قبول مشروط للتسويق من نيوزيلاند

هلا أخوي، جميع الجامعات النيوزلندية فيها ماجستير تسويق، كل الي عليك تدخل موقع الجامعة وتقدم اونلاين مجاني وما تحتاج لأحد، أفضل لك علشان تقدر تتابعهم بنفسك
حاول تجهز أوراقك، الشهادة، السجل الاكاديمي، السيرة الذاتية، صورة الجواز، توصيتين، ربما بعض الجامعات تطلب منك خطاب الهدف من الدراسة، متى ما كملت هالأوراق راح تقدر تقدم ان شاء الله
بالتوفيق

هلا وغلا اخوي .. وعليكم السلام ورحمة الله وبركاته ..

بالنسبة لقبول الماجستير ارسلي الاوراق التالية :

صورة من جواز سفرك واضحة + وثيقة التخرج + كشف الدرجات + توصيتين + الخبرات العملية لو عندك + خطاب تكتبه للجامعة توضح فيه ليه حاب تدرس هذا التخصص وايش حيضيف لك

وارسلهم ع هذا الايميل وبإذن الله في حدود 3-4 أسابيع يجيك القبول .

m.akram@conectadonz.com

تحياتي

يعطيكم العافية ياشباب وبيض الله وجيهكم

ماذا عن الضمان المالي ؟؟؟

الضمان المالي هذا للمبتعثين فقط .. وفي الغالب يصدر بعد ما يجيب المبتعث قبول الجامعة أو المعهد

القبول كيف يجي من الجامعه لو ما عندي ضمان ؟
هل ينفع ارسل كشف حساب بـ مبلغ 100.000 مثلا او لازم ضمان عشان انقبل في الجامعه او المعهد ؟؟

قبولات الجامعة ما تحتاج الى أي ضمان مالي، بعد اعطائك القبول وقبل بدأ دراستك راح يطلبون منك تحويل المبلغ عند رغبتك بدراسة اللغة أو عند تسجيل مواد الجامعة، لكن للقبول فقط ما تحتاجين اي ضمان مالي
للمبتعثين يطلبون الضمان المالي قبل تسجيل المواد أو عند الرغبة في دراسة اللغة في المعهد

استاذي الكريم انا من المتضررين من المرحلة التاسعة , وبدأت اجمع الاوراق الاساسية وراح اقدم , عندك فكرة متى الوزارة تعطيني الضمان ؟
ماعرف اذا سؤالي واضح او لا ,, امل الرد ...

وشكككرا

سؤالك واضح يا أختي، الوزارة على ما أعتقد أعطوك بعثة مشروطة بتوفير قبول جامعي، سمعت أن فيه طلاب كثير لم يتم اعطائهم البعثة بسبب التخصص وشرطت عليهم الحصول على قبول في أحد تخصصات البعثة، هل هذا ما تقصدين؟
الآن مالك علاقة في الضمان المالي، كل الي عليك تقدمين على مواقع الجامعات وبمجرد حصولك على القبول أعطيه للوزارة وهم بيوفرون لك الضمان المالي
زي ما قلت لك الجامعات ماراح تطلب منك ضمان مالي الا عند بدأ الدراسة، أما عن القبول فهم يعطونه لطلاب كثير وليس شرط بأن الطالب يدرس عندهم
أنصحك تبدأين بجامعتي AUT و Waikato هما الأسهل في قبولات الماستر والأسرع