الأعضاء الإشتراك و التسجيل

الملتقيات
ADs

محتاج لكم يا اهل كرايست شيرش ضروري: مين يقدر يستقبلني او يدلني على سكن ؟

محتاج لكم يا اهل كرايست شيرش ضروري: مين يقدر يستقبلني او يدلني على سكن ؟


NOTICE

تنبيه: هذا الموضوع قديم. تم طرحه قبل 5233 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ماجد الرياض
    ماجد الرياض

    مبتعث مستجد Freshman Member

    ماجد الرياض نيوزيلندا

    ماجد الرياض , ذكر. مبتعث مستجد Freshman Member. من السويد , مبتعث فى نيوزيلندا , تخصصى محاسبه , بجامعة CPIT
    • CPIT
    • محاسبه
    • ذكر
    • Christchurch, Christchurch
    • السويد
    • Oct 2009
    المزيدl

    December 1st, 2009, 01:45 AM

    سلام عليكم اخواني رحلتي يوم الخميس .. والمعهد ارسل لي رساله يطلب تسديد مبلغ الدراسه انا ما عندي مانع لكن الوقت يداهمني من يقدر يستقبلني بالمطار او يوجهني لسكن مشترك او عائله تكفووون ضروري
  2. اخوي عبدالعزيز يا هلا ومرحبا

    صح عليك ... بس هم طلبو اسدد المبلغ الدراسي مقدما ..

    طبعا ما عندي مانع اسدد لهم ,., بس متخوف ان المعهد ما يتاسبني

    عشان كذا بروح بنفسي لهم .. واشوف الوضع

    وبخصوص الاستقبال والاقامه الموقته .. باذن الله تتساهل طبعا حصلت شقق وبيوت شباب

    وبرضو النادي السعودي عنده خبر اني جاي للمدينه وارقامهم معاي


    الله يوفق الجميع
    7 "
  3. اخوي ماجد

    اسعد الله اوقاتك بكل خير

    وتوصل بالسلامه ان شاء الله

    بالنسبه للمعهد ارسل لهم حق اسبوعين.. وخذ الوصل او السند من البنك واسحبه سكنر وارسله لهم قلهم حولت لكم حق اسبوعين.. وقلهم يرسلون لك تفاصيل العائله ..

    مااعتقد راح يسألونك عن الباقي.. بس اذا تحب تقول لهم راح اعطيكم الباقي اذا وصلت ..

    وبكذا تكون ضمنت انهم يستقبلونك ويودونك عند عائله ومايروح عليك ولايوم فاضي..

    ( هذي تجربتي الشخصيه )


    وبالتوفيق ياغالي
    7 "
  4. اخوي قلم خاص يا هلا والله.. ويسعد اوقاتك وايامك

    مدري والله اخوي بس حبيت اتاكد قبل الدفع

    انا راسلتهم قلت الدفع بعدين اذا وصلت قالو سياسه المعهد لازم تدفع

    قلت اجيهم بنفسي واسجل

    صراحه طريقتك حلوه لو داري عنها كانت سويتها بس المشكله حجزت وبعدها راسلت المعهد هههههه

    عكست الموضوع المفروض اراسل المعهد وبعدها احجز


    بس يالله تساهيل ان شاء الله

    والله يوفقك اخوي
    7 "
  5. حياك الله عزيزي ماجد .. ردي على عجالة يا غالي .. ولي رجعة بإذن الله ..

    أتمنى إذا تقدر تأجل رحلتك إلى بعد عيد رأس السنة .. بصراحة غير منطقية تدفع لمدة أسبوعين أو ثلاثة .. وأنت ما راح تدرس ..

    وبالنسبة لأفضل المعاهد وأنسب سكن أنا بكتب لك رقم رجال هنا إسمه أيمن المزروعي .. هو يرتب أمور إستقبالك ويشوف لك معهد مناسب و يمكن سعر أقل ..لأن المعاهد يتعاملون معه كثير ..

    كلمه و راح يفيدك إن شاء الله ..

    006421994599
    7 "
  6. اخوي ماجد
    لاتعقد الامور على نفسك
    والله الأمور ابسط مما تتخيل
    بس معاك حق الواحد يخاف او يحتاج يعرف لانه مايدري وش الي قدامه بالتقريب والعلم عند الله..

