يا اهل نيوزلاندا

معقوله كل الي في نيوزلاندا محد يقدر يرد؟؟؟؟؟؟؟

وتراني حطيت هالموضوع قبل وما لقيت اجابه

هلا اخوي اولاا على حسب المعهد الي حتدرس فيه بعض المعاهد تاخد عليك في الاسبوع 380 دولار والبعض الاخر 280 العائله تاخد عليك 180 وانت طالع

التذكره الطيران على حسب الخطوط الي انت حاب تجي فيها

واذا انت على بعثة روح اسئل المسؤؤل عنكم

ياإختي مغتربة بالنسبة للدراسة في نيوزلندا تختلف من منطقة إلى أخرى بدءا من مدينة أوكلاند Auckland اللي كان اللي الشرف الكبير بزيارتها إلى كوينزلاند Queensland ودندن Duniden وكرايست شيرش christ church وأقصد الأختلاف بالتكلفة مثلا أوكلاند تعتبر أغلى من الباقيات ولكن نصيحتي الشخصية لكل من يفكر أو عزم على أن يسافر نيوزلندا أن يصرف النظر عنها لأنها مليانه سعوديين بالهبل وهذا مب كلامي أنا لكن كلام كثير من ربعي وشلتي اللي راحوا لها الصيف هذا أنها أصبحت ماتطاق في كرايست شيرش البلد الصغيرة فما بالك بأوكلاند التي كل مامشيت في شارع الكوين ستريت Queen street أقبل بوجهي أبو عريبيا كني في التحلية وأيضا من المفارقات أن معهدي الذي كنت أدرس به كان يوجد به قرابة ال 60 % من الطلاب سعوديين يعني إذا الفصل الواحد فيه عشر طلاب ماراح يكون الطلاب السعوديين فيه أقل من خمسة أنفار وأعرف إني طولت بالكلام ويمكن ماقلت شئ يصب في كبد الموضوع لكن حبيت إني أنصحكي من قلب خالص .

وخلاصة القول إنه إذا أردتي السفر وراح تسجلين في معهد فنصيحة نصيحة نصيحة إنكي تاخذين أقل مدة ممكنة مسموح بها يعني بعض المكاتب عادي تسجلك بالمعهد لمدة أسبوعين وبعضها شهر وهلم جرا وليش الكلام هذا لكي ماتنصدمين إذا وصلتي للمعهد هناك وكذلك تقدرين تغيرينه أمادفعتي حق ثلاث أشهر كاش للمكتب ورحتي للمعهد هناك وماعجبكي ماراح تقدرين تستردين دراهمكي يعني خلاص طارت ولاتصدقين إذا قال لك المكتب إنه المعهد فيه قليل سعوديين يمكن يكون صادق لكن المعهد ممكن يستقبل طلاب جايين من مكاتب ثانية غير المكتب اللي قدمتي عن طريقه عشان كذا إنتبهي وإحتاطي .

اما بالنسبة للتكلفة فتختلف مثل ماذكرت من مدينة إلى أخرى فيه مدينة نابير Napier كذلك دندن Duniden وكذلك فيه مدن كثيرة ومنها العاصمة ولنغتون Wellington والمجال مفتوح لكن إبعدي عن مدينة أوكلاند لأن الشباب على طول ينزلون فيها وهي مدينة كبيرة وحية لكن ماتصلح للدراسة مثل ماذكرت .

يعني ممكن تدفعين من 14000 ألف ريال إلى 20000 إذا كان المعهد قوي ومعترف بشهاداته وطبعا هذي شاملة الكتب والسكن بس أما مصاريفك الشخصية فحطيلها ميزانية لحالها وأعتقد من وجهة نظري إن 10000 ريال كافية للمصاريف الشخصية مثل الطلعات والروحات والجيات والأكل والرحلات والسينما .

أما الخطوط الجوية اللي ممكن تروحين عن طريقها فهي ثلاثة : الخطوط الماليزية والخطوط السنغافورية وكذلك الكاثاي باسيفيك Cathay Pacific وهي شركة طيران عملاقة وخدماتهم ممتازة بحكم إني شفت الماليزية ولكن لاتقارن بالخطوط المذكورة والمتاح فقط هو الكاثاي باسيفيك لأنها ماتمر باأستراليا إنما تمر على هونج كونج وبعدها أوكلاند على طول أما الباقيات تمر على أستراليا بالجو وهذي لازم يكون معك فيزا ترانزيت لأستراليا وأما الكلفة فأنا رحت قبل سنة وكانت التكلفة 5500 ريال رايح راجع من أوكلاند للرياض وأتمنى إنكي تلقين بهذي العجالة المعلومات اللي تفيدكي وأنا حاضر لأي خدمات أخرى وإلى لقاء أخر .

الله يوفقك لكن لوتطلع بعثه يكووون احسن