من كندا الى نيوزلندا! بأيش تنصحوني من ناحية المعاهد وهل الجامعات معتمده؟وهل الغه جيده

هلا أخوي ..
والله نيوزلندا أختيار موفق أنشاءالله يعني أمان والأسعار زينة والدراسة قويه وممتازه
بالنسبه للبلد أنصحك بأوكلاند لأنها مدينة وفيها كل شي من جامعات الى معاهد
والدراسة مررره تماااام
والأسعار مثل السعوديه تقريبا بس الأكل أغلى شوي يعني أنا اللي فلسني الأكل .
وفي البداية أول ماتروح تسكن مع عايلة أرخص وبما أنك رايح مكان جديد عليك
وبعدين من الممكن تدور لك سكن لو أن راح تدرس بكالريوس .
وانا بالنسبه لي نيوزلند الأمان والأسعار هذا اللي يمزيها عن كندا
أما الباقي نفس الشي وطبعا نيوزلندا متقدمين علينا بيوم ههههههه وصيفنا عندهم شتا
اتمنى أني أفتدتك أخوي
واس استفسار ثاني أنا حاضره
والاشياء اللي ماجاوبت عليها بخصوص الانضمام للوزاره هذا ماعندي خبر عنه

تحياتي \
نور

الله يعطيك العافية اخت نور
ومشكورة لردك والمعذرة ارسلت مسج وظنيتك شاب

واي معلومه منكم اكيد تفيدني كثير هذه شي طبيعي

واتمنى ياغالين ابي اعرف شي


هل يوجد مثلا معاهد بنفس الجامعات لاني حاب ادرس معهد لغة بنفس الجامعه علشان
اذا خلصت الغة اقدر التحق بجامعة نفسه

وايش نصايحكم ؟؟

اول شي اخوي عبدالعزيز ياليت تراجع المواضيع المثبته لأن فيها فكره عن المعاهد واسعارها
والمعاهد الجيده والجامعات المعترف فيها ايضا بالاضافه إلى الاسعار.

يوجد معاهد بنفس الجامعات وتقريبا كل جامعه لها معهد لغه.
لا استطيع ان احكم لك بأفضل معهد لأني لم اجرب إلا واحد فقط وهو معهد جامعة اوكلاند وهو ممتاز جداً.

كل جامعات نيوزيلندا معتمده ماعدا جامعتين الان موقف الابتعاث لها وهي جامعة AUT وجامعة ويكاتو. لذا ابعد عنهم.

وبمجرد ما تنتهي من اللغه هناك سنه تحضيريه قبل الجامعه مدتها سنه.

وياليت اخوي تراجع قيمة تكاليف كندا لأن 60 الف ريال للغه وسكن احس غاليه مره ولا اتوقع تاصل كذا. فتأكد قبل ما تجي نيوزيلندا.

تحياتي

يعطيك العافية اخوي

ماقصرت بصراحه بردك

وانا فعلا شفت المواضيع المثبته وهي ممتازة وفادتني لكن لان لغتي مره ضعيفه
وغير كذا ماعرف بالعملات والدولار..

فحبيت اخذ مقارنه يعني 6 اشهر بكم تتراوح المعاهد وكيف المعيشه هناك

والله يطمنك من ناحية الجامعات والمعاهد انها معتمده .. بس

سؤال في اشخاص يقولون انهم وقفوا البعثات لـ نيوزلندا ؟؟ هل هذه الخبر صحيح واذا صحيح يعني

حتى لو درست لغة والتحقت بجامعة ماقدر احول عن طريق برنامج الابتعاث على حساب الدوله؟؟

اتمنى يكون اشاعه مو صحيح


ومن ناحية كلامك من ناحية كندا هذه الواقع ياعزيزي حسب ماشفت المعاهد كلها خلال سته اشهر تتراوح اسعارها

بين 40 الى 45 واضف على ذلك مصروف شخصي لاتنسى الغلاء يعني يبغالك اقل شي مصروف الجيب بالشهر 3 الاف
زد على ذلك متطلبات المعهد ومايريده من كتب...

اكيد راح يطق الستين واعلى ولاتنسى سته اشهر مو شهرين

6 شهور لغه وسكن عائله راح تكلف 32 الف ريال
والمصروف تقريبا 6000 دولار لمدة 6 شهور.

البعثات موقفه ولكن لو خلصت اللغه وبعدين خلصت السنه التحضيريه راح تنظم للبعثه وبكذا تكون دراسة الجامعه على حساب الحكومه.

يعني راح تدرس مثلا 6 شهور لغه وبعدين قل تخش السنه التحضيريه والي تكلف لوحدها 17 الف دولار. إحتمال في نص السنه التحضيريه يضمونك للبعثه.

تحياتي

الله يعطيك العافية ياغالي

رد مختصر ومفيد والحمدلله طمنتني

مع اني مستغرب مادام انه البعثات متوقفه! كيف يضموني على حساب الحكومه
وهي موقفه في هذه الدوله

بس عموما خيره لنا

ومن ناحية المبالغ المعهد سته شهور 32 الف تعتبر معقولة مع السكن طبعا ...

وراح احسب الـ 600 دولار مصاريف بالسعودي واشوف كم تطلع

وان شاء الله لوفي استفسار راح اسال ويعطيك العافية

شكرا

أخي الفاضل حياك الله
طبعا اتصور ماله علاقة الالتحاق بالبعثة مع ايقاف دولة الابتعاث
لانه لو قبلوك في البعثة والدولة موقوفة فقط بيقولون لك تختار دولة ثانية مثل امريكا او كندا .
المهم انك تخلص متطلبات الالتحاق بالبعثة من لغة انجليزية والسنة التحضيرية اتوقع يراعون فيها وممكن تلتحق وانت في السنة التحضيرية.
موفق أخي الفاضل

شاكر لك عزيزي والله يعيطيك العافية يارب

فعلا فاتت علي الفكره هذي اني يعني لمن التحق بالبعثات اقدر اغير الدوله

شاكر لك والله يحفظك

ماشاء الله الاخوان ماقصروا
الاسعار اشوف انها مناسبه سوا اسعار الدراسه او المعيشه
فا الامور متيسره باذن الله
والله يكتبلك مافيه الخير