مساعدة للي راحو نيوزلاندا فيه استفسار بسيط

راح ارد على اسئلتكم بعد قليل

السلام عليكم

حياكم الله وبياكم ووفقكم لما انتم اهلا له

بالنسبه لاستفساراتك فيه شي مهم ما وضحته : اذا انت ناوي تنظم للبعثه لازم يكون قبولك في معهد لغه معتمد وبذلك نقول لك ادخل على موقع الوزاره او الملحقيه وتلقى الاسماء .

اما ان كنت ناوي تجي على حسابك وتدرس على حسابك فالخيارات لك كثيرة جدا من ناحية الامان اغلب البلد آمنه وكونك رجل افضل بعد لانك مو مقيد بالحجاب وهو اكثر شي الاحظ نفور البعض مني باسبابه .

الاماكن اللي مافيها عرب اغلبها بالمدن الصغيره اللي مافيها نشاط اقتصادي فراح تكون مره كئيبه

لكن عندك الكوينز تاون مدينه جميله جدا جدا واكثر من كلمة رائعه والعرب فيها قليل مقارنه بالعواصم ومدينه كرايست شرش لكن عيب الكوينز تاون(الجو بارد اغلب السنه وثلوجها كثيره)

بعد كذا عندك روتوروا في الجزيرة الشماليه ايضا مافيها تواجد كثير للعرب وفيها معهد للغه .

اذا كنت تبي مدينه كبيره وخياراتها كثيره فعندك العاصمه الاقتصاديه اوكلاند وفيها معاهد جديده وكليات اعتمدت وممكن تبعد لاطراف المدينه ماتحصل عرب كثير وهي ادفى مدينه في نيوزلندا و لذلك انصح فيها .

بالنسبه للمبلغ اللي تجيبه معاك : ٣٠ الف ريال للدراسة والسكن وترفيه مبلغ يمشيك شهرين وزياده بعد (بس بدون التذكره).

بالنسبه لسؤال الطالب الجديد : في نيوزلندا مافي مشاكل بقبولات معاهد اللغه وقبولاتها ميسره جدا لذلك ما انصحك تصرف فلوسك في مكتب واغلب المعاهد عندها موظفين عرب للطلاب العرب وبعض المعاهد مواقعها على النت مترجمه للغه العربيه فتقدر تقدم لنفسك او تجي بنفسك وبعدين تقدم
لاتنسى عيب كبير بالمكاتب انهم يلزمونك في المعهد فلو ما اعجبك ماتقدر تغيره بعد كذا لكن لو جيت بنفسك تقدر تجربهم قبل تستمر معاهم.

الله يعطيك العافيه أخوي على ردك

لكن حبيت أسأل متوسط سعر التذكره كم

وبالنسبة لكلامك تقول رح بدون مكتب صراحة أخوك عليمي ما يدري وش السالفة علشان كذا أقدر أقولك ما تخبر معهد يضبط وضعي


و الله يعطيك العافيه

المعاهد كثيره : مثلا عندك ACG يثنون عليه من حيث كثرة واجباته وكرفه للطالب

معهد جامعة اوكلاند درست فيه كان مررررررره ممتاز وارتحت فيه بصراحه .

زميلاتي درسوا في معهد AUT البعض يمدح والبعض يسب اختلفت الاراء

معهد اليونيتك كثير مدحوا فيه

بصفه عامه اللغه اذا وصلت مع الاصرار بتتعلمها لو تمشي بالشارع

بالنسبه لاسعار التداكر حسب الخطوط اللي بتجي عليها مثلا ادخل على الخطوط الماليزيه وسو لك حجز مؤقت بس علشان تعرف قيمة التذكره لانها تختلف حسب المواسم فما اقدر افيدك بصراحه بهالموضوع

لكن الخطوط اللي تنقل لنيوزلندا بخط سير قصير : الخطوط الاماراتيه

الكاثي باسيفك الصينيه

الماليزيه

السنغافورية

ادخل مواقعها وابحث عن السعر

الله يعطيك العافيه أخوي ماقصرت معي لكن ماقلت لي وش المكتب اللي يروحون تنصحن أروح عن طريقه لأني صراحة ما أعرف لها الأمور أبي واحد يضبطها لي


والله يجزاك خير

المكاتب كثير

منها العمودي والطيار وايلاف

انا جربت إيلاف وكانوا كويسين واسعارهم معقوله اعتقد انها ارخص من العمودي

بس اهم شي شوف وش المعهد إلي بتروحوا

وش رايك أنت وش المعهد اللي تعتقد إنه مناسب لأني صراحة ما أدري يعني نحتاج نا خذ الخبره منكم

وشكرا لكم

والله فيه معهدين إلي انا كان ودي ادخلها
ACG
ELA

اذا انت من جدة في فرع الشركة إلي في مركز النخيل وفي واحد اسمه الزبير انا تعاملت معاه واعرف كمان كثير من اصحابي اتعاملوا معاه<< ترى مالي عموله فيه ولاشي بس انا جربته وحبيت انقل التجربه

واذا انت من مدينه ثانية ماعندي علم صراحة