استفسـار عن أفضل مدينة للدراسه في نيوزلندا

هلا اخوي مشعل

عسى الله يوفقك ويسهل امرك ويكتب لك الخير

بالنسبة لأفضل مدينه..

انا باقي ماسافرت.. وطالع بعد رمضان ان شاء الله

بس حسب ماقريت وفريت بالمنتديات واستفسرت..

وجدت ان افضل مدينه ( كدراسه )

ارجع واعيد واقول كدراسه هي (( كرايست شيرش ))

فيها كل شي.. مناظر ومطاعم واجواء ..

بس انها اقل من ناحية الملهيات .. يعني اماكن الترفيه قليله مو زي العاصمه او اوكلاندا


يعني تقريبا زي الخرج بالنسبة للرياض


واتمنى الي يقرأ موضوعك ويفيدك اكثر مايبخل علينا


تحياتي

we have alot of saudies here in Christchurch
i dont advise you to come
check the north island mate
all the best

نجم الشمال

طيب حدد لاخونا مشعل مدينه

مو تقله بالشمال

الشمال فيها اكثر من مدينه

وبعدين العرب الي موجودين بنيوزلندا الان.. اغلبهم راح يرجعون في نهاية رمضان



مشعل.. توكل على الله.. ورح المكان الي تبي..

بالعكس لما تكون برى.. تقول ياليت فيه 5 معاي سعوديين .. من الطفش الي راح يجيك

وفي نفس الوقت لا يكون وقتك كله معاهم


انت رايح دراسة.. يعني ادرس.. وخل وقت الويكند معاهم اذا حبيت


بالمختصر المفيد.. حاول اول 4 شهور ماتكثر خرجات معاهم..

وبعدها راح تشوف انك متحسن باللغه..

ذيك الحزه.. روح معاهم لو يبون تروح القطب المتجمد.. لوووول



بالتوفيق ياملك

طيب ياااخ مشعل بالنسبة للمعهد اللي تبي تدرس فيه تبي فيه عرب او لا

كرايست شيرش نصيحة لأكثر الطلاب الدارسين بنيوزلاند

السلام عليكم
مساك الله بالخير يااخ. مشعل
انا باانصحك بمنطقه كان فيها واحد من الشباب ويمدحها لي ويمدح الجامعه
جلس فيها ست شهور ومشى واختبر ايلتس في دبي وجاب 5 وكانت درجه جدأ
ممتازه وانا انصحك فيها لاني زرتها تقريبا في شهر 4 والعرب جدأ قليل
هي منطقه مناكاوي تبعد تقريبا 30 كيلو عن اوكلاند واسم الجامعه MIT

واي سؤال اخوك نيوزلندي بالخدمه
ومبروك عليك الشهر

سلام عليكم جميعاااا

في البداية مبروك علينا وعليكم الشهر وربنا يساعدنا ان شاء الله على صيامه وقيامه

دائما اسمع كلم في المنتدى والله الواحد ما يقول غير الله يهدي بس

يا جماعة الخير السعوديين من نار الله على الارض كل ما احد سأل نط واحد وقال فيه سعوديين يعني بالله عليك السعودي ح ينزع العلم من راسك ولا ايش.

اخوي الله عطانا عقل نفكر فيه وهذي نصيحة اخ وبالعربي الفصيح

اذا جاي تدرس من جد اقلك كل مدينة في نيوزلند مؤهله للدراسة واذا جاي تلعب ( وان شاء الله هذي بعيده عنك ) كل مدينة في نيوزلند مؤهله للعب.

هنا عندك الخيارين كلها.

اما اذا تسأل عن اجواء وراحه و هدوء انا اقول كريست شيرج


ربنا يوفقك اي خدمة امر تدلل

مــرحبــا حبايبـــي


أشكـر لكـــم تفاعلــكم مع الموضوع

أخـــوي قــلـم خــاص أشكرك جزيـــل الشكر ونصيحتك ان شاء الله راح أهتــم فيها (( كرايست شيرش))

وأشكر تفاعلك وردك علي الاسفسار .. ربي يووفقكـ ان شاءالله

أخوي نجــم الشامل شاكر لك بس شمــال أيسلنـد (( وين بالتحديد)) انا ماطلعت لنيوزلندا قبل كذا ولافهمت عليك بصراحـه ياليت تحدد

