ابغى جدول سياحي في نيوزيلندا لمدة 10 ايام للشخص وزوجته

اهلن وسهلن بك اخوي الغالي في منتداك

زي مافهمت اني اخوك فشهر العسل؟طيب لازم ندلعة شوي بفنادق رائعة

اولا من ناحية الفنادق سوف اعرض لك بعض الفنادق المشهورة والمميزة الواقعة في الكوين ستريت

فندق السكاي تور افضل فندق في اوكلاند من ناحية الموقع

http://www.skycityauckland.co.nz/Hot...ITY-Grand.html


ايضا الهلتون وهوا على البحر وهدا رابط الموقع

http://www1.hilton.com/en_US/hi/hote...kland/index.do

هدا من ناحية الفنادق ومن ناحية الاماكن المميزة باوكلاند

جزيرة واهيكي تبعد عن اوكلاند 45دقيقة بالقارب

ايضا هناك شاطي مشن باي جدا جميل ولكن الان شتاء فيقل التواجد فية وهناك ايضا الكثير من النشاطات مثل البنجي جنب

وهناك مدينة حيوانات وايضا بيت رعب ادا يبغا يفجع العروسة شوية هههههههه

ايضا السنما والمطاعم العربية متواجدة في الكوين ستريت اي انة افضل موقع للسكن للزيارة هوا الكوين ستريت والفنادق اللي دكرتها جميعها بالكوين ستريت

اتمني اكون افدتك

واي خدمة انا حاضر

ياشيخ روووووووووووح الله يسعدك
معليش يالغالي بأثقل عليك شوي
مافي سائق عربي مثلا يساعدهم هناك .. والنشاطات اللي ذكرتها يحتاج لها حجز وكيف يوصلون لها
الشئ الثاني ماقلت لي كيف يروحون لكوين تاون ووش رأيك فيها بالوقت هذا خاصة أنه فترة شتاء
وهل فيه مدن غيرها فيها فعاليات تنصحني اني اذكرها لهم
ادري ثقلت عليك وانا اخوك بس انت كريم وأنا أستاهل

بأنتظارك يالغالي

تسلم يالغالي على تجاوبك عاااد وش اسوي أختيار اخوي
يبي ينعزل عن العالم مع زوجته ههههههه

مشكور وأنا أخوك

ولاهنت

لاثقل ولاشي احنا هنا بالخدمة وادا حنا ماخدمناك مين بيخدمك ؟

من ناحية السايق لاتشيل هم انا بعطيك رقم واحد سايق اعرفة من أفغانستان مايتكلم عربي لكن مسلم وراح يساعدكم انشاء الله لاتشيل هم خل اخوك بس ياخد معاه مترجم وبتمشي امورة مع السايق

اما بالنسبة للنشاطات والفندق لازم حجز ودفع بالفيزا او الماستر كارد ولكن ادا لغتك ضعيفة لاتشيل هم انا ازبطلك الامور كلها

وبالنسبة كيف يرحو الكوين ستريت سهلة جدا من يوم يوصلو المطار يركبو اي لموزين ويقولو للسايق الستي كوين ستريت بياخد عليهم 60دولار نيوزلندي

وهناك مدن جدا جميلة بلقرب من اوكلاند تنفع للمتزوجين زي واهيكي و روتروا وايضا هناك جزيرة بالشمال جدا جميلة جميعها شواطي جميلة وبامكانهم يقيمون على الشواطي مباشرة

ومن ناحية الوقت ماانصحهم مرة يجو نيوزلندا

لان استراليا ونيوزلندا عكس العالم الان شتاء وامطار وبرد مااظن راح يستانسو

اتمني افدتك ياغالي واي خدمة ايضا انا حاضر

حلوووو الله يسعدك كذا بتنفعهم كثير مع السائق
أرسلي رقمه لاهنت على الخاص
يالغالي أنا ماأقصد الكوين ستريت أقصد مدينة كوين تاون والله ياخوك أنا شفت لها صور خقييييت معها حيييييل
وشكلي بأطمر معهم هههههههه
بس فكهم الله اني مبتعث
وعاد ليش مختارين نيزلندا بلاهم حر الرياض يدورون البراد
واكيد فيه فعاليات وانشطه بالشتاء
يسلم لي رأسك يالغالي

اخوي بالنسبة لكوين تاون يبغالها رحلة داخلية طيران تبعد حوالي ساعتين بالطيارة ايضا حجز التداكر عن طريق المواقع والدفع ايضا اون لاين وقيمتها تقريبا 100دولار نيوزلندي

ومن ناحية السايق انا بسئلك ياغالي عند الشباب على سائق عربي افضل واريح وادا الشباب ماعندهم عاد امرك لله بعطيك السايق الافغانستاني

وبالتوفيق دمت بود

تسلم يالغالي والله انك راعيها وماقصرت
طيب يالغلا اذا عندك موقع الحجز الله لايهينك عطني اياه
وماينفع يحجزون من نفس الفندق اللي بيسكنون فيه بأوكلاند
وبخصوص السائق والله انك بتسوي لنا خدمة مارح ننساها لك
خبرك اخوي ياللا يفك الخط ههههههههه
بأنتظارك يالغالي