله :

طبعا واللة يا شباب بكيت بعدها قلت لو عندي واسطة في الملحقية او اعرف واحد لاقبل بس حساااااافة
لان كل هالاوراق انا مورية ومعطية بنفسي والله على ما اقووله شهييد
المهم نروح موضوع ثاني موضوع السوادنه الي بالملحقية والله انا مستعد اكون بدل الي بالاستقبال واعطوني كل التليفونات ومتسعد ارد عليهم كلهم واحد واحد واظبط شغلهم تصدقوون يوم خشيت الملحقية ما حسيت اني بملحقية سعودية والله احسها عااادي وجايبين بواب كيوي عاااادي اشتغل انا البواب بس اهم شي امثل بلد سعودي والبس ثوب واستقبل الضيوف وقهوه وشاهي <<عشان احس الميتين الي دفعتها على الرحلة لاوكلاند شربتني قهوه اي شي سعودي
المهم ادري طولت عليك بس والله يا شباب في اخطااااء في الملحقية حاولت اكتمها بس طفح الحيل مني

طبعا الي عنده فكره كيف ختم الدخول للسياحة وليس للدراسة ؟؟؟
انا واحد يدرس معي الله يوفقه يا رب توه له ثلاث اشهر وانظم للمكرمة <<بالواسطة
وختم دخولة ختم سااايح بس ما ادري ليش حتى بنيولندا نظاام الوااسطااات ما بطلووووه
على العموم كل الكلام الي كتبته يعتبر وجهت نظري انا
واختلاف وجهات النظر لا يسبب للود قضية

اخوي دحوم ,, مادام امورك سليمه محد يقدر يوقف في وجهك لا اردني ولا حتى الملحق بنفسه

روح وادخل ع الملحق واشرحله الوضع بالكامل

حتى لو جلست كم يوم في اوكلاند لين تخلص امورك ,, ! والله يوفقك ان شاءالله

الله يعينكم .... الشغل واسطات والمكافئات واسطات .......... وبعيدين انا ابي اعرف هم ليه يضيعوا الاوراق الظاهر الاخوان شغالين بنظام الجاهليه ما فيه ارشفه ؟؟؟؟

عموما الله يعينكم وانصحكم اشغلوهم تمشي اموركم تتهاودون والله ما تشوفون القرار لانه ببساطه الشيخ يقول كلام وينساه والبقيه السعوديين الواحد ما يكلمك الا من راس خشمه كانه السفير والا تحصلهم في البقاله يجلسون فيها ساعه اما الجنسات الاخري فبعضهم بالاصل ماله علاقه بشي اسمة تعليم ...

خلاصة الكلام الشق اكبر من الرقعه وانصحكم تجلسون لهم في الملحقيه

واحد عسل صرااحة اسمك خوقاااق وعاجبني *_^
ثاني شي يسلمووو على مرورك وبصمااتك المميزة الي مثل اسمك
ثالث شي الله يكتب اللي فيه لخير ويوفق كل مسلم يقول لا اله الا الله