شباب ابي نصايحكم تكفون

اسف سوال ! اوكلاند حقت نيوزيلندا ؟؟ ولا امريكا


( تمت المشاركة باستخدام تطبيق مبتعث )

لا حقت نيوزيلندا

ماعندي علم ن جامعات نيوزلاندا
اذا بغيت عن امريكا اقدر افيدك

الله يوفقك
Paramedic - Wikipedia, the free encyclopedia

ابشرك انت في افضل المدن بنيوزلندا .... وعندك جامعتان قويه

جامعه اوكلاند ورقمها ٤١ ع العالم الظاهر

وجامعه ماسي ولها كم فرع بنيوزيلندا


اضيف اني ممكن ما افيدك بخصوص تخصص الطب ولكن لمن كنت هناك كنت اسمع عنهم ....

واذا احتجت اي شي هناك بخصوص المعيشه والعائله والمكان الطيب للمواصلات .... بالله لا تتردد

احاول اني ازبطك لاني عشت فهيا عام ٢٠٠٩

( تمت المشاركة باستخدام تطبيق مبتعث )

الله يبشرك بالجنة يا غالي

بنسبة لجامعة اوكلاند راجعت مكتب جلوبال قبل امس
وسالتهم عن الجامعات الفي فيها التخصص حقي وجابوا لي قبول من جامعة AUT
فما ادري كيف وضع الجامعة لكن المكتب قالي انها ممتازة

ما قصرت ي اخوي ويعطيك العافية

لا يكون مكتب السوداني ؟؟ ولا لا يكون مكتب حق الولد السعودي اللي يقابلك هندي ؟؟

وجابولك هي بسرعه وكذا ويقولولك عشان تفتح ملف وكذا .

يبوي انا اقولك هذولا ما تاخذ منهم حق ولا باطل .... خصوصا هناك
ولا تثق بالعرب هناك الا اخوانك المبتعثين !!

الجامعه انا اتحداك اذا كانت. قويه زي ما قال الا انه اسهل له يجيب لك قبول منها بسرعه !!

المهم الحل انك تسدح اسم الجامعه بقوقل وتعرف انا عن ايش اتكلم لانها جامعه تكنلوجيا ،ومالها ١٣ سنه

الحل الثاني : انت تبغى اي كلا م ولا تبغى جامعه تمام ؟؟؟ روح جامعه اوكلاند واسال بنفسك ،عن تخصصك اذا كان موجود هناك .وانت جيب قبول لنفسك .ولا خل المكتب التعبان يجيب لك اذا ازمت معاك

وشوف كيف وجهه يتغير لمن تقوله انا ابغى جامعه ثانيه !!!! كيف يخترع لك الحجج ويدافع عن نفسه ويمكن يكذب عليك .

وانت ياخي توك ماصار لك شهر تبي جامعه ...الانجليزي اول ...

عموما الحل الثالث

ابيك تتعوذ من ابليس وتدخل موقع الوزاره وتشوف الجامعات المعترف بيها ... وعلى اي تخصصات ...
وتحاول انك تاخذ خبره بسيطه

بعدين تسال الاستاد في المعهد يساعدك في ذا الشي !!! قوله اروح ادرس طب في جامعه تكنلوجيا ،،، اذا انحرجت قله انك انك مهندس اجهزه طبيه . هههه .
وايوتي هذا معهد تقني شكله كمان
ولا يغرك الشباب اللي سبقوك هناك مساكين ،،،


اوكلاند جامعه قويه . قويه يعني ممتازه
واستفيد من المكتب ومص دمهم ولا يقولك انك ما تقدر تجيب بنفسك القبول الا عن طريق مكتب .
والله اعلم

احب اقولك : انت صاحب تجربه جميله وتعيش اللحظه وابيك تتلذذ بحل المشاكل وتواكب الحياه وتمارس اللغه مع اهل اللغه وتستفيد من نقطه انك بدوله الناس فيها فرندلي .
واذكر الله لا ضاقت فيك الدنيا
زبط الامور وقلي ايش صار معاك ...
وانا استناك .



لا تخاف ترى الامور بسيطه




( تمت المشاركة باستخدام تطبيق مبتعث )

السلام عليكم ،، بس عذراً ع المداخلة لكن حاولت اسوي بحث عن التخصص هذا وطلع لي في الاي يو تي ..

الجامعة مره قوية ومره حلوة ومعروفة عالمياً وتعتبر اسهل من جامعة أوكلاند ودا شي مررررررررررره كويس لنا كطلاب سعوديين ..

انا انصح الاخ السائل انه يدرس فيها لأنه جامعة اوكلاند قوية ومعقدة في دراستها واهم شي انه الطالب يمشي في دراسته مو يدخل جامعة قوية ويتعثر ..

المكاتب اللي بنيوزلندا بصراحة لهم ميزة في القبولات انهم ما ياخذوا منك ولا ريال فيعني ما يجي نصير اقوياء عين ،، الحمد لله انه نحن وضعنا احسن من امريكا وبريطانيا اللي كل قبول

ب 300 دولار و 200 دولار ،، فانا وجهة نظري انه يفتح الملف على التخصص هذا وبعدين لو حاب يغير بعد ما يجيب درجة اللغة يجيب قبول بنفسه ويغيير الجامعة ..

تحياتي

ردي للمساعده والتوضيح


والنهايه القرار لك وحدك بس الامانه مطلوبه وما ابغى الا انك تكون عارف كل شي بس مسوي اللي يعجبك

ما تدري يمكن انا لو جيت ادرس بالاي يو تي على كيفي وانا اعرف نفسي واقرر .. ولكن اكون عارف وضعي ومين انا وادرس فين .

جامعتك الاي يو تي من عام ٢٠٠٠ . وماهي معروفه عالميا زي اوكلاند.انا بنفسي سمعت مره جامعه الاي يو تي تنادي جامعه اوكلاند يا عمتي .

الرجال بيسئل ايش الافضل --- الصعوبه تعتمد على الشخص .

ولا تزعلني منك :

والله يا اخي انت على نيتك انك ما تعرف انهم ياخذوا عليك نسبه ... ما في شي لله .. وكيف يجيبو فلوس . الاي يو تي يعطوهم نسبه على الراس ... الله يوفقك البزنس مافيله فزعه ومنت ببلدك ويبغالك تفتح . لا يضحكوا عليك ويمشوك على مزاجهم وهم اصلا ما درسوا ... بالنهايه انت بالنسبه لهم مكسب .
لا تخليني اجي اوكلاند واتصارع معاك بالكوين ستريت ... لا تقهرني

انت بعدين كلامك صح ولكن ما ادري اذا جربت تدرس فيها ولا لا ... او اذا زرتها كمان وشفتها من بره .
ومين قالك الجامعه القويه يتعثر الطالب فيها ؟؟ حرتم عليك انا عشت هناك واتعرفت على ناس يدرسوا هناك وكانوا عادي معانا وسوا ولا يطيح .

نحاول نعطي الرجل زبد وهو يقرر ...

اوكلاند لعا هيبتها في العالم .


( تمت المشاركة باستخدام تطبيق مبتعث )