إعلانـــ هـــــــــــام لكـــل نــــــيوزيلندي واستـرالـــي مبتعث وغير مبتعث ..

بسم الله الرحمن الرحيم



السلام عليكم ورحمة الله وبركاته ..


اخبار الاستراليين والاستراليات والنيوزيلنديين والنيوزيلنديات .. عساكم مبسوطين بس ..

اعتذر عن الإصلاحات الي صايرهـ فالمنتدى هاليومين وخصوصا الموضوع هذا الي قلت لكم انه مغلق للصيانه

وكنت ناوي اسويه وبعدين انقطع النت ومرضت بس الحمد لله انا الحين زي البومب

بدخل فالموضوع علطول .. وبكلام عامي .. لأن احد الاخوان يوم قالي ان ماعندي سالفه لمن اتكلم بالفصحى

الموضوع شكله طوييييييييييييل .. بس لاتخافوا راح اختصر قد ما اقدر .. وانتو اكيد فاضين .. يعني اقروه فخمس دقايق ماراح تاخذ من وقتكم هههههه





اولا .. التنظيم الجديد

الغالبيه الأن ولله الحمد عرفوا جامعاتهم ومدنهم الي بإذن الله بيكملوا فيها مسيرة تعليمهم .. وصار الكل يدور على معلومات عن مدينته وجامعته ويبغى يتعرف على زملاء بعثته المستقبليين .. والي ممكن يكونوا سندهـ فالغربه

لذلك .. ثبتنا مواضيع لمدن استراليا الكبرى عموما والي فيها اغلب الجامعات الي انقبلوا فيها الطلاب .. ماعدى طلاب سدني للأسف مالقيت لهم تجمع .. ولو اجتمعوا ولقيت فيه تفاعل منهم راح اثبت موضوعهم بالتأكيد

وتم تثبيت تجمع طلاب نيوزيلندا من قبلهم .. والأخوان فيها مو مقصرين الصراحه .. بالعكس إحنا الي مقصرين معهم نتمنى من النيوزيلنديين جيراننا السموحه

ان شاء الله كل واحد يستفيد من موضوع مدينته الخاص ويتعرف على شباب وبنات بلدهـ .. ويكون هالمنتدى جامعكم عالخير والمحبه دايم

ملاحظه اخير .. الغرض من المواضيع للمدن .. هو التواصل بين الطلاب المبتعثين سواء الي موجودين في اراضي استراليا ونيوزيلندا او المتواجدين بالسعوديه .. والموضوع ليس مقتصر على احد معين .. يعني حتى الطلاب المبتعثين في استراليا ونيوزيلندا ممكن انهم يدخلون ويسولفون مع بعض في الموضوع

ولكم الحريه فالتحدث عن اي شي ... اهم شي انكم من مدينه وحده وتتعرفون على بعض وتتكلمون فأي شي تبغونه ..


بس الأولويه دائما تكون لأصحاب الأسئله .. يعني اي واحد يسأل .. جاوبوه .. وبعدين كملوا براحتكم





ثانيا .. المواضيع المثبته سابقا

بالنسبة للمواضيع المثبته سابقا فهي مفيدهـ للجميع سواء الي بالسعوديه او المبتعثين الجدد او المخضرمين وهي كالتالي :


>>> الموضوع الشامل للأخت هايدي <<<

وهذا طبعا لطلاب نيوزيلندا واستراليا .. وفيه كل شي تبغونه عنهم .. لأنه يحمل جميع المواضيع المتعلقه بالبلدين
كان صراحه موضوع جبار من الاخت هايدي وماقصرت الاخت غاده ايضا اضافة عليه بعض التعديلات والإضافات
والآن شوفوا سبحان الله هي تدرس فبلد الإبتعاث والاخوان فالدفعه الثالثه هم المستفيدين وهم الي يدعون لها في ظهر الغيب .. وحسناتها ماشيه الله يوفقها ويرزقها ان شاء الله





