كم مسموح لي الوزن على الكاثي باسيفيك؟؟

والله يا خوي انا جيت عليها بس كان مسموح لي ٢٠ كيلو لكل شنطة بالشحن

اللي داخل معاي مو بالعفش ما وزنوه ولا اشترطو فيه شي مع اني معاي شنطة الاولاد وشنطتي ولاب توي زوجي والاب توب تبعي وشنطة لولدي الكبير يسحبها بكفرات وما احد اعترض على شي

لكن الوزن الزايد طال عمرك رجعو ٣ شنط شحنهن معاي يكلف ٧ الاف ريال ، فرجعتها وشحناها لا حقا عن طريق الاهل ، طبعا الكلام هذا قبل ٨ شهور .

الكاثي خخخخخ شل لين تقول التوبة
روحتي الاخيرة شايل معي 30 كيلو ولا اخذوا ولا ريال
و المرة الاولى رايح على الماليزية شايل 32 كيلو ولا دفعت شي

لكن و أنت راجع من اوكلاند للسعودية بتدفع 50 دولار عن كل كيلو زايد عن الـ 25 كيلو عشان كذا لو زاد عليك شي فيه مكتب طيران الامارات في مطار اوكلاند بيحسب عليك كل كيلو زيادة بـ 8 دولار
انا داري انها ما راح تفيدك الحين بس اذا نويت تعزل من نيوزلند مثلاً..

توصل بالسلامة

توصل بالسلامه اخوي

افلاجى .. توصل بالسلامه ان شاء الله ..

الوزن المسموح 20 كيلو .. لكن ما عندي خبر عن الزياده ..

طمنا عليك ..

اهلين اخوي بس حبيت اسألك من اي مكتب حجزت التذاكر واذا من مكتبهم الرئيسي وين موقعه بالظبط ؟ بالرياض طبعا ؟

غير كذا كم بيكون الانتظار بهونج كونج ؟واذا 10 ساعات هل اعطوك الفوتشر حق الفندق او لا ؟

هلا اخوي

الوزن المسموح 20 كيلو و يعطزك 5 كيلو في المطار

يعني لين 25 كيلو وضعك ممتاز

أنا عن نفسي كانوا مدققين معايا مرة

اما الشنطة اللي في اليد فالمسموح 7 كيلو طبعاً ماتكون شنطة اللاب توب

يعني الخلاصة

25 كيلو في الشحن

7 كيلو في يدك

و شنطة لاب توب

بالتوفيق

هلا أخوي

والله ياحظك اذا 35 كيلو

بس اتأكد لأنهم مرة مشددين و يقعدولك على الكيلو

ابسطها اتصل على مكتبهم و قلهم رقم الحجز او التذكرة و اتأكد ..وايضاً شوف كم مكتوب في التذكرة.

بالنسبة للطيارة اشوفها جيدة و احسن من الخطوط السعودية

عادةً الدرجة السياحية ما تكون فيها فرق كبير .. لكن بالطبع احسن من الخطوط السعودية

مطار هونج كونج ممتع بصراحة و كبير و فيه محلات لين تطفش و مطاعم و كل حاجة

تقدر تلفلف فيه و تتسوق و تسوي مساج .. يعني ماهو طفش

بالنسبة للنصائح

الكاثي باسيفيك هيا خطوط هونج كونج .. يعني تتبع للصين لذلك لحومهم بشكل عام الضأن و الدجاج ماهو مذبوح على الطريقة الاسلامية .. وماهم اهل كتاب عشان ناكل من عندهم
لكن اذا الطيارة طالعة من السعودية فاغالباً يعملوا التموين من السعودية لذلك ممكن تاكل و ياريت تسأل المضيفة او المضيف من فين عملو التموين للتأكيد
بالنسبة للرحلة من هونج كونج لنيوزلندا أو حتى في الرجعة من هونج كونج للرياض فأنصحك ما تأكل تماماً من عندهم في الطيارة .
حتى في مطار هونج كونج احسلك ما تأكل من اللحم او الدجاج في المطاعم
بإمكانك مثلاً تطلب وجبة سمك من برجر كينج

بالتوفيق

يالله نفسي اسال هالسوال من اول شكرا للي طرحه؟