استفسار اسئلة بخصوص الافياش, الاكل, السكن, الشحن ..

الله يحييكي في نيوزلندا ويكتب لك في كل خطوة سلامة
الافياش تختلف شكلها عن اللي في السعودية
لكن لا تشيلي همها بالمرة ابدا لان بتحصليني افياش للتحويل من الافياش العادية للافياش هنا في نيوزلندا
وراح تحصلينها في كل مكان المطار البقالات الصيدليات... الخ



بالنسبة لموية المرحاض اكرمكم الله نستخدم علب المويا العادية تكون دائما في الحمام ونعبيها مويا من مغسلة الحمام ونغسل
بعض الشباب اللي مطولين هنا وساكنين في بيوت يغيرونها ويحطوا شطاف لكن اذا في شقة صعبة شوي
بالنسبة للسكن في كرايست شيرش ما عرف شي عنه انا زرت المدينة في جولة لي للجزيرة الجنوبية فقط وما جلست اكثر من يومين فاسف ما اقدر افيدك بشي

بالنسبة للطعام هنا في اوكلاند فيه معظم الاشياء اللي في السعودية مثلا انا كل يوم اشرب بيرة هولستن تفاح ومتوفؤة في بعض البقالات وبالنسبة لصلصة الطماطم والقشطة والجبن السايل والكرافت والكيري والطحين الجيد كلها متوفرة بس ما ادري عن الطحين لان لا ناقة لي فيها ولا جمل

بالنسبة لمكائن الحلاقة افضل شي تجيبي من السعودية وتاكدي انها اصليه ولوكانت غاليه شوي لانها لك وللعمر لان ما تحصليها بسهولة اقصد النوع الاصلي طبعا راح تحصلي تقليد بالهبل

بالنسبة للشحن انا ما قدر جربت الطيار بس انا شحنت من مكتب ثاني وقالوا نوصلها للمطار وانا رحت واخذتها من المطار
بس لازم تتاكدين وتكتبين كل شي موجود فيها لانهم يسالونك وش فيها ومن رتبها ومن شحنها من السعودية
ياخذون تاكس (ضريبة ) بسيطة لكن اذا سالوك عن قيمة الاغراض قولي رخيصة مرة عشان يقللوا التاكس
انا غلطت وقلت لهم 700 دولار واخذوا تاكس تقريبا 150 وبالنسبة للاغراض الشخصية كالملابس والجزم اكرمكم الله ما عليها تاكس

اذا فيه شي مو واضح بالله اسالي
اللي في راسك حطيه هنا

الله يوفقك يارب ويسعدك من جد شكراااااا ,, والله فرجت لي عن جد اجاباتك باخلااااص الله يعطيك العافية ويسخر لك يارب ..
انا والله شااااايله هم السفر احس اني بروح لمقطعة كل شي ابي اخذه معي >> مبتدئة

ههههههه نفس الشي حصل معاي
لدرجة ان امي حاطه لي مناديل في الشنطة

وبالتوفيق ان شاء الله

أخــوي مطلع الشمس
بالله عاد,,,لو الله ثم أمّهاتنا وش نسوي
حتى وحنا في نيوزيلاندا يسألننا وش تغديت وش تعشيت ومتى نمت البارح..ومرتاح أو لا
ما قول غير الله يخليهن لنا ويرزقنا شوفتهن

مرحبا..

توصلين بالسلامه ..

كل شي متوفر .. والامور سهله ..

اما السكن اذا تبغين مع عائلة او شقه او بيت ..

Trade Me Flatmates wanted - TradeMe.co.nz - New Zealand Online Auctions & Classifieds

هالموقع يفيدك كثير .. والله ييسر

مطلع الشمس شكراااا كثير على اهتمامك بموضوعي ...
.
.

ملك بلا مملكة يعطيك العافية على مرورك الجميل ...

خريج تقنية مشكوووووووووور على تطمينك ....
الله يعطيك العافية انشاء الله راح استفيد من الرابط ,
الله يجزاك كل خييييير ..

امين امين
الله يعافيك

تذكرت سؤاااال مرررة مهم
كيف اجيب فلوسي معي
انا اللي فهمته انا لايمكن احضار اكثر من عشرة الاف دولار نيوزيلاندي
طيب اقدر اجيب انا مبلغ خاص فيني وزوجي مبلغ خاص فيه حتى لو كانوا كل المبلغين اكثر من 10000
وكيف اجيبهم شيكات او بطاقة الصراف السعودية واحولهم وكم تكلف هذي العمليات
يااارب ما اكون ثقلت عليكم ...