ما مستقبل المبتعث بعد الرجوع من الدراسة...نقاش جاد..

حياك الله اخوي
وموضوع في غاية الاهمية ..
بس اتمنى انك تكون حطيته في اي قسم من الاقسام العامة علشان الزوار اكثر ...
بالنسبة للمستقبل فانت وضعت في مكان لا تحسد عليه وانت الان بين نارين واختيار صعب اتمنى ما انحط فيه ..
اذا قلت اترك التدريس فهذا تهور وعصفووور في اليد ولا عشرة على الشجرة .. واذا قلتلك رح البعثة فالمستقبل عير مضمون النتائج ولكن يبقى الطموح والدافعية تحركك وتدفعك الى هذا الاختيار ...
بالنسبة للتخصص المطلوب انا راح انقل ما قاله لي احد دكاترة قسم الحاسب في كلية المعلمين في بيشة قال : "عندكم في السعودية ثورة اتصالات عجيبة فالسوق راح يطلب تخصصات فيها شبكات وقال تحديدا لو قدرت تحصل تخصص موبايل نتويرك يكون افضل وافضل او تخصص ادارة قواعد بيانات" وقال بالنسبة للاكتفاء بخريجي الماستر "اذا ما حصلت وظيفة في السعودية عند دول الخليج وتحديدا قطر ما راح تردك لان شهادتك بتكون عالمية وما هي محلية"
هذا اللي عندي واتمنى يفيدك وان كان هذا الموضوع يشغل بالي كثيرا ولكن عندي قاعدة تقول (سوى اللي عليك والباقي على ربك)
ودمت بوود ...

اولا مبروك على الوظيفة واسأل الله ان تكون عليك وعلى من تحب بابا من ابواب السعادة في الدنيا والاخرة
ونصيحة امسك وظيفتك وخلك لان ظروفك راح تتحسن بإذن واحد احد
وانا اعرف واحد في نفس موقفك واختار الوظيفة
وعلى قولتك ان وزارة التربية والتلميع اسف قصدي التعليم لاتفرغك انا اقولك خلك فيها لاجل الخبرة
وبعدين يمديك تاخذ خبرتك وشهادك وتقدم بعدين على الهيئة الملكية في الجبيل وينبع والرياض على وضائف التدريس
او احد الشركات الكبيرة (سابك وارامكو وسكيكو) وبعدين هم يفرغونك وتاخذ بعثة على حسابهم بعد
(تخصصك مطلوب في كل مكان مو التدريس بس في كل مكان)

اخوك بوسعد

أشكر كل من
الأخ / ساعة زمن ، والأخ al-qarni على مرورهم وقد ازدان الموضوع بهما


ولكن أخي( ساعة زمن) البعثة ماتجي على الكيف في كل وقت ؟؟؟؟

ولكن أخي( ساعة زمن) البعثة ماتجي على الكيف في كل وقت ؟؟؟؟

ولكن احسن من تهد الوظيفة وعلى ما قال اخوي(القرني) عصفور باليد ولاعشرة على الشجرة

وعلى ان البعثة بتحصل او ماتحصل هذا بتدبير العزيز الحكيم

وعلى العموم ترى اذا ماحصلت بعثة خارجية ممكن تحصل بعثة في الداخل في اي جامعة

واخيرا وليس اخرا (قم الحين وصل ركعتين استخارة وادع ربك تراه مايرد من رفع اليه اكف الضراعة) وخاصة انك في وقت الليل وقت استجابة الدعوة

اخوي الكريم انا اقول خلك با الوظيفه وعصفور با اليد ولاعشره علي الشجر وبصراحه فيه ناس يقولون يمكن بعد ما نرجع من بري يمكن نحصل وظائف ويمكن مانحصل وانا اعرف شخص من المرحله الثالثه باستراليا الحين يدرس دكتوراه قانون هناك يقول انه ندمان انه ساب وظيفته وطلع الابتعاث واللي مطفشه زود اللغه هناك الانجليزي مو ماشي معاه تمام والله يختارلك اللي فيه الخيروالانسب يااااااااااااارب وبا التوفيق اخوي

الخيار بين الوظيفة والبعثة ما هو سهل

أنا شخصيا كنت موظف لمدة ثلاث سنوات واربع شهر في الهيئة الملكية واستقلت من الهيئة ورحت البعثة

رغم إني سمعت أنه بعد فترة راح يكون فيه بعثات.... لكن فضلت اغتنام الفرصة المتاحة حاليا عن طريق برنامج خادم الحرمين الشريفين......
وجميع من استشرته ممن أصحاب الخبرة والرأي من أقارب ومعارف وزملاء عمل واصحاب مقربين....حول البعثة أو الوظيفة.... رغم إني كنت اتخذت قراري..... لكن فقط استشرت من باب الحيطة والحذر ولأتاكد ان قراري صحيح

كان جوابهم لي ......ما دام أنك صغير بالسن وليس عليك التزامات..... توكل على الله واختار البعثة... وما راح تخسر شيء

وأنا أشوف تخصص الحاسب الأفضل الحصول على شهادة عليا في تخصص دقيق والعمل في القطاع الخاص بدل العمل في التدريس

انا رايي من رأي الوزير

أخي الوزير و اخي شموخ عز واخي System اشكركم على المرور اتحفتموني بأرائكم

ما زلت أنتظر أراء الجميع للفائدة ولعلنا إن اكملنا محاور الموضوع ننتقل لتخصص آخر بإذن الله