ويش الحل تمديد لغة للمرافق

اهلا اخوي حاليا مافي امل للتمديد لكن عندك كذا حل :

1- قدم اختبار ايلتس يمكن تنهي اللغه .

2- حاول تقنع الجامعه انهم يقبلونك ويتجاوزون الفتره المتبقيه.

3- ادرسها على حسابك.

والله يوفقك.

جزيت خيرا أختنا الكريمة النشطة دائما

يعني ما فيه أمل ليه ويش المرافق ماله حق المبتعث في التمديد لكن انا بحاول بكل ما أقدر من البشري الى سطام العتيبي وممكن نطلع بنتيجة
أكيد بعمل الايلتس لكن الدرجة المطلوبة 6,5 وانا مستواي الان من 5 الى 5,5 لكن بنحاول
الحل الثاني ما أتوقع فيه جامعة تتنازل عن الدرجة المطلوبة لدخول الماستر
أكيد الحل الثالث هو أخر الحلول

لكن أنا سمعت ان فيه وحده مرافقة اعطوها تمديد شهرين أنا مو متأكد

اول يعطون تمديد بدون مشاكل الآن لا المبتعث الاساسي ولا المرافق يمدد له النظام تغير واذا قدرت تقنع سطام العتيبي ممتاز لان الموضوع تحت يده والدكتور البشري مجاز حاليا لكن المشكله سطام غير متفهم ابدا لمشاكلنا ونادرا مايساعد وهذا لا يعني انك ماتحاول يمكن ربي يفرجها عليك وحاول في الايلتس في اكثر من مركز اختبر في مدن ثانيه احنا عندنا في اوكلاند الآن مركز جابت فيه صديقتي 5.5 وبعده باسبوعين اختبرت بمركز ثاني جابت 6.

فية حل ان المبتعث الاساسي يخلص الغة وبكذا تقدر تنظم للبعثة

ما فهمنا هذه يا اخت سكرية
أنا زوجتي مخلصة اللغة وهم مخلصة الفاونديشن وراح تبدأ دراسة البكالوريوس
ومع ذلك انا رافع اوراقي للالحاق بالبعثة ورفضوا وطلبوا انهاء اللغة وقبول غير مشروط باللغة

سكريه هذا كان اول الحين الانظمام حتى للمرافق جدا صعب

صديقتي اخوها دارس الثانويه العامه هنا فلغته قويه بشكل ماتتخيلين بسبب ان جميع زملاءه في الفصل كيويين وتم قبوله مباشر للجامعه بدون مرحلة الفاونديشن ايضا لنفس السبب وهو حصوله على الثانويه العامه النيوزلنديه ، ومع ذلك اشترطت عليه الملحقيه انهاء ٣٠ ساعه بنجاح للانظمام للبعثه.

اخ العزة لله : حاول تتصل في الملحق البشري لانه افضل واحد ممكن يتساعد معاه الكل يمدح فيه جدا خير

لكن سطام مااحد تعامل معاه وذكره بخير

غسان علوان جدا متعاون وهو مسؤول جميع جامعات نيوزلندا لكن سطام دايما يوقف معاملاته ويرفضها .

مالك الا واحد من اثنين بعد الله طبعا :

الاول : كلم البشري وحاول تقنعه يستأنف لك الضمان المالي ولا تنسى تعبي الابليكيشن الخاص بطلب ضمان مالي وارفعه لسناء عثمان قسم الوارد تفتح لك معامله وتصير تراجع عليها: http://www.sacm.org.au/forms/SFG2_Ver1.3.pdf.

الثاني : حاول في الايلتس .

غير كذا انك تدرس على حسابك لكن انت شايف نظام اللغه في نيوزلندا ماله قاعده للنجاح ،لذا انا اختصرت على نفسها وجبتها لهم من الآخر وقدمت لهم الايلتس والحمد لله ربي وفقني فيه.

السلام عليكم

انا لدي سؤال

الان زوجي طلعتله بعثة الى نيوزلندا

ويقوم باجراءت القبول من معهد اللغة و الجامعة

وانا عايزة اقرا هناك معاه

ولكني لم اقدم على اي طلب

كان في اعتقادي انه لما اروح الى اهناك

اقدم على طلب الالتحاق بالدراسة

ولكن على حسب مافهمت منكم هذا سيكون صعب ؟

لا يا اختي مو صعب ابدا موضوع الاخ مختلف تماما عن موضوعك ، هو يتكلم عن الابتعاث من دولتنا وليس عن نظام نيوزلندا .

العزة لله
انا مرافقة وتمت سنه وماحصلت غير 100 من 130
فارسلنا للبشري مباشره لانه يوم القاء معه قال اذا لم يتبقي مده طويله على المرافق ويخلص يحق له تمديد الى 3او4 شهور
فرسلنا له نوضح كلامه قال اوكي بس تابعو مع سطام
سطام قال اوكي بس بشرط تغيرون المعهد وتجيبون دواره ايلس لاتزيد عن 8 اسابيع
ولكن لاضروف خاصه بي لم اكمل واجلت الموضوع وان شالله راح ابد بس مدري مته خخخخخ