هل بالإمكان دراسة اللغة ومن ثم التقديم على الجامعه والملحقيه للحصول على قبول وبعثة ؟

اخوي جامعات نيوزلندا تعطيك القبول بدون ضمان مالي يعني ما يشترطونه لكن طبعا ما تبدا دراسه من غير الضمانات يعني القبول شي والدراسه شي ثاني.

كيف تلتحق بالبعثه : حاليا تم تطبيق نظام 30 ساعه جامعيه يعني بعد ما تنهي 30 ساعه من البكالوريوس يتم الحاقك

وبالتوفيق يارب و اهم شي الان انت تعال ابدا لغه وخطط وادرس الامر عن كثب من مقره.

الله يعطيك العافية اختي : )

انا حالياً ادرس باحد الكليات التقنية مرحلة الدبلوم , باقيلي اقل من شهر واخلص

اشكرك مرة اخرى وبارك الله فيكِ

اذا فيه اي معلومات اخرى , إن شاء الله باقي الاخوان والاخوات مايبخلون علينا

شاكرين ومقدرين

السلام عليكم و رحمة الله و بركاته
اول شي احيي اخواني اللي اجابوا على بعض استفساراتك
واحييك انت dr. vaio على قرار انك تكمل دراسة
لأن السفر للعلم بينفعك كثيـــــــر بغض النظر عن الفرص الوظيفية بعد ماترجع بالسلامة
أول شيء اذا انت بتدرس لغة حاول انك قبل لا تدرس تاخذ قبول من جامعة تعادل لك ولو 30 ساعة كحد ادنى
عشان الألحاق بالبعثة
ولاتنسى انك تاخذ معهد تابع او في نفس المنطقة اللي فيها الجامعة عشان تتأقلم و تتيسر امورك بعد اللغة
وبعدين انا ما ادري انت ليش متخوف من المعدل
ياخي انت ارسل لهم سجللك الأكاديمي وهم بيعادلون لك الساعات اللي في تخصصك
طبعا الساعات اللي فوق السي مو اللي جبنا فيها العيد انتبه....
وانت ربحان لو عادلوا لك على الأقل 30 ساعة
لأنك بترجع تدرس اللي ما عادلوه لك بطريقة افضل من التقنية ولا انا غلطان؟؟؟؟؟
بخصوص الالحاق مايبون منك الا شروطهم اللي في موقع التعليم العالي
وقصة الثلاثين ساعة هذي ان شاء الله ما تفرض عليك في حالة اذا الجامعة عادلت لك ثلاثين ساعة او اكثر
تكون بكذا وفرت عليك وعلى الحكومة دراسة ثلاثين ساعة و تكون بكذا حققت الشرط و انت في بيتكم
يبقا عليك دراسة اللغة الله يعينك تدفع وبعد كذا ابدأ في امور الالحاق
وتذكر قوله عز وجل "ان مع العسر يسرا"....
صدقني اذا كنت قريب من ربك و مصفي نيتك بتتيسر امورك
وترا النظام ما يطبق بحذافيره هم اذا شافوك جاي تدرس يمكن يتساعدون وياك
طبعا في مكتب معتمد من جامعات نيوزيلندا يجيب لك قبولات و بيحاول يشوف لك حل مع الساعات اللي عندك
المكتب قرية المعرفة ...الدمام ...الشارع الأول....قرب مجمع الواحة....خلف شركة الهوشان
ت:8306776
واتمنى اني قدرت اجاوب على شي من أسألتك
وبالتوفيق ان شاء الله

السلام عليكم
شباب انا اعرف واحد من الشباب من كلية الاتصالات بالرياض ذهب إلى نيوزلندا وعادلو له 60 ساعة تقريبا يعني سنتين
وهو الان يدرس لغة بمدينة أوكلاند والجامعة الى عادلة له هي جامعة اماسي .

لكن الي ابغى اسأل عنو هل إذا تمت معادلة أكثر من 30 ساعة يطيح عني شرط الوزارة الي لازم تنهي 30 ساعة من الجامعة علشان الالحاق .

وش اللي في مصلحة الطالب؟ الوزارة بتسوي اللي عكسه اكيد

يا اخوان تفائلوا بالخير تجدوه يعني الواحد اذا يبي يتغرب عن اهله و يروح للكرف و التعب ما له الا التشجيع
والتأييد مو التحطيم....
واللي بيتشائم كثير نصيحتي له يقعد في بيتهم عشان ترتاح نفسيته....لأن الدراسة يبيلها دوافع معنوية قبل المادية

اما بخصوص الثلاثين ساعة فهي تحقيق صريح لشرط الوزارة
وعشان اوضح لك الصورة...الوزارة لها هدفين
انك جاي تدرس....هذا انضباطك يحكم
و انك تقطع شوط في الجامعة....وانت راح تقطع هالشوط بمجرد انهم يعادلون لك ساعاتك وهذا الشيء اللي يميز خريج الدبلوم عن خريج الثانوي

اما بالنسبة للوزارة هم ما راح يكون الالحاق من مخابيهم
اهم تجيهم اوراقكم واللي تنطبق عليه الشروط يلحقونه اذا انفتح المجال
وعلى فكرة موظفين الملحقية ماراح يسقعدون لأي شخص لأنهم
من ناحية يخافون على سمعتهم و كراسيهم من الناس الواصلين
ومن ناحية ثانية ما لهم مصلحة يسوون كذا
ومن ناحية ثالثة لا تنسا انهم منا وفينا وفيهم ناس ونعم ويحبون الخير للجميع

بارك الله فيكم يااخوان على معلوماتكم القيمة والله يوفقكم فيما يحبه ويرضى , لاعدمانكم

اذا فيه اي معلومات اخرى , نحن بالانتظار

ازيدكم معلومات عن عدد ساعاتي الحالية , انا خلصت بتخصصي الثاني مرحلة دبلوم بالسمستر الاول 15 ساعة , والثاني 15 ساعة , والثالث 15 ساعة , واما الرابع الاخير هذا 10 ساعات يعني راح يكون المجموع 55 ساعة راح انهيها بالكلية , وشرايكم؟ هل هالشي يساعد؟

يا عزيزي
فلنفترض ان مجموع الساعات بشكل عام اي دبلوم تقني يتراوح بين ال60 ساعة الى 75 ساعة
يعني انت درست في تخصصك 55 ساعة معناها اللي خسرته في تخصصك الأول يتراوح ما بين 5 الى 15 ساعة
وعلى ما اعتقد ان هالساعات ساعات عامة يعني تقدر تستفيد منها في اي تخصص
المراد لا تشيل هم اذا جيت تقدم اخذ شرح لكل المواد اللي درستها في تخصصك الأول و الثاني
وارفق وياها السجل الأكادديمي وهم بيشوفون شغلهم وبيعادلون لك اللي يتناسب مع مناهجهم
ولا تشيل هم

بارك الله فيك ، ان شاء الله ماشيل هم ويصير كل شي تمام اشكرك على التشجيع

طيب عندي استفسار بسيط ، لو عادلوا لي هذي الساعات هل راح يقبلوني بالابتعاث لو اروح اقدم على الابتعاث بالوزارة؟