>>> خطوات البعثه من طقطق للسلام عليكم للأخت غادهـ <<<

موضوع اعتقد مو بس طلاب استراليا ونيوزيلندا استفادوا منه .. كل المبتعثين بلا استثناء استفادوا من هالموضوع وكان بالفعل موضوع شامل ووافي من اول ماتعبي الطلب حق الإبتعاث وحتى استقرارك فيه .. وطريقة كتابة الموضوع شيقة جدا .. وهذا الي جعله من افضل المواضيع الي طرحت على مستوى المنتدى .. صراحه هي كاتبه مبدعه ومشرفه مبدعه واجزم انها انسانه خلوقه وتحب الخير من الي شفته منها طوال سنه في المنتدى من قبل صدور الأسماء للدفعه الثانيه وحتى الآن





>>> طريقة إصدار البطاقة النيوزيلنديه <<<

الأخ غريب ولكن .. كان يتوعد فالمنتدى انه راح ينزل مفاجأه ومن إعداده شخصيا .. وبالفعل وفى بوعده .. وهذا موضوع اعتقد انه مهم لجميع طلاب نيوزيلندا .. ويغنيك عن حمل جواز السفر معك وين مارحت في نيوزيلندا .. الموضوع مشروح بالصور وحصري لمبتعث فقط .. جزاهـ الله خير الاخ غريب على هالموضوع المبدع





>>> نظام النقاط في نظام السكن باستراليا<<<

موضوع مهم جدا لكل طلاب استراليا بدون استثناء .. صاحب الموضوع هو الخبير الدكتور خالد .. هو مو دكتور حاليا لكن خبرته في انظمة استراليا جميعها من فيزا وجامعات وحتى خرائط ملبورن .. خلتني اقول عنه دكتور .. صراحه يعجز اللسان عن شكر هذا الشخص .. قدم للكثير من الطلاب المساعده سواء من خلال المنتديات او في بلد الإبتعاث .. الله يجزاه خير ويزيده علم ان شاء الله





>>> الطريق الى ملبورن <<<

لاتسألوني عن اسم العنوان .. هو صحيح يشبه " الطريق الى غوانتانامو" بس هذا اختيار الاخت غاده هههههه .. عموما اعتقد ان اي موضوع للأخت غادهـ سيدخله الغالبيه من مرتادي المنتدى او من يعرفون الاخت غاده بمواضيعها .. تقرير رائع جدا وشيق بمعنى الكلمه عن رحلتها من عاصمة المملكة العربية السعوديه الرياض .. حتى وصولها الى ارض الإبتعات ومدينتها التي تفخر بها .. ملبورن
اترك لكم الإستمتاع لمن لم يقرأ التقرير





>>> تقريري من المملكة الى نيوزيلندا<<<

الأخ اعقلها وتوكل أبى إلا ان ينافس الأخت غادهـ .. وبالفعل عند وصوله الى بلد الإبتعاث "نيوزيلندا" .. نزل تقرير كان متميز جدا صراحه لدرجة ان جميع مرتادي المنتدى سواء مبتعثين الى نيوزيلندا استراليا دول اوروبا امريكا دول شرق اسيا كانوا يزورون الموضوع وينتظرون إكمال التقرير .. لايفوتكم اذا ماقريتوهـ .. لأنه تقرير ممتع جدا بإسلوب شبابي بحت بدون تشفير حتى ههههههههه







>>> هديتي...لكل الملبورنيين<<<

موضوع يخص جميع طلاب ملبورن .. كتبت الموضوع لمن كنت حديث عهد بالإبتعاث وماكان احد في ملبورن يفيدنا عن المدينه غير الأخ zuhair الله يجزاهـ ألف خير ويعطيه العافيه ماقصر .. الموضوع فيه صور ومواقع مهمه لطلاب ملبورن ..