أخوي ستيودنت ان سعـودي شاكر لك أيضـــا عزيزي وبالفعل الاغلب بقول (( كرايست شيرش))

أخوي نيوزلندي الاكثر من رائع حقيقة راح أسأل عنها لاني بصراحه ماسبق وسألت عنها .. الله يبـارك فيك وعسـاك من عواده أخوي

أخوي ياسر شاركلك حبيب قلبي .. أكيد جاي أدرس لاني ان شاء الله راح أشوف لي جامعه أيضا وأكمل ماستر قـانون

عزيزي أنا ماعندي مشكلة بالنسبة للطلبة السعوديين.. بالعكس أنا أرتاح جدا في السفر لـم أشوف سعودي هذا وأنا مسافر شهر أوشهرين

فمــا بالــكـ 9 شهـور وأنا أخــووك .. كرايست شيرش .. أشكرك عالنصيحه ياغالي


أتمني من كل من يقرأ الموضوع ويكون عنده ألمام بالدراسة يفيدنــي ... لكـــم مني جزيل الشكر

أخوووكــم مشعل

هلا اخوي مشعل


كل عام وانت بخير ياغالي

وعسى ربي يوفقك ويكتب لك الخير وين ماكان


ألحين اخوي لازم تحط لنفسك مخطط سير.. عشان تعرف انت وين ووين راح يوقف فيك الخط ..

بداية انت اخترت نيوزلندا..

أهنيك على الاختيار.. ( طبعا باقي مارحت بس رايح بعد العيد ان شاء الله )

بعد مااخترت النقظه الاولى.. نجي للنقطة الثانيه.. وهي اختيار المدينه..

بالنسبة للمدينة.. يهمك فيها انها ماتكون منظقة نائية.. وفي نفس الوقت ماتكون منظقة ضوضائية بكثرة..

يعني لازم يكون اختياراك لمدينة في الوسط.. وخير الامور اوسطها..

طبعا ( كرايست شيرش ) من وجة نظري هي الأفضل.. وهناك روتوروا ودندن من المدن المتميزة ..

بعد اختيارك للمنطقة او المدينة.. ( لازم تحدد لك المدينة عشان تختصر المشوار عليك.. يعني ألحين سوي بحث عن المدن في نيوزلندا.. دور وشوف المناظر وكلام الناس الي راحوا لها بالمنتديات.. راح تحصل مدن كثيرة وصور اكثر )


قلنا بعد اختيار المدينة.. تجي تشوف المعاهد الي بنفس المدينة.. طبعا راح تحصل اكثر من معهد متميز.. واكثر من معهد اقل منهم.. ويبقى الاختيار عليك بحساب التكاليف لكل معهد ..


وفي النهاية بعد ماتختار المعهد.. انا انصحك لاتسجل فيه اكثر من اسبوعين.. حول لهم فلوس اسبوعين وبس.. ولما تروح هناك راح تشفو المعهد وتشوف امكانياته.. اذا عجبك.. هذا الي اتمناه .. كمل والله يسهل امرك.. واذا ماعجبك.. روح وفر لك على كم معهد (( طبعا انت قريت عن المعاهد وعندك خلفية عنها فتروح مباشرة للمعهد عشان تشوفها على ارض الواقع )) وبعدها تقرر الافضل لك.. طبعا ااذا فريت على المعاهد يسمحون لك تجلس عندهم يوم وتشوف المعهد وطريقة عمله وكل شي.. وانت ساعه وبتخصل المعهد الاول وتنزقز للثاني وزي كذا.. يعني يومين وانت فار على 6 معاهد بالقليل.. وبكذا تشوف الافضل وتتوكل على الله وتسجل فيه.. وتكمل خطة سيرك باختيار العائلة الي بيدبرها لك المعهد..


وبكذا تكون انت خلصت من اهم اهم اهم الخطوات الي انت جاي عشانها..


بس راح اقولك كل هالملعومات ماراح تفيدك.. لو ماتوكلت على الله وطلبت منه العون .. ونقلت الصورة المشرفة للمسلمين هناك..


خالص تقديري لك ..


اخوك.. ( متجهز للغربه ))