مساعدة السلام عليكم

آهلين وسهلين اخوي .. بالنسبة للالتحاق بالبعثة على حسابك .. لازم تفتح ملف دارس على حسابك الخاص من السعودية ..

يعني يبغالك قبول جامعة وقبول معهد 4 شهور اقل شي وتطلع فيزا الطالب على نيوزلندا ..

وتجلس هنا 4 شهور وتختبر اختبار الايلتس وتجيب فيه 4 وان شاء الله يضموك على البعثة ..

هذه المعلومات اللي عندي وبالتوفيق

كم يستغرق تعلم اللغه انا عندي لغه اتكلم ارد واسئل شويه مو بالمره
انا حادرس لغه مكثفه
طيب مافي انديه رياضيه في نيوزلانده احديد او تخفيف وزن باشغلي نفس فيه مع الدراسه

آهلين وسهلين اخوي ..

على حسب اجتهادك تكون الفترة ..

اول شي لازم تعرف انت ليه تحتاج الانجليزي .. يعني مثلاً ايش تخصصك في الجامعة وكم يبغوا منك في الايلتس ..

في كورسات ( ايلتس ) وفي كورسات عامة وفي كورسات اكاديمية .

وبعد كدا تعرف ايش نقاط القوة عندك وايش نقاط الضعف .. مثلاً نقطة ضعفي انا السبيكنق فاشوف كيف ممكن اطور في السبيكنق عندي ( المحادثة ) ..

وبعد كدا تشوف البرنامج التطويري حقك اللي انت حطيته عشان تطور الجانب هذا ( المحادثة ) كم حتلتزم مع نفسك فيه وتديه من وقتك ومجهودك كل يوم او كل فترة .

فعلى هذا الاساس حيبان عندك كم الفترة اللي تحتاجها في اللغة

وبالنسبة للاندية الرياضية في اندية كثير هنا بس تعال انت وما تشيل هم ان شاء الله ..

وفي نوادي غير رياضية كمان ممكن تشغل نفسك فيها ( نوادي محادثة - نوادي اعمال تطوعية - نوادي ترفيهية ) ممكن تدور عليها في النت وتلاقي

قروبات كثير عاملين هذه النوادي ومشاركين فيها ..

بالتوفيق اخوي ..