>>> السكن لطلاب ملبورن <<<

الموضوع باين من اسمه .. انا نزلت الموضوع وشرحت فيه انواع السكن ومميزاته واماكنه لطلاب الستي .. وابى الاخوان باقيس وحمودي وحمد إلا ان يكونوا نجوم الموضوع .. وماقصروا كملوا الموضوع وافادوا طلاب موناش ومعهد ملبورن وجامعة لاتروب .. جزاهم الله خير





ننتقل للموضوع الأهم والأخير ..


>>> تجمع طلاب وطالبات استراليا<<<


الصراحه مهما كتبت من صفحات فالمنتدى ماراح اوفي الموضوع هذا حقه ابدا .. واصعب شي سويته اني رفعت التثبيت عن هالموضوع .. بذرهـ زرعتها الأخت هايدي .. وجمعت فيها طلاب استراليا كلهم .. والمرحله الثانيه كان فيها قروب روعه فالتعاون والأخوه والمساعده الله يذكرهم بالخير جميعا .. انشغلوا بدراستهم
واستمر الموضوع وجاء طلاب الدفعه الثالثه وايضا كان جمعت خير لهم واعتقد انهم استفادوا استفاده كبيرهـ منه ..

الموضوع ماراح ينسى ابدا .. لكن الفترهـ هذي مثل ماذكرت هي للطلاب في مدنهم عشان يتعرفوا على بعض وعلى جامعاتهم ويقدروا يتواصلوا مع بعض .. وان شاء الله راح يرجع تثبيت الموضوع بعد كم شهر وعند قرب ابتداء المرحله الرابعه











ثالثا .. شكر وأمتنان


بعض الأخوان جزاهم الله خير .. يعتقدون اني صاحب المواضيع المميزهـ فالمنتدى .. ويعطوني اكبر من حقي .. الله يعطيهم العافيه .. لكن اتمنى من اي شخص عنده بس 5 دقايق وقت فراغ .. انه يتصفح المواضيع الي بالمنتدى .. اقسم بالله يا اخوان ان فيه جنود مجهولين بالملتقى مجهودهم جبار ولا يعلى عليه .. يدخلون المواضيع بسكوت ويجاوبون ويفيدون اخوانهم ويساعدونهم ويطلعون.. وابقى انا الوحيد فالواجهه الين صرت البطل حق الملتقى ههههههه .. هم مايبغون الا دعوهـ لهم فظهر الغيب ان ربي يوفقهم فدنياهم وآخرتهم ومجهودهم ومجهودي واحد والله .. هم ماذكروا انفسهم للملاء لذلك انا ماراح اعلن اسمائهم لكن اتمنى من اي شخص يحصل مساعده انه يدعي للي ساعده بالخير .. لأنه يا اخوان هذا الي ساعدك كان مكانك وكان يدور اي احد في استراليا ونيوزيلندا يساعده ولو بمعلومه بسيطه وماحصل .. والآن هو جاي ومتذكر أيام الجهل ببلد الإبتعاث الي كان فيها قبل مايوصلها ويبغى يساعد لله فـ لله .. المنتدى لايعطي فلوس ولا جوائز ولا شي
لكن رب العالمين هو الي يجزيهم .. لذلك اقل القليل ان تدعولهم بالنجاح في حياتهم وآخرتهم





رفاق كرسي الإحتراف ..


