هل افضل دراسه الغه ف نيوزلاندا او ف بريطانيا؟

والله انا ممكن اجاوبك بس صعب انك تتقارن فيني ممكن انت تكون افضل مني بالغة

نيوزلندا بصراحه كل شي فيها ممتاز من امان .. وتعتبر ارخص من كندا وبريطانيا ولكن بالتعلم فيها صعوبه خصوصا الاكسنت لديهم صعب يعني اذا انت جاي مثلي مبتدئ فراح تتعب وماتستفيد كثير ... وانصحك بامريكا اوكندا

اما اذا مستواك متوسط وفوق اتوقع راح تتعود عليهم وتفهم لهم.... ولا اقدر انصحك بشي لان كل شخص يختلف عن الاخر من ناحية الاستيعاب وسرعه التعلم

<< انا عني بخلص الـ 4 شهور المتبقيه وراح اطلع امريكا لان هنا لمن اطلب شي احس الكل يتجمع علي لا افهم عليهم ولا هم يفهمون علي


وشكرا

الاكسنت النيوزلندي سلاح ذو حدين

صعب جدا ,, ولكن اذا فهمته فانك راح يكون مستواك توب وستكون افضل من الي درسوا في امريكا وبريطانيا

وهذي حقيقه لا تقبل جدال

عموما بريطانيا ونيوزلندا ,, ماتفرق فيها الدراسه لانها متقاربه جدا

الفرق في الغلاء والمعيشه والشعب ,, لان بريطانيا غاليه جدا وشعبها عنصري لابعد الحدود

لذلك من الاخر انصح بنيوزلندا والسئ فيها بعدها عن السعوديه بعكس بريطانيا

والله ياخوي اذا تبي اسوي لك مقارنه من خلال تجربه : انا ادرس ماستر رياضيات تطبيقيه في جامعة اوكلاند وانا السعوديه الوحيده اللي تدرس هذا التخصص عندهم. اختي تدرس ماستر فيزياء نوويه في جامعة اكستر في اكستر في بريطانيا والحين انتقلت للدراسه في لندن.

بالنسبه للغه : تدريس اللغه في نيوزلندا افضل بمراحل بالمقارنه بين منهجنا ومنهجهم وتعامل النيوزلنديين وتعامل البريطانيين وكنت ارسل لاختي الكلمات الاكاديميه المهمه اللي يعطيها لي المعهد مع مشتقاتها واستخداماتها.

اختي تقول ان الاساتذه مايعطونها وجه ويعصبون لما تسأل عن شي مافهمته ولما ناقشت استاذها مره وطولت بالنقاش حول الموضوع و خصرها وقال لها انت جايه ودولتك تدفع لك ماراح اقارنك باللي جالس يدفع لنفسه يقصد زملائها من شرق آسيا.

المعيشه : بريطانيا غاليه كثير واغلب السكن فيها قديم جدا جدا حسب ماقالت وانه صعب انها تحصل سكن نظيف بسعر مناسب والسيارات غاليه جدا وزوجها اشترى سياره ب ١٠٠٠ باوند (٧٠٠٠ريال تقريبا) موديل ١٩٨٥ ومع ذلك اوقفوه بمخالفه مروريه ومنع من القياده لمدة سنه وختموا له رخصته.

نيوزلندا : اسعارها معقوله السكن نظيف جدا يتراوح من ٤٠٠ الى ٥٥٠ دولار في الاسبوع لنظام غرفتين والسكن المتوسط يتراوح من ٣٣٠ الى ٣٧٠ دولار في الاسبوع.

راتب البعثه : راتب المبتعث الى نيوزلندا هو اضخم راتب يقاضاه مبتعث وذلك بسبب تحويل الصرف من السعودي للاسترالي للنيوزلندي.

نظام الدراسه الجامعيه: بريطانيا اسهل بمراحل لانها تعتمد بشكل كبير على البحوث النهائىه التي يقدمها الطالب واغلب الطلاب يعتمدون على من يجهز لهم ابحاثهم فقط يدرسونها ويناقشونها ويحصلون على درجات نجاح عاليه وهناك معدل تراكمي لنشاطك طوال السنه ونسبه للاختبار المقدم على الورق وهذا مايسهل النجاح حقيقة.

في النهايه اهم نقطة : الماجستير : في بريطانيا سنه وتحصل على الماستر اما في نيوزلندا فجميع طلاب الشرق الاوسط يجبرون على دراسة مرحلة سنة الدبلوم+ مرحلة سنة الدبلوم العالي + سنة الماستر. فتكون فترة الماستر الفعليه لطلاب الشرق الاوسط ٣ سنوات.

المختصر بعد هالمقارنات : نيوزلندا لدراسة اللغه افضل وبريطانيا لدراسة المرحلة الجامعية أسهل (لا اقول افضل اقول اسهل)

يالبى الاكسنت النيوزلندي (الكيوي )

لاشيء مستحيل ولكن ابحث عن الطريقة ..