الصراحه الي يدرس في نيوزلاندا كانه بالسعودية

وجهة نظر رائعة .. وهي في الحسبان دائماً .., ولعلها ترجع إلى الشخص نفسه

لكن بعد إذنك ما المدينة التي سافرت إليها .. وما المدة التي قضيتها هناك ..

بارك الله فيك ..

شف ياعينى
صحيح فية عرب ولكن هى على اهم اثنين
المعهد
وانك ماتحتك بشخص اقل منك مستوى في اللغة
انا طلعت على حسابي وفريت المعاهد لين حصلت معهد مافية 2 سعوددين واحد عمانى
والحمد لله كلهم مو معي بالصف
الشي الثاني
الاتحكاك بشخص اقل منك مستوى ماراح تستفيد منة شي
انا صاحبت واحد مخلص لغة وجالس يتكلم معي عربي وانجلش
ونروح لمحلات فقط علشان هو يتكلم انا اسمع منة واسالة وش معنى كذا ليش قلت كذا


هذا من واقع تجربة
بالنسبة للمبتعثين خاصة فى اوكلندا
محشورين في معهدين الاول معهد الايلي
والثاني acg
الاول حشر عرب
والثاني كذلك

تبون رايي ماعندكم غير المريخ

الدول كلها امتئت عن بكرة ابيها بطلاب والطالبات السعودين

والحل الوحيد انك تختار قريه لا يوجد فيها جامعه معرتف بها ولا الحال سيان في جميع الدول

هلا أخوي

ياريت تقلي فين المحل اللي مافيه سعوديين الآن ؟؟؟؟؟؟؟؟؟

السلام عليكم
هذا الكلام نسمعه كثيييييير من اللي يروحون يدرسون برا
بس ترا كثرة السعوديين والاحتكاك بهم ماياثر بالدرجه اللي انت خايف منها
اهم شي المدرس يكون لغته الام الانجليزيه عشان يكون النطق صح ويكون الاساس صحيح
اما اللغه صدقني ماراح ترسخ كلها فيه اشياء راح تنساها بس لمن تجي تستخدمها بتتذكرها
يعني ماله داعي كل هالخوف
وعسى الله يوفقك ويوفق اخواني واخواتي الدارسين والمغتربين
(كل غريب للغريب قريييييب)

هلا اخوي

انا كنت مبتعث في امريكا ووالان بنيوزلندا والحمد لله يا ربي ماشي في دراستي واموري ممتازة جدا ً

من ناحية السعوديين ما فيه شي اسمه غصب عنك !! وانا الحمد لله اقوى نفسي وامسكها

السعوديين ما اشوفهم ولا اقابلهم الا يومين الجمعة والسبت فقط لاغيرررر

صحيح اني خلصت اللغة الحمد لله بس حتى في اللغة ما كنت اخالطهم الا يومين

واللي يشد حيله بالدراسة والاحتكاك مع العائلة والمدرسين في المعهد راح يكتسب اللغة بسرررعة

معهدي في امريكا كان فيه اكثر من 200 سعودي ولكن الحمد لله خلصت اللغة في سنة لان احتكاكي كله بالعائلة والمدرسين

والسعوديين حلوة الجلسة والطلعة معهم في الويك ايند وصعب جدا ً تلاقي صاحب مثل السعودي اذا كان صالح

بالتوفيق للجميع

اخوك عززيز

صحيح أخوي ( نيوزلندا كل ماله تزيد سعوديين )..
بس بيني وبينك بكل مكان راح تحصل سعودي ..


برايفت أخوي عزيز


والله أنك صادق أخوي ..
الله يوفقك ويوفق الجميع ..

يا حبيبي السعودي ما هو عائق لك ولا لغيرك في اللغة

الي يبي يتعلم بيتعلم ولي بيختلط بي السعوديين بيختلط فيها

انا معي في الفصل 10 سعوديين وفي المعهد حول 50 سعودي

يا رب لك الحمد بصراحة احس اني في السعودية
لاكن ما بيني وبينهم الا كل احترام وتقدير مقل ما هم بيتعلمون اتا كمان لي اتعلم
وكل واحد يهمه مستقبله يعني انت الي تشوفه راح يفيدك ونفعك في دراستك سويه

وبالله التوفيق

يا اخواني اللغة الإنجليزية تعلمتها ولله الحمد هنا بالسعودية ...

ولا خرجت خارج المملكة ولا شيء...واتحدى أي شخص في لغته

من اللي خرجوا خارج المملكة ...

اللغة والله تعتمد عليك كشخص سواء بالسعودية أو خارجها ...

اسهل لغة الإنجليزية مقارنة بالفرنسية والصينية وغيرها...

اللي يقول ان اللغة الإنجليزية صعبة مع احترامي له انه هو الصعب ...

ما فيه شيء صعب...ما فيه شيء مستحيل ...ما فيه مشاكل

فيه تحديات ، فيه تجارب

اتمنى لكم التوفيق