سوال مهم: دفعت للمعهد قيمة 4 شهور .. هل اقدر الان استرجع المبلغ ؟

في العاده لايتم إرجاع المبلغ للطالب بعد دفعه

ولكن حاول مع المعهد لعل وعسى ان يوافقوا

وماتشوف شر

حياك الله اخوي بندر،،،

عسى المانع خير؟ اعتقد انت اللي كنت معي بالرحله واذا محتاج شي لا يردك الا لسانك وخلني اقابلك وان شاء الله ما يكون الا الخير،،

اغلب الطلاب الجدد يواجهون نوع من الصدمه بسبب تغير الاجواء والعادات وكل شي مختلف عما هو عليه في السعودية،،


بالنسبه اذا كنت مصر على العوده، ومسألة اعادة المبلغ فلكل معهد نظامه فمثلا المعهد اللي كنت انا فيه يعطيك الصلاحية لسحب المبلغ خلال 14 يوم من بدأ الدراسة على ان يخصم جزء بسيط تقريبا 10%

اسأل معهدك عن سياسة استرجاع المبلغ او يمكن تحصلها على الويب سايت للمعهد.


اتمنى لك التوفيق،،،
محمد..

نعم لكل معهد سياسة في ارجاع المبلغ

اما امر الرجوع للسعودية لازم اول شهر تفكر كم مره ثم تروح , فأتوقع انك بكرى لو بتدخل المنتدى بيكون رايك متغير

لا تكلم مع الشباب عن السعودية والاكل فيها والراحة والامان وانك تسوي اشياء كثيره لانها نقطة تخليك تفكر كثير بالرجوع لها


و ارسم لك خطة للحصول على الايلس او اللغة


انت وين بكرايس او اوكلاند



لو بكرايس خلنا نشوفك ونسلم عليك

يعتمد على المعهد

بعض المعاهد ترجعلك كامل المبلغ ان لمن تبدأ في اللغه و ان بدأت في شروط اخرى
و في معاهد المدفوع ما يرجع
انت راجع المعهد و انشبلهم الين يرجعو فلوسك


بالتوفيق،،

السلام عليكم
أشكر الجميع على ردود يا ms3 نعم انا للي معك في الرحلة ونعم الخوي في السفر بس ان طولت معي في المطار شفيت مين جاني
والحين انا في السعودية وللي رجعني وفاة احد أقرابي الهويريني لك شكر وتشرف في مقابلتك
وتمنى للجميع التوفيق

عظَم الله اجركم واحسن الله عزاكم،،،

الحمدلله الذي لا يحمد على مكروه سواه وغفر الله لفقيدكم وتغمده بواسع رحمته،،،