عارفين يا اخوان كم عضو مر على الموضوع .. 750 عضو .. وخلينا نقول ان الي استفادوا منهم 100 شخص .. هل يستحق الأخوان الي جاوبوا على اسئلة الـ 100 شخص دعوه في ظهر الغيب .. الا والله يستحقوا دعوات .. ادخلوا الموضوع وشوفوا كيف رحابت صدورهم وصبرهم وتجاوبهم مع جميع الأسئله وهم على مقاعد الدراسه يعني مشغولين بدراستهم وحياتهم اليوميه .. لكن فضلوا انهم يساعدون اخوانهم المبتعثين الجدد .. صراحه مهما كتبت فيهم ماراح اوفيهم حقهم .. والله ماقصروا ابدا .. ويوم اني طلبتهم عشان يكونون متواجدين بالموضوع وقلت لهم ترى الموضوع مافي من وراه اي شي .. يعني لله فـ لله تجاوبون على اسئلة الناس ومالكم شي هههههه .. كانوا متحمسين ومايبغون شي غير الأجر من رب العالمين ومساعدة اخوانهم واخواتهم .. الله يجزاهم خير جميعهم





إعقلها وتوكل .. غريب ولكن ..


المرحله الثانيه من الإبتعاث كان الملتقى اسمه ملتقى طلاب استراليا ونيوزيلندا .. بس النظام فعليا كان ملتقى طلاب استراليا وبس هههه .. لأنه ماكان عدد المبتعثين كبير يمكن وحتى المنتدى ماكان فيه نيوزيلنديين في بلد الإبتعاث لذلك محد كان يدخل من النيوزيلنديين .. وكنا مكتسحينهم والقلعه كانت استراليه من الملك الى بوابين الملتقى هههههههه .. وبعد فترهـ جاء إعقلها وتوكل وكان مسكين لحاله .. وكان لسى فالسعوديه .. ورغم هذا كان يشارك الاستراليين مواضيعهم ويقط وجهه معهم ههههههه .. امزح معك لاتزعل .. المهم كان صابر صابر صابر الين جاء كمان الاخ غريب ولكن وكان فبلد الإبتعاث ونزل كم موضوع افاد فيه الإخوان .. وفالدفعه الثالثه الآن ماشاء الله قاوموا طلاب نيوزيلندا الوضع وكانت لهم دخله قويه وكسبوا لهم مقاعد في مجلس الشعب وفي قلوب الاستراليين .. ورجعة العلاقة القويه الي تجمع الاستراليين بجيرانهم النيوزيلنديين .. الله يديمها من محبه .. بس الفضل بعد الله سبحانه وتعالي لمؤسسين الحزب النيوزيلندي الاخوان إعقلها وتوكل وغريب ولكن .. ماقصروا وافادوا الكثير وحبهم للمنتدى هو الي حبب الباقين فيه .. والآن ماشاء الله النيوزيلنديين متجمعين ويساعدون ويعاونون بعض .. وان شاء الله تكون هالمحبه دايم ..





اعضاء منتدى مبتعث وبالتحديد طلاب نيوزيلندا واستراليا ..


الصراحه اعجز عن شكركم .. كنت مشغول عنكم يمكن في وقت صدور الأسماء النهائية لكن هالشهرين الإجازه الي تفضيت فيها لكم .. ماشفت منكم الا كل خير ومحبه .. مساعده في جميع المواضيع ووناسه وضحك وأخوه .. الله يديمها عليكم فالسعوديه وفي بلد الإبتعاث .. لولا الله سبحانه وتعالى ثم تعاونكم وتفهمكم لما وصلنا للي وصلنا له اليوم .. وانا اعترف ان جميع هالأفكار والأشياء الي سويتها واسويها فالمنتدى هي من وحي إقتراحاتكم الممتازهـ وهذي ثمارها ولا لو اني لحالي كان ضعت ههههه .. فالحمد لله رب العالمين وتشكرون على أخلاقكم العاليه







نهاية موضوعي .. واتمنى اني ماكنت ثقيل عليكم بموضوعي .. الي عنده سؤال او استفسار عن اي شي ذكر بالموضوع او الي عنده إضافه يتفضل .. واتمنى اني ماكون نسيت احد وإن نسيت أحد العذر والسموحه .. فأنا بشر
فإن اصبت فمن الله وإن اخطأت فمن نفسي والشيطان



بالتوفيق للجميع