الى كل الطلاب المقيمين مع عوائل نيوزلنديه .. اطرح لنا تجربتك

وراك يالبعثه وراك · February 23rd, 2009, 03:22 PM

السلام عليكم ورحمة الله وبركاته

حبيت اطرح الموضوع هذا على شان كل واحد يقولنا انطباعه وشعوره الاول لما سكن عند عايله

وكمان يقولنا هل تعود عليهم او لا

وياريت كل واحد يقول محاسن ومساوء العايله اذا كانت حرمه لحالها او عايله كامله

والله يوفق الجميع

~~هنودي~~ · #2 (**رابط مباشر**) February 23rd, 2009, 03:30 PM

والله الموضوع فكرته حلوة

عشان نشوف بعض العادات هل هي عند العائلة إلي ساكن فيها ولا عند كل العائلات

ويكون مفيد للي يجو بعدنا من ناحية إختيار العائلة سواء حرمة عجوز أو عائلة كاملة

إن شاء الله بعطيك إنطباعاتي بعد ما أوصل

محتار جدا جدا · #3 (**رابط مباشر**) February 23rd, 2009, 08:15 PM

واهم شي اكلاااااااتهم لاني متعقد واحاتي هالشي

hoor · #4 (**رابط مباشر**) February 24th, 2009, 01:29 AM

و انا معاكم اتمنى من الاخوان و الاخوات يخبرونا عن تجاربهم مع العايلة الي سكنو معاهم عشان نستفيد منهم و نشوف شنو الاصلح لنا

الكثيري · #5 (**رابط مباشر**) February 24th, 2009, 02:41 AM

مشكورررررررررررره علي الموضوع اطيب

هيه والله يجزاكم خير خبرونا كيف يـــــــــليت

وراك يالبعثه وراك · #6 (**رابط مباشر**) February 24th, 2009, 03:57 AM

انا بقولكم انطباعي عن العايله حقتي

انا ساكنه عند حرمه لحالها ممكن عمرها 45 الى 50 بس تراهم في هالعمر لسى شباب مو زي عجزنا بالسعوديه اللي اي يا رجلي واي يا قلبي

تسوي لي فطور وعشاء

ولي غرفه لحالي فيها سرير ودولاب ومكتب وتسريحه
واختي كمان نفس الشي

وتغسل ملابسنا بس عيبها بعض الاحيان اكل العشاء يجيب الهم يالله لك الحمد والشكر على النعمه
ولا ترتب غرفتي ولا تغسل ملابسي اللي بالسله لين اروح اوديها لها اقول عندي غسيل

ولا عندها نشافه يعني ملابسي منشوره زي الهنود

بس هذي اشياء تهون لان الام مره طيبه وكله تضحك واول ما وصلنا عندها سوت كل شي نبيه ودتنا بسيارتها

بس هذا اللي اتوقع انه مهم

محتار جدا جدا · #7 (**رابط مباشر**) February 24th, 2009, 04:11 AM

تهئ

الاكل محاتآآه

بكم بالاسبوع حصلتي العيله؟ والمعهد بكم ؟

وراك يالبعثه وراك · #8 (**رابط مباشر**) February 24th, 2009, 05:32 AM

العايله ب 200 دولار واللي يقول اكثر كذاب

والمعهد ب 330 ويعتبر غالي لان اغلب المعاهد ب 250 او بالكثير 300

الدراسه فراسه · #9 (**رابط مباشر**) February 24th, 2009, 08:14 AM

مشكور اختي على الموضوع الرائع مثل كاتبته
بسراحه انا لي ثلاث ايام هنا بكرايس وعندي سواااااااااالف كثييييييره
وان شاء الله اكتبها لكم في هالموضوع الرائع
بس بشرط ههههههههههه
مافيه شماته يعني كل واحد يقرى وهو ساكت واذا يبي يضحك براحته بس من غير لايعلق ههههههههههههههههه
<<< عارف ان مواقفه مضحكه

abodi6666 · February 24th, 2009, 10:36 AM

اهلين اختى " وراك يالبعثه وراك " <<<<< حاولى تغيري اسمك اما ناديك وراك
اول شئ احب اشكرك على الموضوع هذا اللى بيفيد كثير من الناس اللى ماوصلوا واللى وصلوا كمان
وثاني شئ ليه الشرف ان مشاركتي ثاني مشاركه من بعدك
عايلتى
بكل بساطه وحده عجيز عمرها 45 - 50 ساكنه لحالها معاها واحد سعودي بس انه خارج بعد اسبوع عشان كذا وافقة ( بس والله انه مونسني ماودي انه يمشي ) وكل ماشفتنا نتكلم عربى قامت تزاعق وتخاصم لغتها جدا جدا سهله مو زي اللى فى الشارع والله يسولف ما اللحق غير كلمه او كلمتين , سعر السكن 200 دولار ليه وجبتين بس ما اكل ولاشئ كله برى اقوم متاخر وارجع متاخر الغسيل نفس النظام
ميزة العجيز اللى عندي انها على وشك الاسلام ماغير مشغله الاذان اغلب الوقت
وثانى شئ انها مدرسه انجلش يعني اذا اخطيت تردني على طول
العيب الوحيد انها بعيده عن الجامعه بــ 45 دقيقه يعني مغغغغغغغغغطه

هذا اللى عندي وسلامتك
( انا الان اكتب وهى تخاصم تقول سيب الجهاز وتعال سولف معي والله انها ونسه )

وشكراً

أدوات الموضوع
مشاهدة صفحة طباعة الموضوع أرسل هذا الموضوع إلى صديق