    عموما حبيبي.. اذا تبي شوري وكلامي

    اولا زي ماذكر اخوي مبسوط لاتجي قبل الكريسميس لانه بيروح عليك اسبوعين بدون فايده
    ممكن تستفيد من ناحيه سوالفك مع العائله
    بس المعهد ماراح تدرس فيه
    فليش تكلف على نفسك
    بالمختصر تعال بعد بدايه شهر واحد
    الشي الثاني زي ماذكر اخوي مبسوط كمان .. الأخ أيمن المزروعي رجل طيب وابن حلال ومابيقصر معاك اذا تحب تكلمه وتأخذ منه العلم
    الشي الثالث.. اذا حبيت تخلص امورك بنفسك اختر لك اي معهد وارسل لهم انك بتدرس عندهم اسبوعين بس
    ابدا ابدا مالهم دخل فيك.. اسبوعين شهر شهرين سنه سنتين .. مالهم دخل.. اهم شي ياخذون الفلوس .. ويدرسونك الفتره الي تبيها..
    وبعدها اذا تحب تمدد قلهم ابي امدد معاكم.. برضوا محد راح يسألك ليه ماقلت لنا من اول ولا احد بيقولك شي..
    واذا ماعجبك .. خلص الاسبوعين الي دفعتها .. وانت بالستي فر على المعاهد والا اسأل العرب الي هناك راح يعلمونك وين تروح وايش المعاهد الي كويسه ( حسب مستواك )

    يعني بالمختصر.. المعهد مو على كيفه يقولك ادفع حق شهرين والا اي شي..

    تجربتي الشخصيه.. راست المعهد وقلت ابي ادرس 3 شهور.. وطلبتهم يرسلون لي التفاصيل بالتكلفه..
    ارسلوا لي التفاصيل.. قلت لهم ابغى ابلكيشن حق اسبوعين .. وكم سعر الاسبوعين..وكم رقم حسابكم..
    ارسلوا لي بعد يومين الرد ..
    اخذت المبلغ ورحت حولته وطبعت الايصال وسحبته بالاسكنر.. وارسلته لهم..
    ارسلوا لي العائله وتفاصيل البيت ( طبعا اشترطت كذا شرط )
    وابد.. وصلت عندهم.. واستقبلوني بالمطار.. وتكيت معاهم.. وداومت الاسبوعين.. قالوا لي يوم الجمعه اخر يوم بالاسبوعين.. اليوم اخر لك يوم هنا.. قلت لا.. انا راح اكمل معاكم.. لان المعهد عجبني.. قالوا اوكيه..
    اخذت السعر حق تكمله الثلاث شهور.. يعني حق شهرين واسبوعين ( لاني دافع حق اسبوعين )
    والله العظيم بعد اسبوع او اكثر يعني تخيل خلص وقت دراستي الي دفعته.. وجلست اسبوع.. والاسبوع الي بعده يوم الثلاثاء او الاربعاء رحت حولت لهم المبلغ ..
    اتمنى تكون الصوره وضحت

    فلا تشغل بالك من هالناحيه
    واذا انت عاجبك ومقتنع بالمعهد من الان.. ارسلهم كل المبلغ وفك نفسك ..
    بس اذا متررد وماتري عنه.. سو الي قلت لك .. واذا حد قاك شي.. تعال علمني ... (صح يالواصل )
    والله يسهل امرك ..
    المهم لاتنساني من الدعاء
    ترى تعبت وانا اكتب هههههههه


    نصيحه.. اذا فتره جيتك شهر.. لاتجي.. لاتجي لاتجي.. والله العظيم بتتعب نفسك..
    شهر والله مااراح يفيدك .. ولاهو حق التعب الي تعنيته وسفر يومين ..


    اذا مصر على السفر للخارج.. للغه ..
    شوف لك دوله اقرب .. روح بريطانيا.. مثلا

    ترى لو تفكر فيها شوي.. التذكره 6000 ريال
    غير المعهد ووو..
    يعني لو تحسبها على بريطانيا.. يمكن تطلع نفس المبلغ كامل الرحله..هذا اذا مو اقل


    عموما .. القرار قرارك.. وعقلك براسك

    بس هذي نصيحه اخويه

    ( يعني لاتقول هذا مايبيني اجي .. لابدفع من فلوسي ولابتجلس فوق راسي ) ههههههههههه
    بس انا اتكلم عن الفتره .. شهر ماتكفي ..


    ارجع واقول لاتنساني من الدعاء..

    والله يوفقك ويكتب لك الخير
    7 "
  7. اخوي قلم خاص .. يا عسى عمرك طويل ان شاء الله

    ولا تعبت ان شاء الله

    انا متخوف من اشياء

    اولها جاي بتاشيره سياحيه ؟

    اذا سجلت بالمعهد يعطوني فيزا طالب او لغه ؟؟

    وكم ياخذون مني ؟

    ثانيا المعهد طلب رسوم شهر كامل اقدر اذا رحت لهم اطلب تغير وقت الدراسه الى اجازه راس السنه

    والشي المهم اذا جبت قبول معهد شهرين وتذكرتي موعد الرجوع بعد ثلاث شهور فيها شي او تعقيدات ؟


    اخوي قلم مشكلتي قصيت التذكره ؟ اقدر اكنسل واطلع على يوم ثاني ؟


    والله بديت اخبص ولا ادري وش السواه

    ولي رجعه اقرا كلامك وافصفصه


    والله يوفقك ويرزق وين ما وجهت ورحت
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.